1 Samuwɛli 26:19 - ALLALA KUMƐ

¹⁹ N tigi, n bi min fɔla i ye, i wɔlɔ matɔlɔ wo la. Ni Mari le wara a ma, i wara nɔrɔ n ma, sarakɛ si a ma, ale Mari yisi ni yɛlɛma n bara-koe rɔ. Kɔnɔ ni mɔgɛnu denu gba ye, alamɛ wonu tiginu ya Marita dankɛ sɔrɔn bawo anu bara n gben Marita nyamanɛ rɔ ka n nata nyamani-gbɛrɛ rɔ alako n ni sibolo-gbɛrɛnuna bɛsɛnu kɔ nyɔ.

1 Samuwɛli 26:19 Iomraidhean Croise

Ko-Dabirɛnu 44:18

Yuda ya a madon Yusufu la. A ya a fɔ a ye ko, “E, n tigi, i si sɔn i wɔlɔ matɔlɔla n na? N ni kuma? Hali i manɛ iko mansɛ, i kana i fonde magboya n na.

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

2 Samuwɛli 14:16

N ya a lɔn fanan serr, ko fɔ i wa i wɔlɔ matɔlɔ n na ka n tanka mɔgɛnu masibɛ ma min bi mabɛ nna dan wo faga-koe rɔ. Ni wo don mara, Alla ya nyamanɛ min di male Isirɛla mɔgɛnu ma, anu bara n gben nyamanɛ wo rɔ.

2 Samuwɛli 16:10

Mansɛ ya a fɔ Abisayi anubɛ a kɔrɔ Yohabu ye ko, “Wota sa kɛ rɔ. Ni Mari le ya a fɔ a ye ko a ni n mamɔɛn, yon si a fɔ a ye ko a kana wo ma?”

2 Samuwɛli 16:11

Mansa Dawuda ya a fɔ Abisayi anubɛ ala mɔgɔ-banu ye tun ko, “Nde faga-sɔgɛ ye n halala-den-sɔrɔnnɛ la. Hali wo ma tɛrɛna n mamɔɛn kɛ la Bɛnyamɛ bɔnsɔn-mɔgɛ kɛ bolo. Mari le wara a fɔ a ye ko a ni n mamɔɛn. Wo ni a to nyɔ, a ni n mamɔɛn iko a di a ye nya min.

2 Samuwɛli 20:19

Mala soe kɛ, Isirɛla nyamanɛ kun-bira-soe le, yisi-kima-soe le, ado a so-burɔ-mɔgɛnu kan-kelen-tigi le anu na Isirɛla mɔgɛnu ye. Nfenna wo ye soe kɛ tinya-koe rɔ? A sɔgɛ ye wo la, wo ni Marita soe kɛ tinya?”

2 Samuwɛli 21:3

Mansa Dawuda ya kilayɛ lata Kibiyon kɛnu ma ka anu kele. Wonu ke, a ya a fɔ anu ye ko, “A sɔgɛ ye wo la, n ni nfen ma wo ye? Ko-yogomɛ min sigira wo la, a sɔgɛ ye n na, nde ni wo fɛ-bira. Wo si a ma, wo ni duwa Marita mɔgɛnu ye.”

2 Samuwɛli 24:1

Mari fonde bɔra Isirɛla mɔgɛnu ma tun, woletɔ a ya a ma, Mansa Dawuda ya anu yakɔrɔ-mamɔ. Mari ya a fɔ Mansa Dawuda ye ko, “Ta Isirɛla nyamanita-mɔgɛnu anubɛ Yuda nyamanita-mɔgɛnu dan ka anu yatɛ lɔn.”

1 Mansɛnu 22:22

Mari ya wo manyinika, a ko, ‘Ile si ke a yanfala kama?’ Melika wo ya a fɔ Mari ye ko, ‘Nde si ta a ma, Mansa Ehabula nɛbi bɛɛsi ni ma foninya-fɔlɛ la.’ Mari ya a fɔ a ye ko, ‘Awa, nba, ta! I ni yanfɛ sigi a la bawo n bara la a la ko ile si a nɔ le.’ ”

1 Ko-Kɔrɔta-Karan 21:1

A sɔgɛ ya Setanɛ bira ka Isirɛla mɔgɛnu tɔrɔ. Woletɔ a ya Mansa Dawuda yisi kɔrɔtugu alako wo ni ala nyamanita-mɔgɛnu dan.

Yaburi 120:5

Ka to wole fɛ, wo mani de iko mɔgɛ tenbi karagbɛlɛnu tɛma.

Yaburi 20:4

Alamɛ wo hamina-koenu nyinyara. Alamɛ a ya a ma, wo miriyanu ni bɔ.

Hɛnkilimaya-Kumɛnu 30:10

Mɔgɔ kana wɔli-kɛlɛ ratinya ala kun-tigi ye. I si dankalɛ sɔrɔn, ado wo kɔma, i si tɔrɔyɛ sɔrɔn.

Aiseya 60:5

I wa anu namatoe yen, i si to yɛlɛnna muriyɛ, sewɛ bolo. I si to i dɔnna sewɛ bolo. Sibole min tenbi nala bɔla i wara, wonu si na i sanbala fen-kolomɛnu na.

Saraka-Masɔlɛnuta Tɔnnu 26:31

N si wola soenu bira ka anu kasara. N si wola bɛsi-kɔ-tinɛ bɛɛsi tinya fanan. Hali wo ya sarakɛnu bɔ n ye, n ti sɔn anu na. Anu mintan-sumɛ ti diya n ye muk!

Yilan-Yilan Koe 36:7

Wo le si a ma, bɔnsɔn-wo-bɔnsɔn kɛɛ ti ta a ta-nyɔgɛ warɛ. Fɔ bɛɛtɛ ni to a nyɛrɛ bolo.

Yilan-Yilan Koe 36:9

Wo le si a ma, Isirɛla mɔgɛnuta kɛɛ si to a tigi bolo. Woletɔ wo ti kɛɛ ratantan. Bɔnsɔn bɛɛ si a halala kɛɛ sɔrɔn. Ka a fɔlɔ kɛ wati ma, kɛ si ma tɔn la wo ye.”

Romu 14:15

Ni wo ya fɛɛ sa wo na-kelen-nyɔgɛla dɛnkɛninyɛ la wola dɔn-fanla ko la, wo sa tagamana keninteyɛ rɔ tun. Kirasiti fagara mɔgɛ min ye, wo kana sɔn, wola dɔn-fan ni wo tigi halaki!

Kalesiya 5:12

A sɔgɛ ye n na, minnu bi wo kɔndɔfilila, wonu kana dan kemininya-koe ma dɔrɔn. Anu ni anu nyɛrɛ ma tɛgannu na feu!

Tɔn-Fɔɛ-Fila-Nyɔgɛ 13:3

wo kana wo tole masɔ a la. Ko-sufa wonu si ma wo kɔrɔbɔ-koe le la wota Mari Alla bolo ka a lɔn ni wo ya ale Alla keni wo yisi bɛɛ la.

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

1 Samuwɛli 18:10

Wo wulun sɔgɔma, Alla ya nyinɛ lawuli ale Mansa Sɔli la tun. A donta wɔrɔnde rɔ a nyɛrɛ warɛ bɔn la iko yuwɛ. Wo wati ya a taran, Dawuda ye ala sɔrɔn-fɔɛ la iko a duruta a mala nya min. Wo ya a taran, tanbɛ ye Mansa Sɔli bole tɔ.

1 Samuwɛli 24:9

A ya a fɔ mansɛ ye ko, “Mɔgɛ minnu bi a fɔla i ye ko nde ye ko-yogomɛ ma koe rɔ i la, nfenna i ye wonuna kumɛ birala?

1 Samuwɛli 25:24

A ya a fɔ Dawuda ye ko, “I yandi, n tigi, i wɔlɔ matɔlɔ n na. I ni i tɛgɛ sigi nde ma.

1 Samuwɛli 27:1

Dawuda ya a fɔ a nyɛrɛ ma ko, “Tele-dande kɛ kɔrɔ, fɔ Mansa Sɔli kɛ wa n faga serr! Min fisa, n ni n buri tala Filisitinu bara la. Wo si a ma, Mansa Sɔli ni a bɔ n fɛ Isirɛla nyamanɛ kɛ rɔ, ado n si kanan worɔ.”