1 Samuwɛli 24:14 - ALLALA KUMƐ

¹⁴ “Wola mansɛ ye min faga-koe rɔ, wo ma wo yen? Wo ma a yen a ye min manɛgɛnna? Nfen bi nde la? N mani de iko wulu-suyi. N dɔgɔ fanan iko muruntu-mɛrɛntɛ.

1 Samuwɛli 24:14 Iomraidhean Croise

2 Samuwɛli 16:9

Sɛruwa Abisayi ya a fɔ Mansa Dawuda ye ko, “N tigi, nfenna i ye sɔnna wuli kɛ ye i mamɔɛnna? A ma, n ni ta a kunyɛ tɛgɛ a dagɛ rɔ!”

2 Samuwɛli 3:8

Kumɛ wo ya a ma, Abina diminyara bɛrɛkɛ! A ko, “Ile lara a la ko n si bila i fa Sɔlila denbayɛ la? Ile lara a la ko n bi ma yogenu denu fɛ, Yuda mɔgɛnu, kɔni? Kebi fɔlɔ nun, n sɔnɛ i fa anubɛ a dɔgɛnu fɛ anubɛ a diyana-mɔgɛnu. N ma sɔn Dawuda bole ni sa ile rɔ. Kɔnɔ a sɔgɛ ye i la, i ni fɛɛ sa n na musu-koe rɔ bi, wa?

2 Samuwɛli 6:20

Mansa Dawuda fanan tara ala bɔn la ka ta ala mɔgɛnu kɔndɔn. Ala musi Mikali nara a taran. A ya a fɔ ala kei ma ko, “Isirɛla mansɛ ara tɔgɔ sɔrɔn bi. A ara a nyɛrɛ gbu makolonya ala mɔgɔ-banuna yɔɔn-musinu yala iko yuwɛ.”

2 Samuwɛli 9:8

Mɛfibasɛti ya a madu a kɔrɔ tun. A ko, “N tigi, wulu-suyi tenbira nde la. Nfenna i ye ko-nyimɛ kɛla nde ye?”

1 Mansɛnu 21:7

Yɛsɛbɛli ya a fɔ a ye ko, “Mansɛ le ma ile la? I yisi-kimɛ. I lasɔ. Ta fen dɔn tinɛ. Nde si Nebɔtila dugi sɔrɔn de i ye.”

Hoseya 10:13

Kɔnɔ yanni wo ni telenbagayɛ fui nyɔ rɔ nun, wo ya wunduyogoyɛ le fui nyɔ rɔ, ado wo ma fenfen tɛgɛ nyɔ fɔ wunduyogoyɛ. Wo ara bɔ wola foninya-fɔɛ-tɔnɔ ma. “Wo lanɛ wola kirindinu anubɛ wola kɛlɛ-den-siyamɛnu na min kɛ,

1 Samuwɛli 17:43

A ya a fɔ Dawuda ye ko, “Kɔlɔma wo ye i bolo nfenna? I miri ko wuli le nde la?” A ya Dawuda gboro ala bɛsɛnu tɔ.

1 Samuwɛli 26:20

N fa, i yandi, a ma, n kana na faga sibolo-gbɛrɛnuna nyamanɛ rɔ Mari sa kan min. Nfenna Isirɛla mɔgɛnuna mansɛ ye nala nde muruntu-mɛrɛntɛ faga kan ma? Nfen ya a to, i ye nala n manɛgɛnna iko donse ye wɔlɛ manɛgɛnna nya min?”