1 Samuwɛli 29:1 - ALLALA KUMƐ

¹ Filisitinu ya anuna kɛlɛ-dannu nadɛn soe do dafɛ min tɔgɛ Afɛki. Isirɛla kɛlɛ-dannu ya anu daga makɛ tenke do dafɛ Yɛsɛreli lɛɛ wara la.

1 Samuwɛli 29:1 Iomraidhean Croise

2 Samuwɛli 2:9

Abina ya wo ma mansɛ la ka a sigi Isirɛla nyamanɛ bɛɛ kun na, katarala Kaliyadi anubɛ Asɛra anubɛ Yɛsɛreli anubɛ Ifɛrɛm anubɛ Bɛnyamɛ nyamanɛnu ma.

2 Samuwɛli 5:17

Filisitinu ya a lamɔɛn min kɛ ko Dawuda ara ma mansɛ la Isirɛla nyamanɛ rɔ, anu ya anuna kɛlɛ-dannu nata a bira tinɛ. Mansa Dawuda fanan ya wo lamɔɛn min kɛ, a tara kan-tina-latankanɛ do rɔ.

1 Mansɛnu 20:30

Siriya-toenu ya anu buri ka ta Afɛki soe burɔ. Soe wo tarɛ kerita anu kuma. Siriya mɔgɔ waga mogan-ni-wɔrɔnfila (27,000) fagara anu tɔ nyɔ. Mansa Bɛnhedadi ya a buri tala Afɛki soe burɔ. A tara a nyɛrɛ dogon tonke do rɔ bɔn burɔ.

1 Mansɛnu 21:1

Kei do ye nyɔ, a tɔgɛ le Nebɔti. Nɔnbɔ-gbɔ-sɛnɛ ye a bolo Mansa Ehabula bolɔn dafɛ Yɛsɛreli soe dafɛ.

1 Mansɛnu 21:23

Mari ko wulinu si ila musi Yɛsɛbɛli furi dɔn Yɛsɛreli soe burɔ tarɛ dafɛ,

2 Mansɛnu 9:30

Wo kɔma, Mansa Yehu wulita ka ta Yɛsɛreli soe burɔ. Mansa Ehabula kɛɛ-musi Yɛsɛbɛli wo ya a lamɔɛn min kɛ ko Mansa Yehu min ya ala dan faga, wo ara na, a ya a ya-siyi lafin ka a kunyɛ rabɔ. A ya a sɔ mansɛla bolɔn wundan la ka a yɛ layigi kilɛ ma.

2 Mansɛnu 9:36

Wonu nara wo fɔ Mansa Yehu ye min kɛ, a ya a fɔ ko, “Mari ya kɛ le fɔ ala wɔli-kɛlɛ Nɛbi Ilaya Tisibi kɛ ye ko, ‘Wulinu si Yɛsɛbɛli soge dɔn Yɛsɛreli soe burɔ.

Yaburi 83:7

Kibali kɛnu wo, Amonnu wo, Amalɛkinu wo, Filisitinu wo, anubɛ Taya kɛnu.

Yasowa 17:16

Yusufu bɔnsɔn ya a fɔ a ye ko, “Mata kɔnkɔ-nyamanɛ kɛ ma kolo. Ma ti kun yan, ado ma kilannɛ Kenan mɔgɛnu na minnu bi Yorodan bɛ fɛ bawo nɛgɛ-kirindinu bi anu bolo. Donu bi wonu bolo minnu siginɛ Bɛti-San soe burɔ anubɛ a dafɛ-so-mɛsɛnu fanan. Hali minnu bi Yɛsɛreli lɛɛ rɔ, donu bi wonu fanan bolo.”

Yasowa 19:18

Anu ya so-kun tan-ni-wɔrɔ sɔrɔn ka wo sa a dafɛ-so-mɛsɛnu kuma. So tan-ni-wɔrɔ wo do le kɛnu na, Yɛsɛreli, Kɛsuloti, Sunam, Hafarayim, Saiyon, Aneharati, Rabiti, Kisiyɔn, Abɛsi, Rɛmɛti, Ɛnganim, Ɛnhada, anubɛ Bɛti-Pasɛsi. Kantɔ-dan ya a dabira Tebɔ kɔnkɛ ma ka yigi ha Sehasaima anubɛ Bɛti-Simɛsi soenu ka ta dan Yorodan bɛ la tele bɔɛ.

Yasowa 19:30

Anu ya soe min dama lakofunɛ sɔrɔn, wo le so-kun mogan-ni-fila ka wo sa anu dafɛ-so-mɛsɛnu kuma. Soe wonu donu bi kɛnu na, Hɛlakati, Helayi, Bitɛn, Akasafa, Alamɛlɛki, Emadi, Maisali, Mahalabu, Akisibu, Uma, Afɛki, anubɛ Rihobu.

Kɛlɛ-Kurugbɛnu 6:33

A ma mɛ wo kɔma, Midiyan kɛnuta kɛlɛ-dannu anubɛ Amalɛkinuna kɛlɛ-dannu anubɛ sibolo-gbɛrɛ minnu bi tele-bɔɛ wara la nun, wonu ya anu kundɛn ka Yorodan bɛ tɛgɛ. Anu ya anu daga makɛ Yɛsɛreli lɛɛ rɔ.

Kɛlɛ-Kurugbɛnu 7:1

Wo wulun sɔgɔma, anu bi Kidiyɔn min kelela Yɛruba-Beyali, wonubɛ ala kɛlɛ-dannu tara anu daga makɛ Harodi tenke dafɛ. Kɔnɔ Midiyan kɛnuna kɛlɛ-dannu tara anu daga makɛ anu denu ma kantɔ lɛɛ do rɔ min bi More kɔnkɛ dafɛ.

1 Samuwɛli 28:25

A nara dɔn-fan wo sigi Mansa Sɔli anubɛ mɔgɔ filɛ wonu kɔrɔ. Anu ya a dɔn. Anu ban a dɔnna, anu tara wulɔn suyi rɔ.

1 Samuwɛli 28:4

Filisitinuna kɛlɛ-dannu ya anu daga makɛ Sunam soe dafɛ. Mansa Sɔli ya ata kɛlɛ-dannu Isirɛla mɔgɛnu fanan kundɛn ka anu daga makɛ Kilabowa kɔnkɛ kɔrɔ.

1 Samuwɛli 4:1

Wo wati rɔ, Filisitinu ya anu kundɛn Isirɛla mɔgɛnu kan ma. Isirɛla mɔgɛnu fanan ya anu nawuli ka ta anu kɛlɛ tinɛ. Anu tara anu daga makɛ kan tinɛ do rɔ anu ya min kele ko Dɛnbɛn Kuriya. Filisitinu fanan tara anu daga makɛ soe do dafɛ min tɔgɛ Afɛki.