1 Samuwɛli 22:17 - ALLALA KUMƐ

¹⁷ Wo kɔma, a makandannɛ minnu bi a dafɛ, Mansa Sɔli ya a fɔ wonu ye ko, “Wo ni Marita saraka-masɔlɛ kɛnu faga bawo anu denubɛ Dawuda ara yanfɛ lakiri n ma. Hali anu ya a lɔn ko Dawuda ara a buri, anu ma sɔn wo fɔla n ye lefan!” Kɔnɔ a makandannɛ wonu ya anu ban Marita wɔli-kɛlɛ wonu faga-koe ma.

1 Samuwɛli 22:17 Iomraidhean Croise

2 Samuwɛli 15:1

Wati-tenbinɛ, Abasalɔm ya kirindi kelen bi anubɛ a sagan-soeenu. A ya kemini-mɔgɔ bi-loli fanan bi minnu si sɔ a yarɔ.

1 Mansɛnu 1:5

Wo ya a taran, Mansa Dawudala den Abasalɔm bara faga. A tagbara-sɛ Hagiti-Adonaya siginɛ a gbɛ rɔ. Adonaya, wo mafɛlɛn di kɔnɔ a fa ma a kolo hali lun-kelen-bɛrɛn. Mansaya-sɔgɛ ya Adonaya bira kosɛbɛ! A ya soee-laburi-kirindinu sɔrɔn a nyɛrɛ ye anubɛ kemini mɔgɔ bi-loli minnu si sɔ a yarɔ.

1 Mansɛnu 14:27

A ya silɛɛnu nadan kɛlɛ-dan matanka-fannu na ka wonu ma sɛnɛ kɛlɛ-den matanka-fan wonu nyɔgɛ la. A ya wonu don a makandannɛnu bolo minnu sɔnɛ bolɔn wo dɛ la.

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

2 Mansɛnu 10:25

Mansa Yehu ban sarakɛ wonu bɔla, a ya a fɔ mɔgɔ bi-segan wonubɛ anuna kun-tiginu ye ko, “Wo don de gbɛ anu kuma ka anu dama faga.” Mɔgɔ bi-segan wonu donta anuna faannu na anu bolo Beyali-kɔlɛ wonu kuma. Anu ba min faga, anu ni wo sagan ka a labɔ luyi ma. Wo kɔma, anu donta kɔli-kɛ-bɔn wo burɔ, anu bi anuna bɛsi Beyali lamarala konko min tɔ.

Bɔ-Koe-Iyipiti 1:17

Kɔnɔ tinkɔrɔ-sigilɛ wonu kilanta Alla la. Anu ma a ma iko Iyipiti mansɛ ya a fɔ anu ye nya min. Anu ya anuna den-keinu nakisi.

Kɛwɔlɛnu 4:19

Pita anubɛ Yɔni ya anu yabi ko, “Ka wota kumɛ bira wo, ka Allatɛ bira wo, nyamintan telennɛ Alla yala? Wo nyɛrɛ ni wo kiti tɛgɛ

1 Samuwɛli 14:45

Kɔnɔ kɛlɛ-dannu ya a fɔ Mansa Sɔli ye ko, “A kin Yonatan kɛ ni faga min bara male Isirɛla kunka, wa? Ade! Wo fɛ yan! Ma ara ma keli Mari la, hali Yonatan kɛ kun-sigi kelan ti wurun. Yonatan kɛ ya koe min ma male Isirɛla mɔgɛnu ye bi, a ya wo ma le bawo Alla le ya a dɛnbɛ.” Anu ya Yonatan latanka sayɛ ma.

1 Samuwɛli 2:31

I ni i tole masɔ. Mari ko wati ye nala, kemini-mɛsɛ minnu bɛɛsi ye ila kebilɛ la, a si wonu faga. Woletɔ kei-wo-kei ti taran ita kebilɛ la min si kɔrɔya.

1 Samuwɛli 20:33

Mansa Sɔli ya ala tanbɛ bi ka a lafili Yonatan ma a faga-koe ma kɔnɔ tanbɛ wo foora a la. Yonatan ya a lɔn wo le ma ko Dawuda faga-sɔgɛ ye a fa la.

1 Samuwɛli 22:13

Mansa Sɔli ya a fɔ a ye ko, “Nfen ya a to, wobɛ Dawuda ye yanfɛ lakirila n ma? I ya a de-nyini, i ya faan don a bolo, i ya Alla manyinika a ye ka a tɛgɛ nfen ma? Ale Dawuda fanan bara wuli n kan ma. A ye a kɔnkɔnna n faga-koe ma.”

1 Samuwɛli 22:16

Mansa Sɔli ya a fɔ ale Ahimɛlɛki ye ko, “Wolebɛ i kebilɛ bɛɛ si faga!”

1 Samuwɛli 25:17

Ile nyɛrɛ-nyɛrɛ ni i miri ko sufa kɛ ma. I ni a lɔn i si min ma. Kɛ si ma kasarɛ la mala kun-tigi anubɛ ala denbayɛ ye. A yisi gbɛlɛ. Mɔgɔ ti kuma a ye, ado a ti ko lamɔɛn.”

1 Samuwɛli 8:11

A ya a fɔ anu ye ko, “Wo ye mansɛ min sɔrɔnna, a ye wo birala ka le. A si wola den-keinu bi ka anu ma kɛlɛ-dannu na. Donu si kɛlɛ kɛ kirindi la. A si a ma, donu fanan si kɛlɛ kɛ soee la. Donu fanan si anu buri ala kirindinu yarɔ ka ta kɛlɛ-kɛ-tinɛ.