1 Samuwɛli 3:14 - ALLALA KUMƐ

¹⁴ N bi kɛ fɔla n sɛbɛ le la. Hali Ilayi kebila-mɔgɛnu ya sarakɛ, ni wo ma, kɔ-fan bɔ anu hakɛla ko la, a ti bira.”

1 Samuwɛli 3:14 Iomraidhean Croise

Yaburi 51:16

Ni i ye nyinina sarakɛ le ma nun, n si wo bɔ le kɔnɔ saraka-mintantɛ ti i hɛnɛ.

Aiseya 22:14

Ma Tigi Mari Sɛnbɛ-Bɛɛ-Tigi nyɛrɛ le ya a fɔ n ye ko fananta anu bi anu niyi la, a ti anu makoto anu sɔn-yogomɛ kɛla ko la muk! Ale Mari Sɛnbɛ-Bɛɛ-Tigi kan le kɛ la.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 7:16

Kɔnɔ Mari ya a fɔ n ye ko nde, Yɛrɛmaya kana madiyali kɛ wole, Yuda kɛnu ye. A ko n kana di wola ko la. N kana fenfen matara wo ye. A ko n kana a madiya wo dɛnbɛn-koe la bawo a ti a wɔlɔ matɔlɔ wola ko la mumɛ!

Isikiyɛli 24:13

Yerusalɛm soela sɔn-yogomɛ ara a kɔsɔ feu! Hali n ya n karan ka a sɛninya, a kɔsɔnɛ si to. A ti ban sɛninyala fɔ n ba nna diminya-wɛ bɛɛ labɔ a ma.

Saraka-Masɔlɛnuta Tɔnnu 15:31

Mari ya kɛ le fɔ Musa ye ko a ni Isirɛla mɔgɛnu makawandi ka a gbɛlɛya gben mɔgɛnuta sɛninyabɛlitayɛla ko la. Mari ko ni min ya ata tɔn kɛnu tinya, wo ara bila a la anubɛ ata Fani-Bɔn min bi dagɛ tɛma. Ni min bilara a la yati, wo si faga serr!

1 Samuwɛli 2:25

Ni mɔgɛ ya hakɛ kɛ a hadama-den-nyɔgɛ la, Alla si ke wo tigi latankala le. Kɔnɔ ni mɔgɛ ya hakɛ kɛ Mari la, yon si ala kumɛ fɔ?” Kɔnɔ hali wo, anu ma sɔn anu tole masɔla anu fa la, bayɛ Mari ara ban a latɛgɛla ko fɔ anu ba faga anu hakɛla ko la.