1 Samuwɛli 26:5 - ALLALA KUMƐ

⁵ Wonu nara anu dantɛgɛ Dawuda ye tumɛ min, ale nyɛrɛ-nyɛrɛ wulita anubɛ keminɛ donu alako ka a lɔn ni Mansa Sɔli anubɛ ala kɛlɛ-den-kun-tigi ye kan min, yɔ! Mansa Sɔlita kɛlɛ-den-kun-tigi tɔgɛ le Abina. Wo fa tɔgɛ le Nɛri. Anu ya a taran, Mansa Sɔli ye kinɔgɔla ala kɛlɛ-dannu tɛma.

1 Samuwɛli 26:5 Iomraidhean Croise

2 Samuwɛli 3:27

Abina ke soe tarɛ dɛ ma, Yohabu ya a bi. Anu ya anu mata doni. Yohabu ya a nyɛrɛ ma iko a ye gbundu-kumɛ do le fɔla a ye. A ya Abina buyi punsɔgɔ. A ya Abina faga bawo wo le fɔlɔn ya ale dɔgɛ Asahɛli faga.

1 Ko-Kɔrɔta-Karan 9:39

Nɛri ya Kisa sɔrɔn. Kisa ya Sɔli sɔrɔn. Sɔli wo ya den-kei mɔgɔ nani sɔrɔn, Yonatan wo, Malikisuwa wo, Abinadabu wo, anubɛ Ɛsɛbeyali.

1 Samuwɛli 17:20

Wo wulun sɔgɔma subaga, Dawuda ya a lasɔ. A ya sagɛ wonu kerifanɛ to mɔgɛ do la. A ya dɔn-fan wo damasi bi iko a fa ya a fɔ a ye nya min. A ke dagɛ wo rɔ, a ya a taran, Isirɛla kɛlɛ-dannu bara bɔ dagɛ wo rɔ ka ta anu sɔ anu gbɛ rɔ anu si kɛlɛ kɛ kan min. Anu bi tala gbele-gbelenna anu bolo fɛ nya-kun-kelen.

1 Samuwɛli 17:55

Dawuda ye tala Kolati kɛlɛ tinɛ tumɛ min nun, Mansa Sɔli ya ala kɛlɛ-den-kun-tigi Abina manyinika ko, “Keminɛ min bi tala kɛlɛ-kɛ-tinɛ kɛ la, yonna den bi wo la?” Abina ya a fɔ a ye ko, “N tigi, nde ma kɛ lɔn.”

1 Samuwɛli 26:4

a ya ko-lakɔrɔsilɛnu nata alako wonu ni a lɔn serr ni Mansa Sɔli le.

1 Samuwɛli 9:1

Kei-malɔnnɛ do ye Bɛnyamɛ bɔnsɔn rɔ, ado fen bi a bolo fanan. A tɔgɛ le Kisa. A fa tɔgɛ le Abayɛli. A benba tɔgɛ le Sirɔri. Sirɔri wo fanan fa tɔgɛ le Bɛkɔrati. Bɛkɔrati wo fanan fa tɔgɛ le Afiya. Afiya kɛ, Bɛnyamɛ kegeyɛ do le ale la.