1 Samuwɛli 3:2 - ALLALA KUMƐ

^2-3 Wati-tenbinɛ, Ilayi yɛ ma ara fɔlɔla birala kinayɛ bolo. Wo sanɛ a nyɛrɛta konko la Marita Fani-Bɔn la tɔn-kenkirɛ ye bɔn min na. Samuwɛli fanan sanɛ Marita Fani-Bɔn burɔ. Yanni lɛnpu-dufen-wati ni ke,

1 Samuwɛli 3:2 Iomraidhean Croise

Ko-Dabirɛnu 27:1

Isiyaka kɔrɔyara tumɛ min, a yɛ mabirara. A ya ala fɛrɛn-kinamɛ kele, Isɔ kɔni. A ya a fɔ a ye ko, “Nna den.” Isɔ ko, “O-o.”

Ko-Dabirɛnu 48:19

A fa ma sɔn wo ma. A ko, “Nna den, min bi a tola n bi kɛ mala, n ya wo lɔn. Manasa-kegeyɛ fanan si siyaya ka ma bɔnsɔn-malɔnnɛ la. Kɔnɔ a dɔgɛ wo si sɛnbɛ sɔrɔn ka tenbi ale la. A kegeyɛ fanan si siyaya ka ma bɔnsɔn-malɔnnɛnu na.”

1 Mansɛnu 14:4

Mansa Yɛrabowamila musi ya a ma iko ala kei ya a fɔ a ye nya min. Ala musi wo tara Nɛbi Ahaya warɛ Sailo soe burɔ. A ya a taran, Nɛbi Ahaya sa fen yenna tun bawo a ara kɔrɔya.

Yaburi 90:10

Ma siyi si san bi-wɔrɔnfila le bɔ dɔrɔn. Ni ma kɔgɔra, ma si san bi-segin bɔ. Kɔnɔ hali ma ye ma diya wati min, yakɔrɔ-mamɔɛ ye ma kuma tolon, ado ma siyi ti mɛ banna.

Makawandili Kumɛnu 12:3

I bole minnu bi i lakandanna nun, wonu si to yɛrɛyɛrɛnna. I sɛnbɛ ye i kian minnu tɔ, wonu ta si yɔpɔ. I dɛ ra si kolonya, hali dɔn-fan, i ti ke a nunkula. I yɛ ti ke ko ragbɛla tun.

1 Samuwɛli 2:22

Ilayi ara kɔrɔya gbɛ kɔbɔkɔbɔ! Tuma-wo-tuma, ala dannu bi ko-yogomɛ minnu sigila Isirɛla mɔgɛnu ma, a ye wonu namɔɛnna. A ye a lamɔɛnna fanan ko anu bi anu sala musinu fɛ minnu bi wɔli kɛla Marita Fani-Bɔn don-dɛ dafɛ.