1 Samuwɛli 29:3 - ALLALA KUMƐ

³ Filisitinuna kɛlɛ-kurugbɛnu ya Dawuda anubɛ ala keminɛnu yen tumɛ min, anu ya a fɔ ko, “Hiburu kɛnu damasi ye nfen mala yan tɔ?” Mansa Akisi ya a fɔ anu ye ko, “Dawuda le kɛ la min bi kun-tigiyɛ la nun Isirɛla mɔgɛnu na Mansa Sɔli kɔrɔ. A ara mɛ n fɛ kosɛbɛ! Ka a bi a na-wati ma ha ka a sigi kaka la, n ma fɛɛ-wo-fɛɛ yen a la.”

1 Samuwɛli 29:3 Iomraidhean Croise

Ko-Dabirɛnu 14:13

Mɔgɛ do ya a buri kɛlɛ rɔ ka ta wo bɛɛsi rakaran Burama ye. (Burama wo bɔra Iburu kegeyɛ le tɔ.) Wo wati rɔ, Burama daga makɛnɛ Mamirela kɔlɔma-kuri-latankanɛnu dafɛ. Amora do le Mamire kɛ la. Mamire anubɛ a na-kelen-nyɔgɛnu Esikoli anubɛ Aneri, wonubɛ Burama bara diyanaya lanyiri kiri anu nyɔgɔn tɛma nun.

1 Ko-Kɔrɔta-Karan 12:19

Dawuda anubɛ Filisitinu wulita wati min ka ta Mansa Sɔli kɛlɛ tinɛ, Manasa bɔnsɔn kɛlɛ-dan donu nara kofu Dawuda ma wo wati rɔ. Kɔnɔ Filisitinuna mansɛnu ma sɔn Dawuda ni kɛlɛ kɛ bawo anu bi kilanna ko Dawuda kana na ta anu don Mansa Sɔli bolo, ala kun-tigi-kɔrɛ, kɔni. Woletɔ anu ya ale Dawuda lasɛgi a kɔma Sikilagi soe burɔ fass!

1 Ko-Kɔrɔta-Karan 12:20

Manasa bɔnsɔn-kɛlɛ-dan minnu nara kofu Dawuda ma, wonu tɔgɛ le kɛnu na, Adina, Yosabadi, Yɛdiyɛyɛli, Maikali, Yosabadi, Ɛlihu, anubɛ Siletayi. Anu bi anuna nyamanɛ rɔ tumɛ min, anu bɛɛ ye mɔgɔ waga kelen-kelen kun na nun.

Daniyɛli 6:5

Anu ya a fɔ anu nyɔgɔn ye ko, “Ma ti ke fɛɛ sala a la ka a tɔgɔ tinya, fɔ ala dina wara-koe rɔ. Ma si ke a nɔla nyɔ le.”

Yɔni 19:6

Saraka-masɔla-wɛnu anubɛ Alla-Bato-Bon kandannɛnu ya a yen tumɛ min, anu ya a lasɔnkɔ ko, “A gbangban kɔlɔma ma! A gbangban kɔlɔma ma!” Pailɛti ya a fɔ anu ye ko, “Wole nyɛrɛ ni a bi ka ta a gbangban kɔlɔma ma. Nde ma a yiliki-nya yen hali!”

Romu 12:17

Ni mɔgɛ do ya ko-yogomɛ ma wo la, wo kana wo tayili sara ko-yogomɛ la. Koe minnu kin mɔgɛ bɛɛ yala, wo ni wo raya koe wonu ma tinɛ.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,

1 Samuwɛli 14:11

Anu tara sɔ gbɛ rɔ alako Filisitinu ni anu yen. Filisitinu ya anu yen min kɛ, wonu ya a fɔ ko, “Wo ni wo yɛ lata. Hiburu donu bi bɔla denkɛnu na anu dogon-kɛ-tinɛnu tɔ.”

1 Samuwɛli 25:28

N tigi, i yandi, ni n bara bila i la, i hakɛ to n ye. Mari si wobɛ i kegeyɛnu ma mansɛ la bawo i ye ata kɛlɛ kɛ le la. Fananta i ye i kɛndɛ la, i ti ko-yogoma ma.

1 Samuwɛli 27:1

Dawuda ya a fɔ a nyɛrɛ ma ko, “Tele-dande kɛ kɔrɔ, fɔ Mansa Sɔli kɛ wa n faga serr! Min fisa, n ni n buri tala Filisitinu bara la. Wo si a ma, Mansa Sɔli ni a bɔ n fɛ Isirɛla nyamanɛ kɛ rɔ, ado n si kanan worɔ.”

1 Samuwɛli 27:7

San kelen karɛ nani, Dawuda siginɛ Filisitinuna nyamanɛ rɔ.

1 Samuwɛli 29:6

Mansa Akisi ya Dawuda kele. A ya a fɔ a ye ko, “N bara n keli Isirɛla mɔgɛnuta Alla-nimɛ rɔ ko mɔgɔ-latelennɛ le ile la nde ye. Ka bila n fɛ kɛlɛ rɔ, n si sewa wo la nun, ado kebi i nara n barɛ, n ma fɛɛ-wo-fɛɛ yen i la. Kɔnɔ n ta-nyɔgɔ-mansɛnu, wonu ma sɔn i bila-koe rɔ ma fɛ.

1 Samuwɛli 4:6

Filisitinu ya anu sɔnkɔ-kan wo lamɔɛn tumɛ min, anu ko, “Nfen sɔnkɔ ye Hiburu kɛnuna dagɛ rɔ?” Filisitinu ya a lɔn tumɛ min ko Marita tɔn-kenkirɛ ara ke Hiburununa dagɛ rɔ,