1 Samuwɛli 25:13 - ALLALA KUMƐ

¹³ Dawuda ya a fɔ anu ye ko, “Wo ni wola faannu don wo kawɛ kɔrɔ.” Anu ya a ma iko Dawuda ya a fɔ anu ye nya min. Ale Dawuda fanan ya ala faan bi. Mɔgɔ kɛmɛ nani (400) nyɔgɔn tara. Mɔgɔ kɛmɛ fila (200) nyɔgɔn tora anu kɔma daga makandan tinɛ.

1 Samuwɛli 25:13 Iomraidhean Croise

2 Samuwɛli 15:18

Ala mɔgɔ-banu sɔra a dafɛ nyɔ. A makandannɛnu tara a yarɔ. A nara Filisiti kɛlɛ-dan mɔgɔ kɛmɛ wɔrɛ (600) minnu na ka bɔ Kati soe burɔ, a ya wonu fanan sɔ a yarɔ.

Hɛnkilimaya-Kumɛnu 14:29

Ni min si ke a yisi birala, hɛnkilimɛ le wo la. Kɔnɔ mɔgɛ min ti ke a yisi birala, wo ye a yirala ko hɛnkili sa a la.

Hɛnkilimaya-Kumɛnu 16:32

Yanni i ni sɛnbɛ sɔrɔn ka so-kun kelan gbesi, a fisa, i ni kun i nyɛrɛ ma ka i nyɛrɛ mara.

Hɛnkilimaya-Kumɛnu 19:11

Hɛnkili ye mɔgɛ min na, wo le ye a yisi birala. Min bi a yɛ lagbanna mɔgɔ sɔn-yogomɛ kun na, wo tigi ara gbiliyɛ di a nyɛrɛ ma.

Hɛnkilimaya-Kumɛnu 19:2

A ma kin, koe do ladan-sɔgɛ ni mɔgɛ do bira min nadan-hɛnkili sa a bolo. A ma kin, mɔgɛ ni gbaran a nyɛrɛ la ko-ladan tinɛ.

Hɛnkilimaya-Kumɛnu 20:22

Mɔgɔ kana a tayili sara. I ni dinya Mari kɔma, ale si ila koe bɛɛ latelen i ye.

Hɛnkilimaya-Kumɛnu 25:8

Mɔgɛ ban min tagbɛla, a kana bara koe wo la ka ta a ta-nyɔgɛ la kiti-tɛgɛlɛnu bara. Tumado, ni anu ya wo fɛsɛfɛsɛ, a si ma miliya-koe la ale bolo.

Yasowa 9:14

Yasowa anubɛ Isirɛla mɔgɔ-banu ya anuna dɔn-fan donu mafɛlɛn. Anu lara Kibiyon kɛnu na kɔnɔ anu ma Mari manyinika. Anu ya lanyiri kiri anu ye ka anu keli ko anu ti anuna nyamanɛ kɛlɛ mumɛ!

1 Samuwɛli 22:2

Mɔgɔ-tɔrɔnɛnu wo, yilima-tiginu wo, anubɛ mɔgɔ-murutiyanɛnu, wonu denu wulita ka ta kofu Dawuda ma. Mɔgɛ wonu yatɛ bɛnta mɔgɔ kɛmɛ nanɛ ma. Ale Dawuda mara anuna kun-tigi la.

1 Samuwɛli 23:13

Dawuda anubɛ ala keminɛ minnu si mɔgɔ kɛmɛ wɔrɔ (600) nyɔgɔn bɔ le, anu bɔra Kiyaila soe burɔ tiriya! Anu tora tala. Anu ma anu daga makɛ kan-tina-kelen. A lamɔɛn Mansa Sɔli bolo ko Dawuda ara bɔ Kiyaila, a ma a tɔrɔ tala nyɔ tun.

1 Samuwɛli 25:12

Dawudala kilayɛ wonu ya kilɛ bira ka ta anu dantɛgɛ a ye.

1 Samuwɛli 27:2

Dawuda anubɛ ala keminɛ mɔgɔ kɛmɛ wɔrɛ (600) bɔra nyɔ ka ta Kati soe burɔ Mayokila den Akisi ye mansayɛ la kan min.