1 Samuwɛli 3:11 - ALLALA KUMƐ

¹¹ Mari ya a fɔ ale Samuwɛli ye ko, “N bi nala koe min mala Isirɛla mɔgɛnu na, wo si gbɛlɛya anu kuma. Ni mɔgɔ-wo-mɔgɔ ya wo lamɔɛn, wo miran si bɔ a ma.

1 Samuwɛli 3:11 Iomraidhean Croise

2 Mansɛnu 21:12

Bawo a ara wo ma, nde, Isirɛlata Mari Alla si Yerusalɛm soe anubɛ Yuda nyamanɛ halaki pɔ! Hali min ba wo lamɔɛn, a si a bole sa a dɛ la.

Yobu 41:9

Ni min ya nima-fan kɛ yen, mɔgɛ wo kun ma si kɔ kilan bolo.

Aiseya 28:19

Sɔgɔma-wo-sɔgɔma, kasarɛ si to nala wo kuma. Su-ni-tele, wo ye kasarɛ kɔrɔ. Wo ya sarakani-kura wo sarakani-kura sɔrɔn Alla bolo, wonu si na kilan kumɛ do la.

Aiseya 29:14

Woletɔ a ko a si to anu mabanna fitina-gbesili la. Minnu hɛnkili kolo, a ko wonu si ma kun-takolɔn la. Anuna kɛwuyɛ bɛɛ si ma fufafuyi la.

Yɛrɛmaya 19:3

wole, Yuda kun-tiginu anubɛ Yerusalɛm so-burɔ-mɔgɛnu ni wo tole masɔ Marita sarakanɛ kɛ la. Mari Sɛnbɛ-Bɛɛ-Tigi, Isirɛlata Alla, kɔni, wo ko a si kasarɛ lana kan-tinɛ kɛ rɔ tiriya! Mɔgɔ-wo-mɔgɔ wa kasarɛ wo wara-koe lamɔɛn, wo kun ma si kɔ.

Habakuku 1:5

Mari ya a fɔ ala mɔgɛnu ye ko, “Wo ni sibole doinu mafɛlɛn minnu bi wola foolɛ rɔ. Wo ye min tayenna wo yɛ la, wo si wo tɛrɛna. N bi nala koe min mala wota wati kɛ rɔ, hali wo wa wo lamɔɛn, wo ti la a la.

Luka 21:26

Min bi nala kɛla duninya bɛɛ rɔ, anu bi wo makɔnɔna. Mɔgɛnu kuma si kɔ ha anu ni kirɔn-a-la bawo san-koleta-sɛnbɛnu ta si maga ka bɔ anu gbɛ rɔ.

Kɛwɔlɛnu 13:41

‘Wole minnu bi nde, Alla mayɛlɛnna, wo si ko-makawanɛ yen ka faga don! N bi nala min mala wota wati kɛ rɔ, hali wo wa a lamɔɛn, wo ti la a la.’ ”

1 Samuwɛli 3:10

Mari nara a sɔ nyɔ ka a rakele tun. A ko, “Samuwɛli, Samuwɛli!” Samuwɛli ya a yabi ko, “Kuma, ita wɔli-kɛlɛ tole masɔnɛ i la.”

1 Samuwɛli 4:10

Filisitinu ya Isirɛla mɔgɛnu nɔ kɛlɛ-kɛ-tinɛ. Isirɛla mɔgɛnu burimatoe sɛgira anu barɛnu tɔ. Isirɛla kɛlɛ-dan minnu fagara wulɔn, mɔgɔ waga bi-sawa (30,000).