1 Samuwɛli 22:2 - ALLALA KUMƐ

² Mɔgɔ-tɔrɔnɛnu wo, yilima-tiginu wo, anubɛ mɔgɔ-murutiyanɛnu, wonu denu wulita ka ta kofu Dawuda ma. Mɔgɛ wonu yatɛ bɛnta mɔgɔ kɛmɛ nanɛ ma. Ale Dawuda mara anuna kun-tigi la.

1 Samuwɛli 22:2 Iomraidhean Croise

2 Samuwɛli 17:8

Bɛɛ ya a lɔn serr, ko i fa Dawuda anubɛ ala kɛlɛ-dannu tagbɛlɛ, ado anu fere iko kulu-yuwan. Ni mɔgɛ ya ala dannu bi, wo ya a lɔn wo si min ma. Wo ya a lɔn fanan ko kɛlɛ-kurugba-kɔrɛ le i fa la woletɔ anubɛ ala kɛlɛ-dannu ti ki kan-tina-kelen.

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

2 Mansɛnu 4:1

Nɛbi dola kɛɛ-musi nara Nɛbi Ilaisa wara ka a fɔ a ye ko, “N fa, n nara i wara le. Nna kei ara faga. I ya a lɔn ko mɔgɛ le wo la nun min bi Alla gbiliyala. Kɔnɔ yaga, mɔgɛ dola yili ye a la nun. Yilima-tigi wo ye nala le nna den filɛ bi tinɛ ka ta anu ma yɔɔn la nna keila yili wola ko la.”

Hɛnkilimaya-Kumɛnu 31:6

Mɔgɛ min niyi ma ara dɔgɔya a rɔ anubɛ minnu bi tɔrɔyɛ rɔ, gbɛɛ-minyɛ bɛnta wonu denu denu ma.

Matiyu 11:12

Ka a dabira Yɔnila kawandili-bɔ-wati ma, ha ka a sigi bi tele nyɛrɛ la, karagbɛlɛnu bi anu tayala Allala mansayɛ kɛlɛla ka ala fanka bi anu nyɛrɛ ye fɔrɔsɛ la.

Matiyu 11:28

“Min bɛɛ ara bandan ala dunu-gbilimɛ kɔrɔ, wo ni na nde wara. N si sulen di wo tigi ma.

Hiburunu 2:10

Alla min bi dali-mansɛ la, a bɛnta ko a ni Yisa lakanbali tɔrɔyɛ fɛ. A ya wo ma alako Allata den siyamɛnu si ata gbiliyɛ sɔrɔn a fɛ nya min, ado Yisa le sɔra anu yarɔ anu kisi-koe la.

Kɛlɛ-Kurugbɛnu 11:3

Yɛfɛta ya a buri a fala dannu kɔrɔ. A tara a sigi nyamanɛ do rɔ min tɔgɛ Tobu. Kemini-karagbɛlɛnu nara anu nadɛn a fɛ. Ale mara wonuna kun-tigi la.

Kɛlɛ-Kurugbɛnu 18:25

Dan bɔnsɔn-mɔgɛ wonu ya a fɔ ko, “Hali ma ma wo kuman-kan lamɔɛn ma tɛma yan tun! Ni wo ma, kemini-karagbɛlɛ kɛnu si wobɛ ila denbayɛnu faga tɛrr!”

1 Samuwɛli 22:3

Dawuda bɔra nyɔ ka ta Misipa soe burɔ min bi Mohabu nyamanɛ rɔ. A ya a fɔ Mohabu mansɛ ye ko, “N fa, i yandi, a ma, n fa anubɛ n na ni na sigi i wara ha n ni a lɔn Alla ye nala min mala n ye.”

1 Samuwɛli 23:13

Dawuda anubɛ ala keminɛ minnu si mɔgɔ kɛmɛ wɔrɔ (600) nyɔgɔn bɔ le, anu bɔra Kiyaila soe burɔ tiriya! Anu tora tala. Anu ma anu daga makɛ kan-tina-kelen. A lamɔɛn Mansa Sɔli bolo ko Dawuda ara bɔ Kiyaila, a ma a tɔrɔ tala nyɔ tun.

1 Samuwɛli 25:13

Dawuda ya a fɔ anu ye ko, “Wo ni wola faannu don wo kawɛ kɔrɔ.” Anu ya a ma iko Dawuda ya a fɔ anu ye nya min. Ale Dawuda fanan ya ala faan bi. Mɔgɔ kɛmɛ nani (400) nyɔgɔn tara. Mɔgɔ kɛmɛ fila (200) nyɔgɔn tora anu kɔma daga makandan tinɛ.

1 Samuwɛli 30:6

Dawudala keminɛnu yisi tinyanta anuna denbayɛnuna ko la ha Dawuda-mabon-sɔgɛ ya anu bira. Dawuda ye yakɔrɔ-mamɔɛ wo rɔ kɔnɔ hali wo, ata Mari Alla ya sɛnbɛ di a ma.

1 Samuwɛli 9:16

“Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”