1 Samuwɛli 22:7 - ALLALA KUMƐ

⁷ Mansɛ ya a fɔ ala mɔgɔ-banu ye ko, “Wole Bɛnyamɛ bɔnsɔn-mɔgɛnu! Wole lara a la ko Dawuda si wɔli-kɛ-tinɛnu di wo ma iko nde duruta a mala nya min? Wole lara a la ko ale si wo ma kɛlɛ-den-kun-tigi la ala keminɛnu tɛma?

1 Samuwɛli 22:7 Iomraidhean Croise

2 Samuwɛli 18:1

Mansa Dawuda ya ala kɛlɛ-dannu kundɛn kan-tina-kelen. A ya anu tatala waga kelen-kelenyɛ anubɛ kɛmɛ-kɛmɛyɛ ma ka bɛɛta kun-tigi sigi a kun na.

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

1 Mansɛnu 12:16

Mɔgɛ wonu ya a yen min kɛ ko Mansa Rihobowami sa a wɔlɔ matɔlɔla anu na, anu ya sɔnkɛ tɛgɛ, anu ko, “Ma sa nyinina Dawuda anubɛ a kebilɛ ma tun! Anu bara nfen ma ma ye? Ni Isirɛla mɔgɛ le yɛ, bɛɛ ni sɛgi a warɛ! Fɔ ni ile Rihobowami tora mansayɛ la i fa Dawudala denbayɛnu kun ma.” Anu ban wo fɔla, Isirɛla mɔgɛ bɛɛsi sɛgira a warɛ.

1 Ko-Kɔrɔta-Karan 12:16

Lunyɛ do, Bɛnyamɛ bɔnsɔn anubɛ Yuda bɔnsɔn-mɔgɛ donu tara Dawuda taran wulɛ kan-tina-latankanɛ do rɔ.

Aiseya 11:1

Dawudata mansaya-bɔn manɛ iko kɔlɔma min tɛgɛnɛ a la, a kɔn-kundi tonɛ dugi rɔ. Iko kɔn-kundi wo ye a matiila nya min, mansɛ do si fɛrɛn Dawuda kegeyɛ rɔ wo nya na le.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

1 Samuwɛli 18:14

A ya kɛlɛ min bɛɛsi kɛ, a ya nɔ-ko sɔrɔn bawo Mari ye a fɛ.

1 Samuwɛli 20:27

Wo banda kɛ fanan, a ma Dawuda yen a sigi tinɛ. Mansa Sɔli ya ala den Yonatan manyinika ko, “Nfen ya a to, Dawuda ma na fen dɔn tinɛ ma wara kunu anubɛ bi?”

1 Samuwɛli 20:30

Mansa Sɔli diminyara Yonatan ma. A ya a fɔ a ye ko, “Ile yɛlɛn-musu-kɔrɔ-dan! N bara a lɔn ko ile le sɔnɛ Yɛsila den Dawuda fɛ. Wo si ma miliya-koe la wobɛ i na bolo.

1 Samuwɛli 22:13

Mansa Sɔli ya a fɔ a ye ko, “Nfen ya a to, wobɛ Dawuda ye yanfɛ lakirila n ma? I ya a de-nyini, i ya faan don a bolo, i ya Alla manyinika a ye ka a tɛgɛ nfen ma? Ale Dawuda fanan bara wuli n kan ma. A ye a kɔnkɔnna n faga-koe ma.”

1 Samuwɛli 22:9

Dowɛgi min sɔnɛ Mansa Sɔlila kun-tiginu dafɛ, wo ya a fɔ ko, “N tara Saraka-Masɔla Ahimɛlɛki wara Nobi soe burɔ tumɛ min, n ya Dawuda yen nyɔ.

1 Samuwɛli 25:10

A mɛ doni, Nebali ya anu yabi ko, “Yon bi Dawuda kɛ la? Nde ma Dawuda tɔgɛ lamɔɛn bɛ! Mala nyamanɛ kɛ lafanɛ yɔɔn-burinɛnu denu na.