1 Samuwɛli 20:2 - ALLALA KUMƐ

² Yonatan ya a fɔ a ye ko, “Alla ni i tanka wo ma. Mɔgɔ-wo-mɔgɔ ti i faga. N fa ti ko-wo-ko ladan n nyina-ma-ko-lɔn bawo ni a ye ko-wo-ko mala, fɔ a wa wo fɔ n ye. I wara i faga-koe min fɔ kɛ la, tonya sa wo rɔ!”

1 Samuwɛli 20:2 Iomraidhean Croise

Ko-Dabirɛnu 44:7

Yusufu na-kelen-nyɔgɛ wonu ya a yabi ko, “Ma tigi ye kumɛ kɛ fɔla nfenna? Ma ti ko su kɛnu ma muk!

Yaburi 40:6

Ile sa nyinina sarakɛnu anubɛ kɔ-fannu ma ma bolo. I sa ma matarala saraka-mintantɛnu ma, ma si minnu gbuya mintan saraka-mintan-tinɛ kuma. Hali sarakɛ minnu si mala hakɛ bɔ ma ma, i ma ma matara wonuna ko ma. Kɔnɔ min kolo wo dama ko, i wara n tole laka alako n ni ita kumɛ lamɔɛn.

Hɛnkilimaya-Kumɛnu 29:24

Kankan bolo-labiralɛ yoge le a nyɛrɛ la bawo ni a ya tonyɛ fɔ, a si tɔrɔyɛ sɔrɔn. Ni a ma kuma-wo-kuma fɔ, a si dankɛ fanan sɔrɔn Alla bolo.

Aiseya 50:5

Ma Tigi Mari ara ko-kɔrɔ-lɔn di n ma. N ma murutiya a ma. N ma n kan-kɔ sɔ a la.

Luka 20:16

A si na ka anu faga ka ki-fannu sinka mɔgɔ-gbɛrɛnu ma.” Mɔgɛnu ya kɛ lamɔɛn tumɛ min, anu ko, “Alamɛ ma kisira wo ma!”

Yɔni 15:15

N ti wo kele tun ko wɔli-kɛlɛnu bawo wɔli-kɛlɛ ma a lɔn ala kun-tigi ye min kun na. N si wo kele n diyana-mɔgɛnu bawo n bara min bɛɛ lamɔɛn n Fa Alla bolo, n bara wonu fɔ wo ye.

Yɔni 17:8

I ya sarakanɛ min don n bolo, n bara wo lake anu ma. Anu bara sarakanɛ wo bira. Anu ya a lɔn yati, ko n bɔra ile le warɛ. Anu bara la a la gbɛ, ko ile le ya n sɔ.

Yasowa 22:29

“Male ti ma kan-kɔ sɔ Mari la kaka ka saraka-mintan-tina-dogbɛrɛ sɔ ma si sarakɛ mintan kan min fɔ ni ma tara Marita Bɔn nyɛrɛ yakɔrɔ.”

Yasowa 24:16

Isirɛla mɔgɛnu ya a yabi ko, “Ma ti bɛsɛnu kɔ ka Mari to nyɔ mumɛ!

1 Samuwɛli 14:45

Kɔnɔ kɛlɛ-dannu ya a fɔ Mansa Sɔli ye ko, “A kin Yonatan kɛ ni faga min bara male Isirɛla kunka, wa? Ade! Wo fɛ yan! Ma ara ma keli Mari la, hali Yonatan kɛ kun-sigi kelan ti wurun. Yonatan kɛ ya koe min ma male Isirɛla mɔgɛnu ye bi, a ya wo ma le bawo Alla le ya a dɛnbɛ.” Anu ya Yonatan latanka sayɛ ma.

1 Samuwɛli 20:1

Rema soe tɔnkɔn do min tɔgɛ Neyɔti, Dawuda bɔra nyɔ. A tara Yonatan warɛ. A ke nyɔ, a ya a manyinika ko, “N ya nfen ma? N bara nfen ko-sufa tinya? N bara nfen ko-yogoma ma i fa la min bi a tola n faga-sɔgɛ ye a la?”

1 Samuwɛli 20:12

Yonatan ya a fɔ Dawuda ye ko, “Isirɛla mɔgɛnuta Mari Alla le ma sere la. Ka a bi sina ma ka a sigi sina matenbi la, n si n fa miriyanu lɔn! Ni ila ko-diyɛ ye a rɔ, n si a ma, i ni a lɔn.

1 Samuwɛli 20:3

Dawuda ya a fɔ a ye ko, “I fa ya a lɔn serr, ko n di i ye, ado a ya a lɔn fanan ko, ni a ya ko-sufa kɛ fɔ i ye, a si i yisi tɔrɔ i ma kosɛbɛ! N bara n keli i ye Mari Alla la, n bi lakira bonda-dɛ le la kɛ la.”

1 Samuwɛli 9:15

Kɔnɔ yanni anu ni ke nyɔ, wo ya a taran, Mari ara kuma Samuwɛli ye nun. A ko,