1 Samuwɛli 24:3 - ALLALA KUMƐ

³ A tara ke faran do ma kilɛ dafɛ saga-wɔrɛnu bi kan min. Mansa Sɔli tara da kɔma faran wo la. Kɔnɔ yaga, Dawuda anubɛ ala keminɛnu dogonnɛ faran wo burɔ pon!

1 Samuwɛli 24:3 Iomraidhean Croise

Yaburi 141:6

Anuna kun-tiginu na wa fili denke-denke kɔrɔ tumɛ min, karagbɛlɛnu bi a lɔnna wo le ma ko nna kumɛ, tonyɛ le.

Kɛlɛ-Kurugbɛnu 3:24

Ehudi tani kɔmɛ, mansɛ wola wɔli-kɛlɛnu nara, anu ya a taran, dɛ wo rasɔgɔnɛ. Anu miri ko a ara ta da kɔma.

1 Samuwɛli 13:2

Mansa Sɔli ya kɛlɛ-den waga sawa (3,000) bi ka bɔ Isirɛla mɔgɛnu tɛma. A ya a mɔgɛ toenu nasɛgi anu barɛnu tɔ. Ale ya kɛlɛ-dannu wo waga fila (2,000) bi. Wonu tora ale fɛ Mikimasi soe burɔ anubɛ kɔnkɔ-nyamanɛ rɔ Bɛtɛli soe dafɛ. A ya a to waga kelen (1,000) bila ala den Yonatan fɛ. Wonu tara Kibiya soe burɔ Bɛnyamɛta nyamanɛ rɔ.

1 Samuwɛli 26:2

Tiriyante wo rɔ, Mansa Sɔli tara Isirɛla mɔgɔ waga sawa (3,000) la a bolo minnu tagbɛlɛ. Anu tara Dawuda nyini tinɛ Sifi wulɛ rɔ.

1 Samuwɛli 26:3

Anu ke nyɔ rɔ, anu ya anu daga makɛ kilɛ la min bi tala Hakila kɔnkɛ wara la. Wo ya a taran, Dawudanu daga makɛnɛ wulɛ rɔ nyɔ. Dawuda ya wo lamɔɛn tumɛ min,