1 Samuwɛli 26:23 - ALLALA KUMƐ

²³ Lanaya-mɔgɛ minnu si ko-latelennɛ kɛ, Mari si wonu barayi. Mari min ya i ma mansɛ la, wo ya i don n bolo bi kɔnɔ n ma ko-wo-ko ma i la.

1 Samuwɛli 26:23 Iomraidhean Croise

2 Samuwɛli 22:21

“Mari ya n sara nta telenbagayɛla ko la. A ara ata duwɛ layigi n kuma bawo fɛɛ sa n na.

2 Samuwɛli 22:25

Nna telenbagayɛ le ya a ma, Mari ye n sarala, ado a ya a lɔn fanan ko fɛɛ-wo-fɛɛ sa n na.

1 Mansɛnu 8:32

E, Mari, i ni i wɔlɔ matɔlɔ san-kole rɔ ka ko sufa wo kiti tɛgɛ. I ni mɔgɔ-yilikinɛ tɔrɔ iko ala hakɛ ye nya min ka tonya-tigi wo yo sa iko ata yoe ye nya min.

Nihɛmaya 13:14

E, nta Alla, i fonde lamiri koe wo dama ma n bara minnu ma ita Bato-Bɔn anubɛ a wɔlɛla ko ma.

Yobu 34:11

Mɔgɔ ya ko-wo-ko ma, a si i sara wola ko la. A ye anu birala iko anu kɛ-nya ye nya min.

Yaburi 62:12

ko ale letan ye keninteya-dannatɛgɛbɛlɛ la. E, n tigi, ile si bɛɛ sara iko bɛɛta kɛ-nya ye nya min.

1 Samuwɛli 24:11

N fa, i ma ila duruku-kundi yen n bolo yan. N si ke i fagala le nun kɔnɔ n ma wo ma. Fɔ n ya ila duruki min tɛgɛ a la. Kɛ si a yira i la ko n murutiyani ma i ma, hali ka ko-yogomɛ ma i la. I ye n manɛgɛnna n faga-koe la, hali n ma ko-yogoma ma i la.

1 Samuwɛli 24:12

Alamɛ Mari ya kiti tɛgɛ ma tɛma ka yoe di yo-tigi ma. Alamɛ Mari ya i tɔrɔ ila ko-yogomɛla ko la nde wara la kɔnɔ nde ti ko-yogoma ma i la.

1 Samuwɛli 24:18

I wara ko-nyimɛ yira n na bi bawo Mari ara n don i bolo kɔnɔ i ma ko ma n na.

1 Samuwɛli 24:19

Mɔgɔ yon si a yoge bira, a ni a boloka, a ma ko ma a la? I wara ko-nyimɛ min ma n ye bi, alamɛ Mari ya i sara wo la.

1 Samuwɛli 26:11

Kɔnɔ Mari ara min ma mansɛ la, ka a fɔ nde ni wo faga, alamɛ Mari ya n tanka wo ma. Ma ta ala tanbɛ anubɛ ala yi-kɛ-barɛ la dɔrɔn ma bolo.”

1 Samuwɛli 26:22

Dawuda ko, “N tigi, i yɛ lata ila tanbɛ ma. Ila kɛlɛ-dan do ni na a bi.

1 Samuwɛli 26:9

Kɔnɔ Dawuda ya a fɔ a ye ko, “I kana ko-wo-ko ma a la bawo ni mɔgɔ-wo-mɔgɔ ya ko ma Marita mansa-yabɔnɛ la, ale Mari si wo tigi tɔrɔ.