1 Samuwɛli 26:10 - ALLALA KUMƐ

¹⁰ N bara n keli Mari la, n lanɛ a la ko ale Mari nyɛrɛ-nyɛrɛ le ye Mansa Sɔli kɛ fagala. A siyi si ban, ni wo ma, a si to kɛlɛ rɔ.

1 Samuwɛli 26:10 Iomraidhean Croise

Ko-Dabirɛnu 47:29

Yanni a ni faga tumɛ min, a ya ala den Yusufu kele ka a fɔ a ye ko, “I ni i bole ladon n woro filɛ tɛma ka i keli n ye ko n ba faga tumɛ min, ni i si n togon Iyipiti nyamanɛ kɛ rɔ yan.

Yobu 14:14

Ni hadama-dan fagara, a niyi si sɛgi a rɔ tun, ba? Kɔnɔ n si ila wati-hakikɛ makɔnɔ ha nta tɔrɔyɛ kɛ ni bɔ n kuma.

Yobu 14:5

Mɔgɔ-siyi si wati min nyɔgɔn bɔ duninya kɛ rɔ, ile Alla ara ban wo latɛgɛla. Ile nyɛrɛ ara ban wo latɛgɛla, ado mɔgɔ-wo-mɔgɔ ti ke wo mapandinna.

Yobu 7:1

Hadama-dan-niyi mani de iko anu bi mɔgɛ min fɔrɔsɛla ka ma kɛlɛ-dan la. A mani de iko wɔliwɔli-kɛlɛ.

Yaburi 37:10

A ti mɛ lefan, karagbɛlɛnu bara-koe si tunu yen! I si anu nyini, ado anu na si to dogbe!

Yaburi 37:13

Kɔnɔ Mari ye yɛlɛnna karagbɛlɛ wonu ma bawo a ya a lɔn ko wonu sa mɛla halakila.

Yaburi 94:23

I si anuna karagbɛlɛyɛ lasɛgi anu kɔgɔ rɔ. I si anu kasara ka a tɛgɛ anu hakɛla ko ma. Ile mata Mari Alla si anu nato dogbe!

Makawandili Kumɛnu 3:2

Mɔgɛ ye sɔrɔnna a wati le ma, mɔgɛ ye sayala a wati le ma. Fen-fui-wati ye nyɔ, a tɛgɛ-wati ye nyɔ.

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Romu 12:19

N diyana-mɔgɛnu, wo kana wotɛ lasɛgi. Wo ni wotɛ to Alla ma, ado a sɛbɛnɛ Allata kitabu rɔ ko, “Mari si wo tayili sara.”

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Hiburunu 10:30

Ma ya a lɔn ko Alla ko a si a tayili sara mɔgɛ wo la ka a tɔrɔ, ado Mari ya a fɔ fanan ko a si ata mɔgɛnu kiti.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.

Lankɛnimayɛ 18:8

Ka a tɛgɛ wo ma, fitinɛ kɛ bɛɛ si na kɛ a ma tele kelen kɔrɔ, kirayɛ anubɛ yisi-gbalɛ anubɛ kɔnkɛ, kɔni. Tɛ si a mintan gburr bawo Mari Alla, Sɛnbɛ Bɛɛ Tigi le a kiti tɛgɛla.”

1 Samuwɛli 24:12

Alamɛ Mari ya kiti tɛgɛ ma tɛma ka yoe di yo-tigi ma. Alamɛ Mari ya i tɔrɔ ila ko-yogomɛla ko la nde wara la kɔnɔ nde ti ko-yogoma ma i la.

1 Samuwɛli 24:15

Kɔnɔ alamɛ Mari ya kiti tɛgɛ ma tɛma. Alamɛ Mari tora n fɛ ma tɛma kiti kɛ rɔ ka n tanka i masibɛ ma.”

1 Samuwɛli 25:26

Mari le dɔrɔn ya a ma, i ma i ya-lamunun i yogenu na ka anu damasi faga. N bara n keli Mari la ko i yogenu si tɔrɔyɛ sɔrɔn iko Nebali kɛ, ado mɔgɔ-wo-mɔgɔ ya a miri ko-yogomɛ ma i wara la, wo tigi si tɔrɔyɛ sɔrɔn iko n buin Nebali kɛ.

1 Samuwɛli 25:38

Tele tan tenbinɛ, Mari ya a ma, kirayɛ wo ya a faga.

1 Samuwɛli 25:39

Dawuda ya a lamɔɛn tumɛ min ko Nebali ara faga, a ko, “Mari ni tanto! Nebali kɛ le ya n mɔɛn, ado i wara n tayili sara a la. Mari ara a ma, n ma ko-yogoma ma. Mari ara Nebali tɔrɔ ala wunduyogoyɛla ko la.” Dawuda ya a sara Abigɛli wara a furu-koe rɔ.

1 Samuwɛli 31:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti-kemininyabɛlɛ kɛnu kana na anu diya n faga-koe la ka n mɔnima-fagɛ-kɛ.” Kɔnɔ keminɛ wo kilanta a faga-koe ma. Mansa Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun faan wo sun na.

1 Samuwɛli 31:6

Mansa Sɔli anubɛ ala den mɔgɔ sawɛ anubɛ ala kɛlɛ-miran-madununɛ fagara wo nya na le wulɔn tele kelan. Ala mansaya-bɔn latogonta.