1 Samuwɛli 23:12 - ALLALA KUMƐ

¹² Dawuda ya a manyinika tun ko, “Kiyaila kɛ kɛnu bi mabɛ nna keminɛnu donna le Mansa Sɔli bolo, wa?” Mari ya a fɔ a ye ko, “Ɔn, anu bi wo mala le feu!”

1 Samuwɛli 23:12 Iomraidhean Croise

Yaburi 118:8

Yanni mɔgɛ ni a yigi sa hadama-dan rɔ, a fisa, a ni a yigi bɛn Mari ma.

Yaburi 143:8

Sɔgɔma-wo-sɔgɔma, i ni to n hɛnkili labilala ila keninteya-yɛlɛmabɛlɛla ko la bawo n bara n yigi sa ile le tɔ. N bi madiyali kɛla alako n si ta kilɛ min fɛ, i ni wo yira n na.

Yaburi 31:8

I ma sɔn, n yogenu ni n bira kɔnɔ i ya a ma, n nafɛrɛnɛ tara.

Yaburi 62:1

N si a bira n tɔ ha Alla ni n kisi. N lara ale kelen pe le la.

Aiseya 29:15

A sɔgɛ ye minnu na ka anu miriya dogon Mari ma, wonu si halaki. Anu bi pinpirɔ-koe minnu nadanna, anu miri ko mɔgɔ ya sa anu na. Anu ya a lɔn ko mɔgɔ ma a lɔn anu bi min kun na.

Yɛrɛmaya 11:18

Mari ara a yira n na ko n yogenu bara yanfɛ don nde, Yɛrɛmaya ma.

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

Kɛlɛ-Kurugbɛnu 15:10

Yuda bɔnsɔn-mɔgɛnu ya anu manyinika ko, “Nfenna wo ye ma kɛlɛla?” Filisiti wonu ko, “Ma nara Samsin bira tinɛ ka ma tayili sara a la iko a ya min ma ma la nya min.”

1 Samuwɛli 23:11

Kiyaila kɛnu si n don Mansa Sɔli bolo, wa? Mansa Sɔli ye nala le iko n bara a lamɔɛn nya min, wa? Isirɛlata Mari Alla, i yandi, n bara i madiya. I ni n yabi!” Mari ya a fɔ a ye ko, “Ɔn, a ye nala le.”

1 Samuwɛli 23:20

Anu ya a fɔ mansɛ ye tun ko, “Ma tigi, ma ya a lɔn ko Dawuda bira-sɔgɛ ye i la. Wati wo diyara i ye, na ma taran. Ma si a don i bolo.”

1 Samuwɛli 23:7

Mɔgɛ do ya a fɔ Mansa Sɔli ye ko Dawuda ara ta Kiyaila soe burɔ. Mansa Sɔli ya a fɔ ko, “Alla ara Dawuda don n bolo gbɛ! A ara a nyɛrɛ bira soe kɛ burɔ tarɛ mininɛ min ma.”