1 Samuwɛli 20:1 - ALLALA KUMƐ

¹ Rema soe tɔnkɔn do min tɔgɛ Neyɔti, Dawuda bɔra nyɔ. A tara Yonatan warɛ. A ke nyɔ, a ya a manyinika ko, “N ya nfen ma? N bara nfen ko-sufa tinya? N bara nfen ko-yogoma ma i fa la min bi a tola n faga-sɔgɛ ye a la?”

1 Samuwɛli 20:1 Iomraidhean Croise

Yaburi 54:3

Mɔgɔ-wasinɛnu bara wuli n kan ma. N faga-sɔgɛ ye karagbɛlɛnu na. Anuna ko sa ile Alla wara-koe rɔ.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Pita 2:9

A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

1 Yɔni 3:21

Woletɔ n diyana-mɔgɛnu, ni ma sɔndɔmɛ ma a fɔ ma ye ko ma ya ko tinya, ma wa sɔ Alla yakɔrɔ wati min, ma yisi ti gbala.

1 Samuwɛli 12:3

Wo ma n sɔnɛ yen kɛ la? Ni n bara ko-yogomɛ ma min na wo tɛma, wo tigi ni a sɔ n tɔ Mari anubɛ ala mansa-yabɔnɛ yakɔrɔ yan tɔ. Ni n bara mɔgɛ minna ninki bi a bolo, ni wo ma, ala sofɛlɛ, wo tigi ni a sɔ n tɔ yan tɔ. Ni n bara min kensunya, ni n bara min tɔrɔ ka a kɔndɔfili, ni n bara dogonta-fan bira min bolo, ni n bara kɛ sufa ma mɔgɔ-wo-mɔgɔ la wo tɛma, wo tigi ni a sɔ n tɔ. Ni n ya min bi wo tigi bolo, n si a lasɛgi wo ma tun.”

1 Samuwɛli 19:1

Wo kɔma, Mansa Sɔli ya a fɔ ala mɔgɔ-banu anubɛ ala den Yonatan ye ko Dawuda faga-sɔgɛ ye a la. Kɔnɔ Dawuda di Yonatan ye dɔgɔma-ma-de!

1 Samuwɛli 19:18

Dawuda ya a buri ka ta Samuwɛli taran Rema soe burɔ. Mansa Sɔli ya min bɛɛsi sigi a la, a ya wonu takaran a ye. A ban wo fɔla, Samuwɛli tara nɛbinuna karan tinɛ Rema soe tɔnkɔn do rɔ min tɔgɛ Neyɔti. Anu tora sigini nyɔ.

1 Samuwɛli 20:2

Yonatan ya a fɔ a ye ko, “Alla ni i tanka wo ma. Mɔgɔ-wo-mɔgɔ ti i faga. N fa ti ko-wo-ko ladan n nyina-ma-ko-lɔn bawo ni a ye ko-wo-ko mala, fɔ a wa wo fɔ n ye. I wara i faga-koe min fɔ kɛ la, tonya sa wo rɔ!”

1 Samuwɛli 20:32

Yonatan ya a fɔ a fa ye ko, “A ya nfen ma i la, a ye fagala minna ko la?”

1 Samuwɛli 24:11

N fa, i ma ila duruku-kundi yen n bolo yan. N si ke i fagala le nun kɔnɔ n ma wo ma. Fɔ n ya ila duruki min tɛgɛ a la. Kɛ si a yira i la ko n murutiyani ma i ma, hali ka ko-yogomɛ ma i la. I ye n manɛgɛnna n faga-koe la, hali n ma ko-yogoma ma i la.

1 Samuwɛli 24:12

Alamɛ Mari ya kiti tɛgɛ ma tɛma ka yoe di yo-tigi ma. Alamɛ Mari ya i tɔrɔ ila ko-yogomɛla ko la nde wara la kɔnɔ nde ti ko-yogoma ma i la.

1 Samuwɛli 24:17

A ya a fɔ Dawuda ye ko, “Ile latelenta nde ko. Ile ya ko-nyimɛ kɛ n ye kɔnɔ nde ya ko-yogomɛ le ma i la!

1 Samuwɛli 24:9

A ya a fɔ mansɛ ye ko, “Mɔgɛ minnu bi a fɔla i ye ko nde ye ko-yogomɛ ma koe rɔ i la, nfenna i ye wonuna kumɛ birala?

1 Samuwɛli 26:18

Nfenna i nɔrɔnɛ nde, ila wɔli-kɛlɛ ma? N bara nfen ko tinya i ma?