1 Samuwɛli 3:19 - ALLALA KUMƐ

¹⁹ Samuwɛli tora koloyala. Mari tora a fɛ. Samuwɛli ya koe min bɛɛsi fɔ mɔgɛnu ye, wonu mara tonyɛ la.

1 Samuwɛli 3:19 Iomraidhean Croise

Ko-Dabirɛnu 21:22

Wo wati rɔ, Kirari mansɛ anubɛ ata kɛlɛ-kurugbɛ Fikoli tara Iburayima wara. Mansɛ wo ya a fɔ Iburayima ye ko, “I ye koe min bɛɛsi mala, Alla ye i fɛ wonu tɔ.

Ko-Dabirɛnu 28:15

I tara kan-bo-kan, n si to i fɛ ka i kandan. N si na i la fɔɔ nyamanɛ kɛ rɔ tun. N ti i boloka fɔ n ba n kuman-kan latɔnbagaya.”

Ko-Dabirɛnu 39:2

Mari tora Yusufu fɛ ka ata duwɛ layigi a kuma. A wara-koe tora tala yarɔ. A tora sigini a tigi Pɔtifa warɛ bɔn la Iyipiti nyamanɛ rɔ.

Ko-Dabirɛnu 39:3

A tigi wo ya a yen ko Mari ye Yusufu fɛ koe bɛɛ rɔ bawo Yusufu wa a bole don fenfen tɔ, Mari si wo lasabati.

1 Mansɛnu 8:56

“Alamɛ gbiliyɛ dira Mari ma min bara yisi-kimɛ di ala mɔgɛnu ma iko a ya a fɔ anu ye nya min. Hali lanyiri-kelen-bɛrɛn ma tinya a ya min fɔ Musa ye Isirɛla mɔgɛnuna ko la.

2 Mansɛnu 10:10

Kɛ ara a yira n na ko Mari ya kumɛ min bɛɛsi fɔ n ye Mansa Ehabu anubɛ ala denbayɛnu bara-koe rɔ, wo ara bɔ-a-la. Mari ya min fɔ Nɛbi Ilaya ye, wo bɛɛ ara bɔ a la.”

2 Mansɛnu 22:16

“Mari ko a ye nala Yerusalɛm kɛnu tɔrɔla iko mansɛ ara a rayen buku wo rɔ nya min.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 44:26

Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Luka 1:28

Melika nara a wara ka a fɔ a ye ko, “I yisi sa! Mari ye i fɛ. A ara ata duwɛ layigi i kuma!”

Luka 1:80

Dan wo koloyara ka sɛnbɛ sɔrɔn Alla wara-koe rɔ. A tora wula-da-rakolɔn rɔ ha a bɔ tumɛ kera gbɛ rɔ Isirɛla mɔgɛnu ye tumɛ min.

Luka 2:40

Yisa koloyara ka sɛnbɛ sɔrɔn. A hɛnkili diyara, ado Allata duwɛ ye a fɛ.

Luka 2:52

Yisa koloyara. Ala hɛnkilimayɛ kuma-sara ka duwɛ sɔrɔn Alla anubɛ mɔgɛnu bolo.

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Tɔn-Fɔɛ-Fila-Nyɔgɛ 18:22

Ni nɛbi kɛ ye kumala Alla tɔgɛ le tɔ kɔnɔ a kuman-kan sa bɔla-a-la, wo si a lɔn worɔ ko kumɛ wo ma bɔ Alla bolo. Nɛbi wo ya a sakorɔ-kumɛ le fɔ. Wo kana kilan mɔgɔ-sufa wonu na.”

2 Timoti 4:22

Mari ni i niyi kandan. Allala hinɛ ni to wo dama fɛ.

Yasowa 21:45

Mari ya lanyiri kiri anu ye fan min bɛɛla ko la, anu ya wo bɛɛ sɔrɔn.

Kɛlɛ-Kurugbɛnu 13:24

Wo kɔma, Manowala musi ya buyi bi ka den-kei sɔrɔn. A ya a tɔgɔ sa Samsin. Dan wo koloyara. Mari duwara a ye.

1 Samuwɛli 10:7

Kɛnu ba ma i la wati min, Alla ya i sɔ ko-wo-ko la, i ni wo ma bawo Alla ye i fɛ.

1 Samuwɛli 12:2

Kaka, wo ara wola mansɛ sɔrɔn, ado nde don bara kɔrɔya. N kunyɛ fanan bara gbɛ. I ma nna den-keminɛnu yen? Ka a bi n dennɛ ma ha ka a sigi kaka la, n bi wola kun-tigiyɛ la.

1 Samuwɛli 16:18

Ala wɔli-kɛlɛ do ya a fɔ ko, “Kei do ye Bɛtalehɛm soe burɔ. A tɔgɛ le Yɛsi. Ala dan do ye nyɔ, wo kusan sɔrɔn fɔla dɔgɔma-ma-de! A kerinte. Kɛlɛ-kurugbɛ le, ado a kusan kumala fanan. A mafɛlɛn di. Mari fanan bi a fɛ.”

1 Samuwɛli 18:12

Mansa Sɔli kɛnɛna kilanna Dawuda la bawo a ya a lɔn ko Marita sɛnbɛ sa ale fɛ tun fɔ Dawuda.

1 Samuwɛli 18:14

A ya kɛlɛ min bɛɛsi kɛ, a ya nɔ-ko sɔrɔn bawo Mari ye a fɛ.

1 Samuwɛli 18:5

Mansa Sɔli ya Dawuda sɔ ko-wo-ko la, a si wo ma a kilɛ fɛ. Woletɔ Mansa Sɔli ya kun-tigiyɛ di a ma kɛlɛ-dannu tɛma. Ala kun-tigiya-sɔrɔn wo diyara Mansa Sɔlila kɛlɛ-dannubɛ ala mɔgɔ-banu ye.

1 Samuwɛli 2:21

Marita duwɛ yigira Hana kuma. A ya den-kei mɔgɔ sawa sɔrɔn tun anubɛ dunmusu mɔgɔ fila. Samuwɛli koloyara Marita wɔlɛ kɛla.

1 Samuwɛli 2:26

Samuwɛli tora koloyala, ado a diyanɛ Mari anubɛ mɔgɛnu ye.

1 Samuwɛli 9:6

Wɔli-kɛlɛ wo ya a fɔ ko, “A makɔnɔ fɔlɔn. Nɛbi do ye yan mɔgɛnu bi min gbiliyala bawo a ya kuma-wo-kuma fɔ, wo si bɔ-a-la. Ma ta wo wara. Tumado ale si sofɛlɛ wonu tina yira ma la.”