1 Samuwɛli 2:8 - ALLALA KUMƐ

⁸ Ale le si bolo-kolɔnnu bɔ gbangban rɔ ka mɔgɔ-fɛlɛtenɛnu hayu kasa. A si sɛnbɛ di anu ma iko mansa-dannu ka gbiliya-tinɛnu di anu ma. Mari leta ye dugu-kole sɛnbɛrɛn-kɔnnu na, ado ale ya dugu-kole sa wonu kuma.

1 Samuwɛli 2:8 Iomraidhean Croise

Ko-Dabirɛnu 41:14

Mansɛ ya kilayɛ lata ale Yusufu kele tinɛ yele la. Anu ya a labɔ yele-bon-pinpinɛ wo la tiriya! Yusufu ya a dɛ masii ka a mayɛlɛma. A tara a sɔ mansɛ yakɔrɔ.

Ko-Dabirɛnu 41:40

Nba, woletɔ n si ile Yusufu ma kun-tigi la nyamanɛ kɛ bɛɛsi kun na. I ya kuma-wo-kuma fɔ, nyamanita-mɔgɛnu si wo bira. Ile si ma nna kandɛ la. Fɔ nde kelen pe, nde le i yarɔ nyamanɛ kɛ rɔ.

2 Samuwɛli 7:8

“Woletɔ a fɔ Dawuda ye ko nde, Mari Sɛnbɛ-Bɛɛ-Tigi kan le kɛ la. N ko n ya ale bi sagɛnu denu fɛ ka a ma mansɛ la nta mɔgɛnu kun na Isirɛla nyamanɛ, kɔni.

1 Mansɛnu 16:2

fenfen ma ale la nun kɔnɔ nde, Mari ara a ma mansɛ la Isirɛla mɔgɛnu kun na. A ye hakɛ kɛla kaka iko Yɛrabowami min ya nta mɔgɛnu nadon hakɛ rɔ nya min nun. A fɔ a ye tun ko ala hakɛ ara a ma, n fonde ara bɔ.

2 Mansɛnu 9:6

Anu mɔgɔ filɛ tara konko do la. Anu ke nyɔ, nɛbi wo ya tuli wo kɛ Yehu kunyɛ rɔ. Nɛbi wo ko, “Isirɛlata Mari Alla ko a ara i ma ata mɔgɛnuna mansɛ la Isirɛla tɔ bi.

Yobu 1:21

A ko, “N bolo-kolɔn le sɔrɔnta. N bolo-kolɔn le ye fagala. Mari min ya anu di n ma, Mari kelan wo le wara anu bi. N si ale Mari tanto!”

Yobu 2:8

Yobu ya bɔnku-daga-gbɛnkian bi ka to ala sumunɛnu mawɔrɔla wo la. Wo ya a taran, Yobu siginɛ sundu-kunyɛ ma.

Yaburi 102:25

Bi ma, duninya dan i bolo. I ya san-kole dan i nyɛrɛ kɔɛn le la.

Yaburi 104:5

I wara dugu-kole balan gbɛn, a kurukɛ tinɛ kuma. A ra ti maga nyɔ mumɛ!

Yaburi 107:41

A ya bolo-kolɔnnu kunyɛ bɔ tɔrɔyɛ rɔ ka anuna denbayɛnu nasiyaya iko kolo-fen-wɔrɛnu.

Yaburi 24:2

A ya duninya sɔ yi-rayan-bɛ kuma min bi dugu-kole kɔrɔ. A ya a kurukɛ kɔgɔ-yi-dumɛ kɔrɔ.

Yaburi 75:3

Hali duninya-nima-fan bɛɛ yɛrɛyɛrɛnta, hali dugu-kole nyɛrɛ yɛrɛyɛrɛnta, hali wo, a ko a si dugu-kolo kurukɛ-tinɛ bira mɔrɔtɔ!

Yaburi 75:4

A ye a fɔla karagbɛlɛnu ye ko anu kana wasi,

Yaburi 75:7

Alla nyɛrɛ le kiti-tɛgɛlɛ la. A si yoe di donu ma ka donu yiliki.

Makawandili Kumɛnu 4:14

Hali kemini-mɛsɛ bolo-kolɔn sɔrɔnta, ka, ni a bɔra le yele la ka ma mansɛ la, wo kin kina-kun-takolɔn wo ko.

Aiseya 22:23

A si ma iko kɔlɔma min gbangbannɛ dandan ma, a lamagala fenfen ti taran. Ale wara-koe si a ma, ala kebilɛ ni gbiliyɛ sɔrɔn.

Daniyɛli 2:48

A ya fen-koloma-siyaman di Daniyɛli ma. Wo kɔma, a ya a ma ala kandɛ la ka a sigi a hɛnkilimɛnu kun na ala nyamanɛ bɛɛsi rɔ.

Daniyɛli 4:17

Melikanu denu-denu bara ban a latɛgɛla wo nya. Woletɔ duninya-mɔgɛ bɛɛ si a lɔn ko Alla Min Bi Fan Bɛɛ Kun Na, sɛnbɛ ye wo le bolo duninya-mansɛnu kun na. Min ba diya a ye, a si ke le mansayɛ dila wo ma, hali wo tigi ma kolo.’

Daniyɛli 6:3

A ma mɛ, mansɛ wo ya Daniyɛli kɛ nya-yen ko a kusan wɔlila ka tenbi a ta-nyɔgɛ mɔgɔ filɛ wonu na anubɛ kun-tigi mɔgɔ kɛmɛ ani mɔgɔ mogan. Bawo ale kusan ala wɔlɛ la min kɛ, woletɔ a sɔgɛ ya mansɛ bira ka ale ma ala kandɛ la nyamanɛ wo rɔ.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

Lankɛnimayɛ 1:6

A ya ma ma saraka-masɔlɛnu na alako ma ni ma sibolo kelen na ka wɔlɛ kɛ a Fa Alla ye. Alamɛ gbiliyɛ anubɛ sɛnbɛ dira Yisa, Allata-Mɔgɔ-Yabɔnɛ ma habadan! Amina.

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!

Lankɛnimayɛ 3:21

Min ba nɔlɛ kɛ, n si sarati di wo ma alako a ni sigi n dafɛ nta mansaya-sigi-fan rɔ. Nde fanan ya nɔli kɛ ka sigi n fa Alla fɛ wo nya na le n fa Allata mansaya-sigi-fan rɔ.

Lankɛnimayɛ 5:10

I wara anu ma sibole anubɛ saraka-masɔlɛnu na minnu si wɔli mata Alla ye, ado anu si kun-tigiyɛ kɛ dugu-kole kuma.”

1 Samuwɛli 15:17

Samuwɛli ya a fɔ a ye ko, “Hali ile yigi tɛgɛnɛ i nyɛrɛ la nun, kun-tigi le ile la Isirɛla bɔnsɔn-mɔgɛnu kun na. Mari ara i dantɛgɛ ka i ma Isirɛla mɔgɛnuna mansɛ la,