1 Samuwɛli 26:11 - ALLALA KUMƐ

¹¹ Kɔnɔ Mari ara min ma mansɛ la, ka a fɔ nde ni wo faga, alamɛ Mari ya n tanka wo ma. Ma ta ala tanbɛ anubɛ ala yi-kɛ-barɛ la dɔrɔn ma bolo.”

1 Samuwɛli 26:11 Iomraidhean Croise

2 Samuwɛli 1:14

Dawuda ya a manyinika, a ko, “Nfenna ile sisira Marita mansa-yabɔnɛ fagala?”

2 Samuwɛli 1:16

ado Dawuda ara a fɔ ale Amalɛki wo ye nun ko, “I nyɛrɛ le ya i nyɛrɛ faga bawo i ya a fɔ kuma rakaran tinɛ i ko, ile le nyɛrɛ-nyɛrɛ ya Marita mansa-yabɔnɛ wo faga.”

2 Samuwɛli 19:22

Kɔnɔ Mansa Dawuda ya a fɔ ale Abisayi anubɛ a kɔrɔ Yohabu ye ko, “Yon ya i manyinika nun? A sɔgɛ ye wo la, wo ni nanparan di n ma, wa? Isirɛla mansɛ le nde la bi, ado a ma bɛn, Isirɛla mɔgɔ-wo-mɔgɔ ni faga bi tele.”

Yaburi 17:4

N sa kuma-yogomɛ fɔla iko mɔgɛ doinu. N bara ita kumɛ bira. N ma bila karagbɛlɛnuta kilɛ fɛ.

Romu 12:17

Ni mɔgɛ do ya ko-yogomɛ ma wo la, wo kana wo tayili sara ko-yogomɛ la. Koe minnu kin mɔgɛ bɛɛ yala, wo ni wo raya koe wonu ma tinɛ.

Romu 12:19

N diyana-mɔgɛnu, wo kana wotɛ lasɛgi. Wo ni wotɛ to Alla ma, ado a sɛbɛnɛ Allata kitabu rɔ ko, “Mari si wo tayili sara.”

1 Pita 3:9

Wo kana ko-yogomɛ sara ko-yogomɛ la. Ni min ya wo mɔɛn ka wo lafɛya, wo ni duwa wo tigi ye bawo Alla le ya wo kele alako wo ni duwa mɔgɛnu ye. Ni wo ya wo ma, Alla si ata duwɛ layigi wole fanan kuma.

1 Samuwɛli 12:3

Wo ma n sɔnɛ yen kɛ la? Ni n bara ko-yogomɛ ma min na wo tɛma, wo tigi ni a sɔ n tɔ Mari anubɛ ala mansa-yabɔnɛ yakɔrɔ yan tɔ. Ni n bara mɔgɛ minna ninki bi a bolo, ni wo ma, ala sofɛlɛ, wo tigi ni a sɔ n tɔ yan tɔ. Ni n bara min kensunya, ni n bara min tɔrɔ ka a kɔndɔfili, ni n bara dogonta-fan bira min bolo, ni n bara kɛ sufa ma mɔgɔ-wo-mɔgɔ la wo tɛma, wo tigi ni a sɔ n tɔ. Ni n ya min bi wo tigi bolo, n si a lasɛgi wo ma tun.”

1 Samuwɛli 24:12

Alamɛ Mari ya kiti tɛgɛ ma tɛma ka yoe di yo-tigi ma. Alamɛ Mari ya i tɔrɔ ila ko-yogomɛla ko la nde wara la kɔnɔ nde ti ko-yogoma ma i la.

1 Samuwɛli 24:4

Dawudala keminɛ wonu ya a fɔ a ye ko, “Mari ara fɛrɛ-bɛrɛbɛrɛ le di i ma kɛ la iko a ya a fɔ i ye nya min nun ko a si i yoge don i bolo. Ko-wo-ko diyara i ye gbɛ, i si wo sigi le a ma.” Dawuda tara dɔidɔi ka Mansa Sɔlila duruku-ba wo do tɛgɛ a la. Kɔnɔ Mansa Sɔli ma ko lɔn wo rɔ.

1 Samuwɛli 24:6

Dawuda ya a fɔ ala keminɛ wonu ye ko, “Ka ko-yogomɛ ma nna kun-tigi la, alamɛ Mari ya n tanka wo ma bawo Mari le ya ale yabɔ ka a ma mansɛ la. N kana ko-wo-ko ma a la bawo Mari le ya a sigi mansayɛ la.”