1 Samuwɛli 3:10 - ALLALA KUMƐ

¹⁰ Mari nara a sɔ nyɔ ka a rakele tun. A ko, “Samuwɛli, Samuwɛli!” Samuwɛli ya a yabi ko, “Kuma, ita wɔli-kɛlɛ tole masɔnɛ i la.”

1 Samuwɛli 3:10 Iomraidhean Croise

Yasowa 5:14

Kei wo ya a yabi ko, “Marila kɛlɛ-den-kun-tigi le nde la.” Yasowa ya a sa dugi ma a kɔrɔ ka a bato. A ya a fɔ kei wo ye ko, “Ila wɔli-kɛlɛ le nde la. I ye a fɛ, n ni nfen ma?”

1 Samuwɛli 12:2

Kaka, wo ara wola mansɛ sɔrɔn, ado nde don bara kɔrɔya. N kunyɛ fanan bara gbɛ. I ma nna den-keminɛnu yen? Ka a bi n dennɛ ma ha ka a sigi kaka la, n bi wola kun-tigiyɛ la.

1 Samuwɛli 3:11

Mari ya a fɔ ale Samuwɛli ye ko, “N bi nala koe min mala Isirɛla mɔgɛnu na, wo si gbɛlɛya anu kuma. Ni mɔgɔ-wo-mɔgɔ ya wo lamɔɛn, wo miran si bɔ a ma.

1 Samuwɛli 3:15

Samuwɛli kira sani kudu, ha banda kara. A ya a lasɔ ka Marita Fani-Bɔn bonda-dɛ laka. Kɔnɔ a kilanta ala ko-rayirɛ wo rakaranna Ilayi ye.

1 Samuwɛli 3:21

Mari tora kumala Samuwɛli ye Sailo soe burɔ ka ko-rayirɛ kɛ a ye, ado Samuwɛli kumara tuma-wo-tuma, Isirɛla mɔgɛnu si anu tole masɔ a la.

1 Samuwɛli 3:8

Samuwɛlita kele sawa nyɔgɛ Mari bolo, a ya a lasɔ. A tara Ilayi wara tun. A ya a fɔ a ye ko, “Ile le ya n kele? N bara na.” Ilayi ya a lɔn wati wo le tɔ ko Mari le ye dennɛ wo rakele-tinɛ.

1 Samuwɛli 3:9

A ya a fɔ a ye ko, “Ta i sa-tinɛ. Ni i ya i rakele-kan lamɔɛn gbɛ, a fɔ ko, ‘N Mari, kuma. Ita wɔli-kɛlɛ tole masɔnɛ i la.’ ” Wo kɔma, Samuwɛli tara a sa a sa-tinɛ tun.