1 Samuwɛli 22:8 - ALLALA KUMƐ

⁸ Woletɔ wo ye yanfɛ ladanna n ma. Wole mɔgɔ-den-kelen-bɛrɛni ma a fɔ n ye ko nna dan anubɛ Dawuda ara ko lakiri. Mɔgɔ-wo-mɔgɔla ko sa n bara-koe rɔ. Nna den Yonatan sɔ-koe Dawuda fɛ ka n faga, mɔgɔ-wo-mɔgɔ ma sɔn wo fɔla n ye.”

1 Samuwɛli 22:8 Iomraidhean Croise

2 Mansɛnu 6:11

Wo tora Siriya mansɛ yisi magboyala. A ya ala kɛlɛ-den-kunyɛnu kundɛn ka anu manyinika ko, “Yon sɔnɛ Isirɛla mɔgɛ kɛnu fɛ?”

Yobu 33:16

Wonu si a ma, anu ni anu tole masɔ Allata kumɛnu na. Makawandilɛ wonu si a ma, anu ni kilan,

1 Samuwɛli 18:1

Mansa Sɔli anubɛ Dawuda ban kirabɔɛ wo la, Mansa Sɔlila den Yonatan anubɛ Dawuda diyara kɔikɔi! Dawuda di Yonatan ye iko a nyɛrɛ di a ye nya min.

1 Samuwɛli 18:3

Dawuda di Yonatan ye min kɛ, Yonatan ya lanyiri kiri a ye.

1 Samuwɛli 20:2

Yonatan ya a fɔ a ye ko, “Alla ni i tanka wo ma. Mɔgɔ-wo-mɔgɔ ti i faga. N fa ti ko-wo-ko ladan n nyina-ma-ko-lɔn bawo ni a ye ko-wo-ko mala, fɔ a wa wo fɔ n ye. I wara i faga-koe min fɔ kɛ la, tonya sa wo rɔ!”

1 Samuwɛli 20:42

Yonatan ya a fɔ Dawuda ye ko, “Alamɛ Alla tora i fɛ. Malebɛ ile sarata min ma ma nyɔgɔn tɛma kɛ la, Mari si wo latɔnbagaya ma mamanɛnu tɛma burubukai!” Dawuda tara a kun fɛ. Yonatan tara soe.

1 Samuwɛli 20:8

I yandi, ko-nyimɛ kɛ kɛ n ye. I wara ila lanyiri min kiri n ye nun Mari yala, i ni wo latɔnbagaya. Ni i lara a la ko n bara ko-yogomɛ do le ma, yanni i fa ni n faga, a fisa, ile ni n faga.”

1 Samuwɛli 22:13

Mansa Sɔli ya a fɔ a ye ko, “Nfen ya a to, wobɛ Dawuda ye yanfɛ lakirila n ma? I ya a de-nyini, i ya faan don a bolo, i ya Alla manyinika a ye ka a tɛgɛ nfen ma? Ale Dawuda fanan bara wuli n kan ma. A ye a kɔnkɔnna n faga-koe ma.”

1 Samuwɛli 23:21

Mansa Sɔli ya a fɔ anu ye ko, “Alamɛ Mari duwara wo ye bawo wola ko ye nna ko rɔ.