1 Samuwɛli 21:5 - ALLALA KUMƐ

⁵ Dawuda ya a fɔ a ye ko, “Tele-dande kɛ kɔrɔ, male ma wo ma. Ma tara ma halala-tagama rɔ kan-bo-kan, ma sɛninyani de iko tɔn ya a fɔ nya min kumanato, tagama-latankanɛ kɛ rɔ.”

1 Samuwɛli 21:5 Iomraidhean Croise

Bɔ-Koe-Iyipiti 19:14

Musa yigira mɔgɛnu wara tumɛ min ka bɔ kɔnkɛ kuma, a ya a fɔ anu ye ko anu ni anu sɛninya Mari bato-koe la ka anuna kurɛnu ku.

Bɔ-Koe-Iyipiti 19:15

Wo kɔma, Musa ya a fɔ mɔgɛnu ye ko, “Wo ni wo rabɛn tele sawa kɛnu kɔrɔ. Wo kana wo gbɛrɛn musu ma wulɔn.”

Bɔ-Koe-Iyipiti 25:30

Biredi minnu dantɛgɛnɛ nde, Mari ma, wo si to wonu sala tebulu wo kuma n ye nyɔ tuma-wo-tuma.”

Saraka-Masɔlɛnuta Tɔnnu 24:9

Kɔnɔ biredi kɛnu, Aruna anubɛ ala denbayɛnu denutan kɛ la yɛ! Anu si to a dɔnna kan-tina-sɛnimɛ rɔ bawo saraka-masɔlɛnuta dɔnta-sɛnimɛ le min bɔra nde, Marila saraka-sɛnimɛnu tɔ.”

Saraka-Masɔlɛnuta Tɔnnu 8:26

A ya biredi-lɔngbɔn kelen bi sende rɔ isiti sa min tɔ min dantɛgɛnɛ Mari ma. A ya biredi kelen bi fanan min tamagara tuli la anubɛ keki-dɔgɔmanɛ do. A ya wonubɛ sogo-kɛɛn sa bolo-nyimama-wore kuma

Kɛwɔlɛnu 9:15

Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

1 Kɔrɛnti 7:5

Wo kana wo ban wo nyɔgɔn bolo fɔ ni wo sɔnta wo ma alako wo si fɛrɛ sɔrɔn ka Alla matara wati-ni kɔrɔ nya min. Wo kɔma, wo si taran wo nyɔgɔn fɛ tun alako Setanɛ kana wo kɔrɔbɔ wo nyɛrɛ birabɛlitayɛla ko la.

1 Pita 3:17

ado ni Alla sako le, yanni i ni tɔrɔ ko-yogomɛla ko la, a fisa, i ni tɔrɔ ko-nyimɛla ko la.