1 Samuwɛli 27:10 - ALLALA KUMƐ

¹⁰ Mansa Akisi si a manyinika ko, “I tara kɛlɛ kɛ mintɔ wara la nun kɛ rɔ?” Lunyɛ do, Dawuda si a fɔ a ye ko, “N tara kɛlɛ kɛ Yuda nyamanɛ dugula wara la le.” Lunyɛ do, a si a fɔ fanan ko, “N tara i yoge Yɛramɛlinu kɛlɛ tinɛ le.” Lunyɛ do fanan, a si a fɔ ko, “N tara i yoge Kenanu kɛlɛ tinɛ.”

1 Samuwɛli 27:10 Iomraidhean Croise

Ko-Dabirɛnu 27:24

a ya a manyinika tun ko, “I lara a la ko Isɔ le ile la?” Yakoba ko, “Nde le, yɔ!”

2 Samuwɛli 17:20

Abasalɔmla mɔgɔ-ba donu nara musi wo manyinika mɔgɛ kɛnuna ko ma. Musi wo ya a fɔ anu ye ko, “Anu bara bɛ tɛgɛ nun, bi ma!” Mɔgɔ-ba wonu ya mɔgɔ filɛ kɛnu nanyini kɔnɔ anu ma anu yen. Anu sɛgira anu kɔma Yerusalɛm.

1 Ko-Kɔrɔta-Karan 2:25

Hɛsirɔnla sarɛ Yɛramɛli ya den-kei mɔgɔ loli sɔrɔn. Yɛramɛli wota sarɛ le Rama la. Wo dɔgɛ tɔgɛ le kɛnu na, Buna wo, Ɔrɛn wo, Osɛmi wo, anubɛ Ahaya.

1 Ko-Kɔrɔta-Karan 2:9

Pɛrɛsila den Hɛsirɔn ya den-kei mɔgɔ sawa sɔrɔn, Yɛramɛli wo, Rama wo, anubɛ Kelabu.

Yaburi 119:163

Foninya-sɔgɔ labɔnɛ le n na lass! Kɔnɔ ita tɔnnu di n ye kati!

Yaburi 119:29

N masɛgi ko-yogoma-kɛ la feu! N karan ita tɔnnu na i kɛ-nya-nyimɛla ko la.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Yilan-Yilan Koe 24:21

Mari ya ko-rayirɛ kɛ a ye tun Kena mɔgɛnuna ko la ka wɔlɔyiya-kumɛ donu fɔ anuna ko la. “Wole siginɛ kan min, nyɔ latankani de! Wole siginɛ kɔnkɔ wa latelennɛ kuma.

Ɛfɛsa 4:25

Wo kana foninyɛ fɔ tun! Bɛɛ ni tonyɛ fɔ anu nyɔgɔn ye bawo Kirasiti bagbu kelen de ma dama la.

Kɛlɛ-Kurugbɛnu 1:16

Nɛbi Musa biran-kei min bɔra Kena bɔnsɔn rɔ, wo kegeyɛnu bilara Yuda bɔnsɔn-mɔgɛnu fɛ ka bɔ Tamaro Kɔrɔ ka ta anu sigi Yuda bɔnsɔn anubɛ Amalɛkinu fɛ dugu la wula-da-rakolɔn rɔ Aradi soe dafɛ.

Kɛlɛ-Kurugbɛnu 4:11

Wo wati nyɛrɛ rɔ, kei do ye nyɔ min tɔgɛ Hibera. Kena mɔgɛ do le ale la. Musa biran-kei Hobabu kebila-nyɔgɛ le ale la. Hibera kɛ ya a bɔ a na-kelen-nyɔgɛnu kurun tɔ ka ta ala fani-bɔn sɔ a dan na kɔlɔma-kuri-latankani-wɛ do kɔrɔ min bi Seyanim soe burɔ Kɛdɛsi soe telen tɔ.

Kɛlɛ-Kurugbɛnu 5:24

“Duwɛ ye Hiberala musi Yeyɛli fɛ Kena mɔgɛ, kɔni. Musi min bɛɛ siginɛ fani-bɔnnu na, duwɛ ye Yeyɛli fɛ ka tenbi wo bɛɛ la.

1 Samuwɛli 15:6

A ya kilayɛ lata Kena mɔgɛnu ma minnu siginɛ Amalɛkinu tɛma ko, “Wo ni wo bɔ Amalɛkinu kurun tɔ alako wo dama kana faga wo nyɔgɔn fɛ.” A ya wo fɔ bawo Isirɛla mɔgɛnu bɔra Iyipiti tumɛ min, Kena mɔgɛnu denu ya ko-nyimɛ kɛ anu benbanu ye. Woletɔ Kena mɔgɛnu ya anu bɔ anu kurun tɔ.

1 Samuwɛli 21:2

Dawuda ya a fɔ a ye ko, “Mansɛ le ya n sɔ. A ya n sɔ min tɔ, a ko mɔgɔ-wo-mɔgɔ kana ko lɔn a rɔ. N bara a fɔ nna keminɛnu ye, n ko ma ni ma nyɔgɔn bɛn kan tinɛ do rɔ.

1 Samuwɛli 23:27

A ma mɛ, kilayɛ do kera Mansa Sɔli ma ko, “Na tiriya! Filisitinu bara na bui mala nyamanɛ ma!”

1 Samuwɛli 27:11

A wa ta tuma-wo-tuma, kei wo, musi wo, a si anu dama faga tɛrr, alako mɔgɔ-den-kelen-bɛrɛn kana na to min si na a dantɛgɛ Kati mansɛ wo ye. Tuma-wo-tuma, Dawuda si to a mala wo nya na le Filisitinuna nyamanɛ rɔ.

1 Samuwɛli 29:8

Dawuda ya a fɔ a ye ko, “N fa, n bara nfen ko-yogoma ma? Ka na a fɔ, ni tonyɛ le, i ma fɛɛ yen n na kebi fɔlɔ, nfenna n ti ta i yogenu kɛlɛ worɔ? Bawo n tigi le i la, ado nna mansɛ le ile le la.”

1 Samuwɛli 30:29

anubɛ Rakali mɔgɔ-banu ma. Wo kɔma fanan, a ya do lata Yɛramɛlinu anubɛ Kenanu ma.