1 Samuwɛli 23:6 - ALLALA KUMƐ

⁶ Saraka-Masɔla Ahimɛlɛkila den Abiyatari ya a dogon tumɛ min ka ta kofu Dawuda ma Kiyaila, a tara saraka-masɔ-fɔlɔnfalan la a bolo.

1 Samuwɛli 23:6 Iomraidhean Croise

1 Mansɛnu 2:26

Mansɛ ya a fɔ Saraka-Masɔla Abiyatari ye ko, “I ni ta i warɛ Anatɔti soe burɔ. A bɛnnɛ ile fanan ni faga nun kɔnɔ n ti i faga kaka kamasɔrɔn ile le ya Mari Allata tɔn-kenkirɛ maduni n fa Mansa Dawuda ye. I ya tɔrɔyɛ sɔrɔn n fa fɛ.”

Bɔ-Koe-Iyipiti 28:6

“Anu bi kura-hakikɛ min kelela linɛn, wo ni wo ma kura-kundi-fugbɛ la. Mɔgɛ minnu kusan, wonu ni yesekara-yalafinyɛ wo, yesekara-bilolamɛ wo, yesekara-wulan wo, anubɛ sɛnɛ-yesekari bi ka wo ma kura-kundi-fugbɛ wo sɔgɔ-fan la.

1 Samuwɛli 14:18

Mansa Sɔli ya a fɔ saraka-masɔlɛ Ahaya ye ko, “Na saraka-masɔ-fɔlɔnfalan la, Alla sako-lɔn-fannu bi min ma.” (Tele wo nyɛrɛ rɔ, Ahaya tara fɔlɔnfalan wo la Isirɛla mɔgɛnu tɛma.)

1 Samuwɛli 14:3

(Saraka-masɔlɛ do ye anu tɛma nyɔ min tɔgɛ Ahaya. Ahaya kɛ, saraka-masɔla-wɛla fɔlɔnfalan ye a kan na Alla sako-lɔn-fannu bi min ma. Ahaya wo fanan fa tɔgɛ le Ahituba. Ahituba wo fanan na-kelen-nyɔgɛ tɔgɛ le Gbiliya-Sa. Anu fa tɔgɛ le Finihasi. Anu benba tɔgɛ le Ilayi. Wo ye saraka-masɔ-wɔlɛ kɛla nun Mari ye Sailo.) Mɔgɔ-wo-mɔgɔ ma a lɔn nun ko Yonatan fanan bara ta.

1 Samuwɛli 22:20

Kɔnɔ Saraka-Masɔla Ahimɛlɛkila den Abiyatari, wo ya a buri tala kofula Dawudala keminɛnu ma.

1 Samuwɛli 23:2

Dawuda ya Mari manyinika, a ko, “N si ta le Filisiti kɛnu kɛlɛla, wa?” Mari ya a fɔ ko, “Ɔn, ta anu kɛlɛ. I ni Kiyaila mɔgɛnu nakanan anu masibɛ ma.”

1 Samuwɛli 23:5

Woletɔ Dawuda anubɛ ala keminɛnu tara bui Filisitinu ma Kiyaila. Anu bara Filisiti mɔgɔ-siyaman faga ka anuna kolo-fannu toronde anu bolo. Dawuda ya Kiyaila kɛnu kisi wo nya na le.

1 Samuwɛli 23:7

Mɔgɛ do ya a fɔ Mansa Sɔli ye ko Dawuda ara ta Kiyaila soe burɔ. Mansa Sɔli ya a fɔ ko, “Alla ara Dawuda don n bolo gbɛ! A ara a nyɛrɛ bira soe kɛ burɔ tarɛ mininɛ min ma.”

1 Samuwɛli 23:9

Dawuda ya a lamɔɛn min kɛ ko Mansa Sɔli ara wuli a kan ma, a ya a fɔ Saraka-Masɔla Abiyatari ye ko, “Na saraka-masɔ-fɔlɔnfalan wo la n ye.”

1 Samuwɛli 30:7

Dawuda ya a fɔ Ahimɛlɛkila den Saraka-Masɔla Abiyatari ye ko, “Na saraka-masɔ-fɔlɔnfalan la n ye alako n si Alla sako lɔn nya min.” Wo nara wo don a bolo.