1 Samuwɛli 25:18 - ALLALA KUMƐ

¹⁸ Abigɛli ya wo lamɔɛn tumɛ min, tiriyante wo rɔ a ya dɔn-fen siyaman bi. A ya biredi-lɔngbɔn kɛmɛ fila bi anubɛ nɔnbɔ-gbɔ-yi gbolo-bɔrɔ fila. Wo kɔma, a ya saga-mintanni loli bi ka buyi pani-kunbɛ-nya tan-ni-wɔrɔnfila sa a kuma. Wo kɔma, a ya nɔnbɔ-gbɔ-gbalanɛ tɔnsɔn kɛmɛ anubɛ toro-gbɔ-gbalanɛ bolo-nya kɛmɛ fila bi ka wonu damasi kiri sofɛlɛnu kɔ tɛma.

1 Samuwɛli 25:18 Iomraidhean Croise

2 Samuwɛli 16:1

Mansa Dawuda tenbi Ɔlifi kɔnkɛ la doni, a ya Mɛfibasɛtila wɔli-kɛlɛ Saiba taran nyɔ. Sofɛlɛ fila ye a bolo. Fenfen kirinɛ sa wonu kɔ tɛma fɔ dɔn-fannu, biredi-lɔngbɔn kɛmɛ fila, anubɛ nɔnbɔ-gbɔ-gbalanɛ tɔnsɔn kɛmɛ, anubɛ toro-gbɔ-gbalanɛ gbu kɛmɛ, anubɛ nɔnbɔ-gbɔ-yi gbolo-bɔrɔ kelen.

1 Ko-Kɔrɔta-Karan 12:40

Hali bɔnsɔn minnu barɛ fɛ-yan nyɔ la pɔn, iko Isakari wo, Sɛbulɔn wo, anubɛ Nafatali, wonuna sofɛlɛnu anubɛ anuna nyomɛnu anubɛ anuna sara-ninkinu nara dɔn-fan gbansan-gbansan le la ladɛn wo rɔ. Anu nara dɛgɛ-munke la anubɛ toro-gbɔ-gbalanɛ anubɛ nɔnbɔ-gbɔ-gbalanɛ anubɛ minni-fen anubɛ tuli la anu bolo ladɛn wo rɔ. Anu nara ninkinu anubɛ sagɛnu na anu bolo, anu bi minnu mala ladɛn wo manfan la. Anu bi wonu mala bawo Isirɛla nyamanita-mɔgɛnu sewanɛ.

Hɛnkilimaya-Kumɛnu 18:16

Sanbɛ si kilɛ laka mɔgɛ ye, ado ni mɔgɔ-ba do yen-sɔgɛ ye i la, i ni a sanba fan do la.

Hɛnkilimaya-Kumɛnu 21:14

Ni wobɛ mɔgɛ do sɔsɔra, i ni i madiya a la fen-ni na dogɔn tɔ, wo si a ma, a yisi ni kimɛ.

Hɛnkilimaya-Kumɛnu 31:12

A siyi-tele-mumɛ-bɛɛ kɔrɔ, a si ko-nyimɛ le gbansan ma ala kei ye. A ti ko-yogoma ma a la mumɛ!

Matiyu 5:25

“Ni i bilara mɔgɛ do la, yanni a ni ta i lakiti, i ni a madiya. Ni i ma wo ma, a si ta i la ka i don kiti-tɛgɛlɛnu bolo. Wonu si i don i maralɛnu bolo. Wonu fanan si i sa yele la.

1 Samuwɛli 17:17

Lunyɛ do, Yɛsi ya a fɔ ala den Dawuda ye ko, “Buyi pani-kunbɛ-nya tan anubɛ biredi-lɔngbɔn tan kɛnu bi. I ni ta anu to i kɔrɔnu ma anuna dagɛ rɔ tiriya!

1 Samuwɛli 25:17

Ile nyɛrɛ-nyɛrɛ ni i miri ko sufa kɛ ma. I ni a lɔn i si min ma. Kɛ si ma kasarɛ la mala kun-tigi anubɛ ala denbayɛ ye. A yisi gbɛlɛ. Mɔgɔ ti kuma a ye, ado a ti ko lamɔɛn.”

1 Samuwɛli 25:34

Mari ara a ma, n ma ko-wo-ko ma wo la. Kɔnɔ ni i ma i latiriya nala n taranna yan nun, n bara n keli Isirɛlata Mari Alla-nimɛ rɔ nun ko yanni sina sɔgɔma, n si Nebali anubɛ ala bonna-keminɛ bɛɛsi faga.”