1 Samuwɛli 28:16 - ALLALA KUMƐ

¹⁶ Samuwɛli ya a fɔ a ye ko, “Mari ara ile min boloka ka ma i yoge la, nfenna ile ye n manyinikala yan?

1 Samuwɛli 28:16 Iomraidhean Croise

2 Mansɛnu 6:27

Ale mansɛ ya a fɔ musi wo ye ko, “Ni Mari ma ile dɛnbɛ, nde si i dɛnbɛ kama? Dɔn-fan do le nde bolo anubɛ minni-fan?

Nimisa Koe 2:4

Mari ara ala kalabɛn rasagan ma kan ma iko a yoge le ma la. A ya mala mɔgɔ-hakikɛ bɛɛ faga. A ara ala diminyɛ rawuya Yerusalɛm soe ma iko tɛ.

Nimisa Koe 2:5

Ma Tigi Mari ara ma ma yoge la ka Isirɛla nyamanɛ tinya. Tarɛ mininɛ soe minnu ma wo, a bon-kinyɛnu wo, a ara wo bɛɛ halaki pɔ! A ara male Yuda kɛnuna tɔrɔyɛ layiriba kosɛbɛ!

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 18:24

Babilɔn tɔrɔta bawo nɛbinu yele anubɛ Allata mɔgɛnu yele taranta soe wo burɔ. Ɔnde, min bɛɛ fagara dugu-kole kuma, wonu yele taranta soe wo burɔ.

Kɛlɛ-Kurugbɛnu 5:31

“E, Mari, alamɛ i yoge bɛɛ halakira iko Sisara mara nya min. Kɔnɔ minnu bara i keni, alamɛ wonu malanta iko tele.” Wo kɔma, san bi-nani, anu bi yisi-kimɛ rɔ Dɛbora anubɛ Bɛraki bolo.

1 Samuwɛli 28:15

Samuwɛli ya a fɔ Mansa Sɔli ye ko, “I ya n kele ka n yakɔrɔ-mamɔ nfenna?” Mansa Sɔli ya a fɔ a ye ko, “N bi kɔndɔfili-belebele le tɔ kɛ la kaka. Filisitinu bi ma kɛlɛla, ado Alla fanan bara n boloka. A sa n yabila nɛbinu fɛ anubɛ kiyo rɔ tun. Woletɔ n bara i kele alako i ni hɛnkili di n ma.”

1 Samuwɛli 28:17

Mari ara min bɛɛsi fɔ n ye nun, n bara wonu fɔ i ye, ado Mari ara ban wonu mala. A ara mansayɛ bɔ i bolo ka a di Dawuda ma.