1 Samuwɛli 20:8 - ALLALA KUMƐ

⁸ I yandi, ko-nyimɛ kɛ kɛ n ye. I wara ila lanyiri min kiri n ye nun Mari yala, i ni wo latɔnbagaya. Ni i lara a la ko n bara ko-yogomɛ do le ma, yanni i fa ni n faga, a fisa, ile ni n faga.”

1 Samuwɛli 20:8 Iomraidhean Croise

Ko-Dabirɛnu 24:49

Nba, ni wole si sɔn ko-nyimɛ kɛla n tigi ye ka dunmusi kɛ di a ma, wo ni a fɔ n ye. Ni wo ti sɔn wo ma, wo ni wo fanan fɔ n ye. Ni nde si min ma wo rɔ, n ni na to wo mala.”

Ko-Dabirɛnu 47:29

Yanni a ni faga tumɛ min, a ya ala den Yusufu kele ka a fɔ a ye ko, “I ni i bole ladon n woro filɛ tɛma ka i keli n ye ko n ba faga tumɛ min, ni i si n togon Iyipiti nyamanɛ kɛ rɔ yan.

2 Samuwɛli 14:32

Abasalɔm ya a fɔ a ye ko, “Bawo n bara i kele, i ma sɔn na-koe ma. A sɔgɛ ye n na, i ni ta mansɛ manyinika n ye ko nfenna n bɔra Kesa nyamanɛ rɔ ka na yan? Ni n tora nyɔ nun, wo ma fisa? A sɔgɛ ye n na, i ni a ma, n ni mansɛ yen n yɛ la. Ni yo sa n bolo, a ni n faga worɔ.”

1 Ko-Kɔrɔta-Karan 12:17

Dawuda ya anu nabɛn ka a fɔ anu ye ko, “Ni wo nara n dɛnbɛ tinɛ le, tana ma wo la. Wo ni kofu ma ma. Kɔnɔ ni wo nara ma bole labira tinɛ le ka ma don ma yogenu bolo, hali nde ma ko-yogoma ma wo la, ma benbanuta Alla si a lɔn, ado alamɛ Alla ya wo tɔrɔ.”

Yaburi 116:11

Hali n kumakɔnɛ tumɛ min, n ko, “N ti la mɔgɔ-wo-mɔgɔ la fɔ Alla kelen pe.”

Hɛnkilimaya-Kumɛnu 3:3

I kana i bɔ keninteyɛ rɔ, wo kɔma, i kana lanayɛ boloka. Wonu ni ma ila kan-na-fan la ka anu sɛbɛ i yisi rɔ.

Kɛwɔlɛnu 25:11

Ni n bara tɔn tinya wo, ni n bara ko-wo-ko kɛ anu si n faga minna ko la wo, n ti i madiya mumɛ alako n si tanka wo ma nya min. Kɔnɔ anu bi n maburila min bɛɛla ko la, ni tonya sa wonu tɔ, mɔgɔ ti ke n donna anu bolo. Nba, a di n ye Romu nyamanɛ kun-tigi-ba ni n kiti gbɛ!”

Yasowa 2:14

Mɔgɔ filɛ wonu ya a fɔ a ye ko, “Mari wa soe kɛ di ma ma tumɛ min, ni i ma a fɔ mɔgɔ-wo-mɔgɔ ye ko ma ye nala le, ma si ko-nyimɛ kɛ i ye iko i ya ko-nyimɛ kɛ ma ye nya min. Ni ma ti na ko-nyimɛ kɛ i ye, Mari Alla ni male fanan halaki.”

Yasowa 22:22

“Mata Mari Sɛnbɛ-Bɛɛ-Tigi, ma ya wo lɔn. Ma ya min ma, Mari ya wo lɔn, ado ma ye a fɛ, wole fanan ni wo lɔn. Ma ma kɛ ma ka murutiya Mari ma. Ni ma murutiyara Mari ma ka ma kan-kɔ sɔ a la, nba, wo na ma faga gbɛ!

Ruti 1:8

Anu bi kilɛ la tumɛ min, a ya a fɔ a mama-nyaganɛ wonu ye ko, “Min fisa, wo sɛgi wo nanu barɛ. Wo ya mabɛ nna dannu fɛ-bira a kilɛ fɛ. Alamɛ Mari ya wo dɛnbɛ iko wo ya ma fɛ-bira nya min.

1 Samuwɛli 18:1

Mansa Sɔli anubɛ Dawuda ban kirabɔɛ wo la, Mansa Sɔlila den Yonatan anubɛ Dawuda diyara kɔikɔi! Dawuda di Yonatan ye iko a nyɛrɛ di a ye nya min.

1 Samuwɛli 18:3

Dawuda di Yonatan ye min kɛ, Yonatan ya lanyiri kiri a ye.

1 Samuwɛli 20:16

Sarama-kan le kɛ la ma mɔgɔ filɛ ara min kiri ma nyɔgɔn tɛma. Alamɛ Mari ya i yoge bɛɛsi kasara.”

1 Samuwɛli 20:9

Yonatan ya a fɔ a ye ko, “I kana kuma sufa wonu fɔ. Ni nde ya a lɔn serr, ko n fa ye ko-yogomɛ mala i la le, n ti wo fɔ i ye, wa?”

1 Samuwɛli 23:18

Anu mɔgɔ filɛ ya lanyiri kiri anu nyɔgɔn tɛma alako anu ni diya a kurɛ la. Yonatan ya Dawuda to nyɔ. A sɛgira a warɛ.