1 Samuwɛli 24:4 - ALLALA KUMƐ

⁴ Dawudala keminɛ wonu ya a fɔ a ye ko, “Mari ara fɛrɛ-bɛrɛbɛrɛ le di i ma kɛ la iko a ya a fɔ i ye nya min nun ko a si i yoge don i bolo. Ko-wo-ko diyara i ye gbɛ, i si wo sigi le a ma.” Dawuda tara dɔidɔi ka Mansa Sɔlila duruku-ba wo do tɛgɛ a la. Kɔnɔ Mansa Sɔli ma ko lɔn wo rɔ.

1 Samuwɛli 24:4 Iomraidhean Croise

2 Samuwɛli 4:8

Wo wulun sɔgɔma, anu kera Hiburɔn soe burɔ. Anu ya a kunyɛ yira Dawuda la. Anu ko, “I yoge Mansa Sɔli min bi i faga-koe rɔ nun, wola den Mansa Isibosɛti kunyɛ le kɛ la. Mari ara sɔn i tayili-sara-koe ma Sɔli anubɛ a bɔnsɔnnu na bi.”

Yobu 31:31

Nna wɔli-kɛlɛ damasi ya a lɔn ko n si sundannu sɛnibɔ ka anu yiya.

Yaburi 142:1

N bi Mari rakelela n dɛnbɛn-koe rɔ. N bi a madiyala alako a ni kinikini n ma.

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Bɔ-Koe-Iyipiti 21:13

Kɔnɔ ni min ma a lawuli a ma, a ni mɔgɛ do faga, ado Alla kitira a la, mɔgɛ wo si a buri ka ta kan tinɛ do rɔ n bi nala min yirala wo la. A si to a niyi la nyɔ.

1 Samuwɛli 22:1

Dawuda ya a buri ka bɔ Kati soe burɔ ka ta a dogon faran do la Adulam soe dafɛ. Dawuda na-kelen-nyɔgɛnu ya a lamɔɛn min kɛ ko a ara ta faran wo la nyɔ, anu tara kofu a ma nyɔ.

1 Samuwɛli 23:17

Yonatan ya a fɔ Dawuda ye tun ko, “I kana kilan. N fa ti ko-wo-ko ma i la. A ya a lɔn serr, ko ile le ye mala Isirɛla mɔgɛnuna mansɛ la, ado a ya a lɔn fanan ko nde le ye mala ila kandɛ la.”

1 Samuwɛli 23:7

Mɔgɛ do ya a fɔ Mansa Sɔli ye ko Dawuda ara ta Kiyaila soe burɔ. Mansa Sɔli ya a fɔ ko, “Alla ara Dawuda don n bolo gbɛ! A ara a nyɛrɛ bira soe kɛ burɔ tarɛ mininɛ min ma.”

1 Samuwɛli 24:10

I si a yen i nyɛrɛ yɛ la ko Mari ya i don n bolo tɔ bi. Nna keminɛ donu ya a fɔ n ye ko n ni i faga kɔnɔ n kinikinita i ma. N ya a fɔ ko n ti ko-wo-ko ma i la bawo Mari ara ile le yabɔ ka i ma mansɛ la.

1 Samuwɛli 24:18

I wara ko-nyimɛ yira n na bi bawo Mari ara n don i bolo kɔnɔ i ma ko ma n na.

1 Samuwɛli 26:23

Lanaya-mɔgɛ minnu si ko-latelennɛ kɛ, Mari si wonu barayi. Mari min ya i ma mansɛ la, wo ya i don n bolo bi kɔnɔ n ma ko-wo-ko ma i la.