1 Samuwɛli 28:18 - ALLALA KUMƐ

¹⁸ Ile ara Marita kumɛnu tinya bawo i ma sɔn Amalɛkinu anubɛ anu bolo-fannu nato-koe ma a rɔ. Woletɔ Mari ye nala kɛ mala i la gbɛ!

1 Samuwɛli 28:18 Iomraidhean Croise

1 Mansɛnu 20:42

Nɛbi wo ya a fɔ mansɛ ye ko, “Mari ko bawo ale ya a fɔ i ye ko i ni mɔgɛ min faga, ile ara wo kɛndɛ boloka, wo ara ta, Mari ko fɔ i wa faga mɔgɛ wo gbɛ rɔ. Min sanɛ wo kuma bawo ila kɛlɛ-dannu bara anu yogenu kɛndɛ boloka, Mari ko fɔ ila kɛlɛ-dan wonu ba kasara pɔ!”

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

Yɛrɛmaya 48:10

Dankɛ ye wo tigi ma min sa sɔnna Marita wɔlɛ kɛla a sɛnbɛ la. Dankɛ ye wo tigi ma min ti sɔn yele ni don ala faan ma.

1 Samuwɛli 13:9

Woletɔ Mansa Sɔli ya a fɔ anu ye ko, “Wo na saraka-mintantɛ anubɛ yisi-kima-sarakɛnu na n ye.” A ya saraka-mintantɛ wo mintan.

1 Samuwɛli 15:20

Mansa Sɔli ya a fɔ ko, “N ya Marita kumɛ bira le. N tara kɛlɛ kɛ iko a ya a fɔ n ye nya min. N nara anuna mansɛ Ekaki la. N ya Amalɛki damasi faga.

1 Samuwɛli 15:28

Wo manɛ, Samuwɛli ya a fɔ a ye ko, “Mari fanan bara Isirɛla mɔgɛnuna mansayɛ rafara i ma bi wo nya na. A si a di mɔgɛ do ma min tenbira ile la.

1 Samuwɛli 15:9

Mansɛ wo kɛndɛ tora Mansa Sɔli anubɛ ala kɛlɛ-dannu bolo. Amalɛkinuna saga-hakikɛnu anubɛ anuna ninki-hakikɛnu fanan kɛndɛ tora. Anu bolo-fan minnu kin, anu ya wonu namara anu nyɛrɛ ye. Anu bolo-fan minnu ma kin dɔrɔnfan, anu ya wonu kasara.