1 Samuwɛli 26:24 - ALLALA KUMƐ

²⁴ Iko n bara i niyi latanka nya min bi, alamɛ Mari ya wo nyɔgɔn ko sufa ma n ye ka n tanka yakɔrɔ-mamɔɛ ma.”

1 Samuwɛli 26:24 Iomraidhean Croise

Ko-Dabirɛnu 48:16

Alla min nara nde ma iko melika ka n kunka ko-yogomɛ bɛɛ ma, alamɛ wota duwɛ tora ila den-keminɛ kɛnu kuma. Alamɛ tɔgɔ-nyimɛ tora den-kei filɛ kɛnu kuma iko a tora n fa Isiyaka anubɛ n benba Iburayima anubɛ nde kuma nya min. Anu bɔnsɔnnu ni siyaya dugu-kole kɛ kuma.”

2 Samuwɛli 4:9

Dawuda ya a fɔ anu ye ko, “Mari-nimɛ min bi n nakisila masibɛ ma, n bara n keli wo rɔ.

Yaburi 144:2

N keninte le ale la min si n kumafunfan. N kandannɛ anubɛ nna kisilɛ le ale la. Nna nɛgɛ-lufɛ le ale la min si n kandan kɛlɛ rɔ. A ye sibolo-gbɛrɛnu nɔla n ye ka n ma mansɛ la wonu kuma.

Yaburi 18:1

Mari di n ye kosɛbɛ! N kumafunfannɛ le ale la.

Yaburi 18:25

Ni min ya a telen Mari ye, Mari si a telen wo tigi ye. Fɛɛ sa mɔgɔ min na, ale si ko-nyimɛ le dɔrɔn kɛ wo ye.

Yaburi 18:48

Ale le ye n bɔla n yogenu bolo la ka n nafɛrɛ. E, Mari, i ye a mala, n bi nɔ-ko sɔrɔnna n yogenu ma. I ye n nakananna karagbɛlɛnu masibɛ ma.

Yaburi 34:20

Mari si a latanka a kin na! Hali a kolo kelan ti keri.

Yaburi 54:7

I wara n kunyɛ bɔ nna yakɔrɔ-mamɔɛ bɛɛ rɔ. I wara n yogenu nɔ nya min, n bara wo yen n yɛ la.

Matiyu 5:7

Mɔgɔ-sewanɛ le wo mɔgɛ la min bi kinikinina donu ma bawo Alla si kinikini ale fanan ma!

Matiyu 7:2

bawo wo ye mɔgɛnu yilikila nya min, Alla ye wole fanan yilikila wo nya na le. Wo wa a ma mɔgɛnu ye nya min, Alla si a ma wole fanan ye wo nya na le.

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

2 Tɛsalonaika 3:2

Wo ni tarali kɛ ko Alla ni ma tanka kalabantenu anubɛ ko-yogoma-kɛlɛnu ma bawo bɛɛ ma dɛnkɛninya Mari ma wɛ.

Lankɛnimayɛ 7:14

N ya a yabi ko, “N fa, nde ma a lɔn. Ile le ya wo lɔn.” A ya a fɔ n ye ko, “Minnu bara kisi ka bɔ bɛnsɛnkɔninya-wɛ rɔ, wonu denu bi wonu na. Anu ya anuna duruku-yannu ku ka a ma, anu ni gbɛ saga-dan-yele rɔ.

1 Samuwɛli 18:30

Dawuda anubɛ Filisitinu ya kɛlɛ min bɛɛsi kɛ, Dawuda ya nɔ-ko sɔrɔn Filisitinu ma ka tenbi Mansa Sɔlila kɛlɛ-den-kun-tigi doinu na. Woletɔ Dawuda tɔgɛ bɔra bɛrɛkɛ!

1 Samuwɛli 24:16

Dawuda ban kɛ fɔla, Mansa Sɔli ya a fɔ a ye ko, “Nna den Dawuda le kumala kɛ la?” A donta di-kɛ rɔ.