1 Samuwɛli 23:26 - ALLALA KUMƐ

²⁶ Dawudanu bi kɔnkɛ yɛ doi ma tumɛ min, Sɔlinu bi a yɛ doi fanan ma. Mansa Sɔli anubɛ ala kɛlɛ-dannu gbɛrɛnta Dawuda anubɛ ala keminɛnu ma. Kɔnɔ Dawuda anubɛ ala keminɛnu ya anu natiriya anu burila Mansa Sɔli anubɛ ala kɛlɛ-dannu kɔrɔ. A tora doni Mansa Sɔli anubɛ ala kɛlɛ-dannu ni Dawuda anubɛ ala keminɛnu bira.

1 Samuwɛli 23:26 Iomraidhean Croise

2 Samuwɛli 15:14

Mansɛ ya a fɔ ala mɔgɔ-banu ye minnu siginɛ Yerusalɛm ko, “Ma ma buri wona kaka Abasalɔm kɔrɔ. Ni wo ma, a si ma damasi bira ka so-burɔ-mɔgɛ damasi faga.”

2 Ko-Kɔrɔta-Karan 20:12

Mata Alla le ile la. Kɛlɛ-den-siyamɛ minnu bara na ma kan ma kɛ la, ma dɛnbɛna-gbɛrɛ sa kɛlɛ kɛ rɔ fɔ ile. I yandi, na ma yoge kɛnu tɔrɔ ma ye. Ma kɔndɔfilinɛ. Ma yɛ bɛnnɛ ile le ma ma dɛnbɛn-koe rɔ.”

Yaburi 17:11

N ba n tintan kan tinɛ min tɔ, n si anu yen nyɔ. Anu bi n nabu-fɛrɛ-nyinɛ la.

Yaburi 17:9

alako n ni kisi n yogenu masibɛ ma. N tonɛ kurɔn rɔ n fagalɛnu bolo.

Yaburi 22:12

N yogenu bara a mini n ma iko mɔgɛ tenbi sɔni Basan tura-feremɛnu tɛma.

Yaburi 22:16

N namininɛ karagbɛlɛnu bolo. Anu bi tola anu gbɛrɛnna n ma iko wulu-kurɔn. Anu bi n bolenubɛ n kian mafarafarala.

Yaburi 31:22

N kilanta. N ya a lɔn nun ko Mari ara n gben a dafɛ. Kɔnɔ n ya a rakele tumɛ min n dɛnbɛn-koe la, a ya n di-kɛ-kan lamɔɛn.

2 Kɔrɛnti 1:8

Nba, n na-kelen-nyɔgɛnu, ma ya tɔrɔyɛ min sɔrɔn Esiya nyamanɛ rɔ, ma ye a fɛ ka wo lalɔn wo la. Dunɛ minnu sara ma kuma, wonu kolo, ado anu gbili. Ma yigi bɛɛ tɛgɛra ko ma ti to ma niyi la.

Lankɛnimayɛ 20:9

Anu ta si nyɛnsɛn dugu-kole kan tinɛ bɛɛ kuma ka Allata mɔgɛnu daga tinɛ lamini anubɛ soe min keninɛ a bolo. Kɔnɔ tɛ si bɔ Arinyɛni tɔ ka anu halaki.

Kɛlɛ-Kurugbɛnu 16:2

Kesa mɔgɛnu ya a lɔn tumɛ min ko Samsin ye soe wo burɔ, anu ya anu kundɛn ka ta a makɔnɔ soe wo tarɛ-don-dɛ la kikudu! Anu ya a fɔ anu nyɔgɔn ye wɛwɛ rɔ ko, “Bandɛ wa ka, ma ni a faga.”

1 Samuwɛli 19:12

Ala musi wo ya a labɔ wundan la ka a layigi alako a ni a buri tala.

1 Samuwɛli 20:38

I kana to sɔnɛ i gbɛ rɔ nyɔ. I buri tala.” Dennɛ wo ya kalabɛn wo bi. A tara a don Yonatan bolo.

1 Samuwɛli 23:25

Wo kɔma, Mansa Sɔli anubɛ ala kɛlɛ-dannu wulita Dawuda nyini tinɛ. Kɔnɔ Dawuda ya wo lamɔɛn tumɛ min, a tara a dogon Meyɔn wulɛ wo kan tinɛ do rɔ kɔnkɛrɔ-farɛnu siya kan min. Mansa Sɔli fanan ya wo lamɔɛn tumɛ min, a ya a sagaran.

1 Samuwɛli 23:27

A ma mɛ, kilayɛ do kera Mansa Sɔli ma ko, “Na tiriya! Filisitinu bara na bui mala nyamanɛ ma!”