Biblia Todo Logo
Bìoball air-loidhne

- Sanasan -




1 Samuwɛli 28:23 - ALLALA KUMƐ

23 Kɔnɔ Mansa Sɔli ya a ban wo ma. A ko, “N ti fenfen dɔn kaka.” Kɔnɔ a tara mɔgɔ filɛ minnu na a bolo, wonu fanan ya a madiya fen-dɔn-koe rɔ. Tɔ-a-la, a sɔnta wo ma. A ya a lasɔ dugi ma ka a sigi sofa rɔ.

Faic an caibideil Dèan lethbhreac




1 Samuwɛli 28:23
11 Iomraidhean Croise  

Mansa Ehabu diminyanɛ sɛgira a warɛ bɔn la ka a tɛgɛ kumɛ wo ma Nebɔti ara min fɔ a ye. A ya a sa ala sofa rɔ ka a ya-lamunun dandan la. A ya a ban fen-dɔn-koe ma yisi-tinya bolo.


Lunyɛ do, Nɛbi Ilaisa tara Sunam soe burɔ. Musu-nɔnfulu-tigi do siginɛ soe wo burɔ. Musi wo ya Nɛbi Ilaisa kele fen dɔn tinɛ. Ka a bi wulɔn ma ha a mɛra gbɛ, a wa ta nyɔ tuma-wo-tuma, a si fen-dɔn-kɛ musi wo warɛ.


Ale Neyamanna wɔli-kɛlɛnu nara a fɔ a ye ko, “Ma tigi, ni nɛbi kɛ ya a lagbɛlɛya i kuma, fɔ i wa i nyɛrɛ don i kɔndɔfili-koe rɔ nun. Kɔnɔ a ara a fɔ i ye min kɛ dɔrɔn ko i ni ta i ku, i ni kɛndɛya, nfenna i ma sɔn wo ma?”


A ya yesekara-gbɛ anubɛ yesekara-finyɛ bi ka wo ma kurɛ la ka lu-kɔndɛ wo rabɛn wonu na. Anu ya kurɛ wonu tɛ-kiri tala yili-kolo-pɔrɔkɔsɛnu na. Wodi-gbɛ-dɛɛn minnu sɔnɛ sɛnbɛrɛn-kɔnnu na tala, anu ya yili-kole wonu kiri tala wonu na. Sɛnbɛrɛn-kɔn wonu nadannɛ kuru-gbɛlɛ denu denu na. Sigi-fen-yan minnu nadannɛ sɛnɛ anubɛ wodi-gbɛ la, wonu siginɛ tala lu-kɔndɛ wo rɔ. Lu-kɔndɛ wo gbɛlɛkannɛ kuru-gbɛlɛ subolo-siyamɛ bɛɛ la.


Ka sigi sa mɔgɔ-yisi-tinyanɛ ye, wo mani de iko mɔgɛ wa a gbu-makolonya dafere-kimɛ rɔ. A mani de fanan iko mɔgɛ wa kɔgɛ sa tɛlɛ la.


Anu ya anu sigi sofa-nyimɛnu tɔ, fen-diyama-su bɛɛ kɛnɛ tebulu kuma anu yakɔrɔ nyɔ, hali isɛnti anubɛ tuli min dantɛgɛnɛ nde, Mari ma nun.


Woletɔ kun-tigi ya a fɔ ala wɔli-kɛlɛ ye ko, ‘Ta kila-wɛnu anubɛ sɛnita-kilɛnu fɛ ka mɔgɛnu kele fɔrɔsɛ la, woletɔ nna bɔn la si fa.


kɔnɔ anu ya a madiya bɛrɛkɛ! Anu ko, “To ma fɛ fɔlɔn. Tele ara ta, suyi ketoe le.” Woletɔ a donta ka to anu fɛ.


Wobɛ ala bonna-mɔgɛ bɛɛ batasira. Wo kɔma, a nɔrɔta a fɔla ma ye ko, “Ni wo lara a la ko n bara dɛnkɛninya Mari Yisa ma, wo na yiya n barɛ.” A kirita ma ma ha ma sɔnta.


Kirasitita keninteyɛ ye ma marala bawo ma ara a lɔn ko mɔgɔ kelen fagara mɔgɛ bɛɛ ye, woletɔ mɔgɛ bɛɛ fagara a fɛ ka bɔ anuna hakɛnu tɔ.


Nba, ile fanan ni i wɔlɔ matɔlɔ n na. N ni dɔn-fan do rabɛn ka a di i ma. Wo si a ma, i ni fanka sɔrɔn ila tagamala ko la.”


Lean sinn:

Sanasan


Sanasan