1 Samuwɛli 22:23 - ALLALA KUMƐ

²³ Dawuda ya a fɔ a ye tun ko, “Hali i ma kilan. To n fɛ. Mɔgɛ min bi ile faga-koe rɔ, nde fanan faga-sɔgɛ ye wo la. I si kanan nde fɛ.”

1 Samuwɛli 22:23 Iomraidhean Croise

2 Samuwɛli 9:7

Mansa Dawuda ya a fɔ a ye ko, “Hali i ma kilan. N si ko-nyimɛ kɛ i ye ka a tɛgɛ i fa Yonatanna ko ma. N si i benba Mansa Sɔli halala-dugi bɛɛsi lasɛgi ile ma. N si a ma, ma ni to ma de-nyinina kan-tina-kelen.”

1 Mansɛnu 1:7

A ya Sɛruya-Yohabu anubɛ Saraka-Masɔla Abiyatari kele alako wonu ni bila a fɛ ka a dɛnbɛ ala mansaya-koe rɔ.

1 Mansɛnu 2:26

Mansɛ ya a fɔ Saraka-Masɔla Abiyatari ye ko, “I ni ta i warɛ Anatɔti soe burɔ. A bɛnnɛ ile fanan ni faga nun kɔnɔ n ti i faga kaka kamasɔrɔn ile le ya Mari Allata tɔn-kenkirɛ maduni n fa Mansa Dawuda ye. I ya tɔrɔyɛ sɔrɔn n fa fɛ.”

Matiyu 24:9

“Wo kɔma, mɔgɛnu si wo bira ka wo ladon tɔrɔyɛ rɔ. Anu si wo faga. Mɔgɛ bɛɛ si wo kɔn ndela ko la.

Yɔni 15:20

N bara min fɔ wo ye, wo ni wo yili to wo ko. N ko yɔɔn-wo-yɔɔn sa nyɔ min tenbira a tigi la. Ni anu ya a lagbɛlɛya nde kuma, anu si a lagbɛlɛya wole fanan kuma. Ni anu ya nta kumɛ bira nun, anu si wole fananta kumɛ bira.

Yɔni 17:12

N bi anu fɛ tumɛ min, i ya tɔgɛ min di n ma, n ya anu matanka tɔgɔ-sɛnbɛmɛ wo fɛ. Hali kelen ma to-a-rɔ anu tɔ fɔ ale mɔgɔ kelen min bi nala halakila. A fɛrɛ sa fɔ wo ni ma alako min sɛbɛnɛ Allata kitabu rɔ, wo ni na bɔ-a-la.

Yɔni 18:9

A ya kɛ fɔ alako min fɔra nun, wo ni bɔ-a-la ko, “N Fa Alla ya min bɛɛ di n ma, hali wo kelen ma to-a-rɔ.”)

1 Samuwɛli 23:17

Yonatan ya a fɔ Dawuda ye tun ko, “I kana kilan. N fa ti ko-wo-ko ma i la. A ya a lɔn serr, ko ile le ye mala Isirɛla mɔgɛnuna mansɛ la, ado a ya a lɔn fanan ko nde le ye mala ila kandɛ la.”