1 Samuwɛli 22:4 - ALLALA KUMƐ

⁴ Dawuda tara a na anubɛ a fa bi ka ta anu to Mohabu mansɛ wo ma. Ale Dawuda tora sigini faran wo la. A sɔrɔnnɛ wonu fanan tora sigini Mohabu mansɛ wo warɛ.

1 Samuwɛli 22:4 Iomraidhean Croise

2 Samuwɛli 24:11

Mari ya a fɔ Mansa Dawudala ko-rayennɛ Kadi ye ko, “Ta a fɔ Dawuda ye ko ko sawa ye nyɔ n bi min yirala a la, a ni kelen bi wonu tɔ. A wa fenfen bi kɛ sawɛ rɔ, ale le wo la.” Mansa Dawuda ya a lasɔ min kɛ sɔgɔma,

2 Samuwɛli 8:2

Wo kɔma, a tara bui Mohabu kɛnu ma ka anu bira. A ya anu sa dugi ma. A wa mɔgɔ fila faga, a sawa nyɔgɛ, a si wo to. Wole ya a ma, Mohabu nyamanɛ tora a kɔrɔ. Anu tora duti dila ale Dawuda ma.

1 Ko-Kɔrɔta-Karan 11:16

Wati wo rɔ, Dawuda ye kan-tina-latankanɛ wo rɔ. Filisiti donu bara ta Bɛtalehɛm soe bira-a-la.

1 Ko-Kɔrɔta-Karan 12:16

Lunyɛ do, Bɛnyamɛ bɔnsɔn anubɛ Yuda bɔnsɔn-mɔgɛ donu tara Dawuda taran wulɛ kan-tina-latankanɛ do rɔ.

1 Ko-Kɔrɔta-Karan 21:9

Ko-rayennɛ min bi Mansa Dawudata wati wo rɔ, wo tɔgɛ le Kadi. Mari ya a fɔ wo ye ko,

1 Ko-Kɔrɔta-Karan 29:29

Ka a bi Mansa Dawudala wulɛ ma ha ka a sigi ala ban la, koe min bɛɛsi mara a wara-koe rɔ, nɛbi mɔgɔ sawa, wo le ya wo sɛbɛ, Nɛbi Samuwɛli wo, Nɛbi Netan wo, anubɛ Nɛbi Kadi, kɔni.

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

Nihɛmaya 6:11

N ya a fɔ a ye ko, “Wo mɔgɔ-su ma nde la min bi a burila ka a dogon. Saraka-masɔla ma nde la iko n bi tala n niyi-lakisi-koe rɔ Bato-Bɔn la. N ta-tina ma nyɔ la, ado n ti ta nyɔ mumɛ!”

Yaburi 11:1

N bara n yigi bɛɛ sa Mari rɔ n kisi-koe la. Kun-takolonya-kumɛ le wo sufa la n ta-nyɔgɛnu bi a fɔla n ma min kɛ ko n ni n gban iko kona ka n buri tala kɔnkɛnu tɔ.

Matiyu 10:23

Anu ba a lagbɛlɛya wo kuma so kelen tɔ tumɛ min, wo ni wo buri ka ta so-gbɛrɛ rɔ. Wo ni wo hɛnkili to kɛ ko! Yanni nde, Hadama-dan ni na, wo ti wola wɔli laban Isirɛla nyamanɛ soe bɛɛ burɔ.

1 Samuwɛli 22:3

Dawuda bɔra nyɔ ka ta Misipa soe burɔ min bi Mohabu nyamanɛ rɔ. A ya a fɔ Mohabu mansɛ ye ko, “N fa, i yandi, a ma, n fa anubɛ n na ni na sigi i wara ha n ni a lɔn Alla ye nala min mala n ye.”

1 Samuwɛli 22:5

Nɛbi min tɔgɛ Kadi, wo ya a fɔ Dawuda ye ko, “I kana to sigini yan tɔ. Ta Yuda nyamanɛ rɔ.” Dawuda ya a bɔ nyɔ. A tara Hɛrɛti gbɔngbɔn kɔrɔ.