1 Samuwɛli 2:6 - ALLALA KUMƐ

⁶ Mari le si mɔgɛnu faga, ado ale le si niyi bila mɔgɛnu tɔ. Ale si mɔgɛnu nata lakira, ado ale fanan si anu nabɔ nyɔ.

1 Samuwɛli 2:6 Iomraidhean Croise

1 Mansɛnu 17:22

Mari ya Nɛbi Ilayala matarali-kan yabi. A ya dennɛ wo niyi lasɛgi a rɔ tun.

2 Mansɛnu 5:7

Isirɛla mansɛ wo ya kɛdi wo karan tumɛ min, a ya ala duruki rafara yisi-tinyɛ bolo. A ya a fɔ ko, “Siriya mansɛ kɛ mirinɛ ko kiraya-dandannɛ le nde la, wa? A miri le ko Alla le nde la, wa? Sɛnbɛ ye nde bolo ka mɔgɔ faga anubɛ ka furi niyi bila a rɔ? N bara a lɔn kɛ le ma ko n kɛlɛ-sɔgɛ ara a bira.”

Yobu 5:18

Alla min bi mɔgɛ tanbanna, Alla le si ala tɛlɛ dandan. Alla ye i rafɛrɛnna a kɔɛn min na, a kɔɛn kelan wo ye i lakɛndɛyala le tun.

Yaburi 116:3

N nafoonɛ saya-masibɛ la. Kilan minnu bi sayɛ fɛ, wonu mininɛ n ma. Kilan anubɛ kumakɔɛ ara tenbi n tɔ.

Yaburi 30:4

Wole Allata mɔgɛnu, wo ni bɛti bɔ ka a matɔgɔ. Wo ni wo miri ata kabana-koenu ma ale Mari-sɛnimɛ ara minnu ma ka baraka bira a ye wonuna ko la.

Yaburi 68:20

Mata Alla le ma kisilɛ la. Ale ma tigi, wo le si ma latanka sayɛ ma.

Yaburi 71:20

I ya tɔrɔyɛ anubɛ dumɛ lana n ma, hali wo, i si na n sɛnbɛ kuraya. I si a ma, n ti yigi kanbɛ rɔ tun.

Makawandili Kumɛnu 3:3

Mɔgɔ-faga-wati ye nyɔ, a dandan-wati ye nyɔ. Fen-wayan-wati ye nyɔ, a sɔ-wati ye nyɔ.

Aiseya 26:19

Mala mɔgɛ minnu bara faga nun kɔrɔma la, wonu niyi si sɛgi anu tɔ tun. Anu niyi si bila anu bagbuyi rɔ. Minnu bɛɛ ye kinɔgɔla kaburu rɔ, wonu si kunden ka sewa-sigi sa. Iko duri ye a diya donna gbangban rɔ nya min, Mari fanan bi niyi lasɛgila mɔgɔ-fagani-kɔrɛnu tɔ wo nya na le.

Isikiyɛli 37:12

Woletɔ nna kumɛ fɔ nta Isirɛla mɔgɛnu ye. A fɔ anu ye ko nde, anu Tigi Mari ye nala anu kanbɛnu nakala. N si anu nabɔ anu kanbɛ wonu tɔ ka anu nasɛgi Isirɛla nyamanɛ rɔ.

Isikiyɛli 37:3

Mari ya n manyinika ko, “Ile hadama-dan, kole kɛnu niyi si sɛgi anu tɔ tun, ba?” N ya a fɔ ko, “N Tigi Mari, ile le kelen pe si ke kɛ yabila.”

Matiyu 12:40

Iko Nɛbi Yona ya su sawa anubɛ tele sawa kɛ yɛgɛ-ba burɔ nya min, nde, Hadama-dan si su sawa anubɛ tele sawa kɛ dugu kɔrɔ wo nya na le.

Yɔni 11:25

Yisa ya a fɔ a ye ko, “Nde ye furinu nawulila ka niyi di anu ma. Min ba dɛnkɛninya n ma, hali a fagara, wo si sɛgi a niyi la,

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

1 Samuwɛli 20:3

Dawuda ya a fɔ a ye ko, “I fa ya a lɔn serr, ko n di i ye, ado a ya a lɔn fanan ko, ni a ya ko-sufa kɛ fɔ i ye, a si i yisi tɔrɔ i ma kosɛbɛ! N bara n keli i ye Mari Alla la, n bi lakira bonda-dɛ le la kɛ la.”