1 Samuwɛli 2:5 - ALLALA KUMƐ

⁵ Mɔgɛ min sako sanɛ dɔn-fan rɔ nun, kaka wonu denu bi wɔli-wo-wɔli kɛla. Kɔnɔ kɔnkɔto-kɔrɛnu, kɔnkɛ ara bɔ wonu na feu! Gbandɛ ara den mɔgɔ wɔrɔnfila sɔrɔn. Kɔnɔ dan siya min bolo nun, wo ye yisi-kɔrɔtɛ rɔ.

1 Samuwɛli 2:5 Iomraidhean Croise

Yaburi 113:9

Den sa musi min bolo, a si gbiliyɛ di wo ma kei-wara-sigi bɔn la ka dannu sɔrɔn. Wo si ma na sewanɛ la. N si Mari tanto!

Yaburi 34:10

Hali yarɛnu ta si faga kɔnkɛ bolo. Kɔnɔ minnu bi Marita tɔnnu birala, fenfen ti dasa wonu ma.

Aiseya 33:9

Nyamanɛ lakolɔnnɛ si to wo nya na le. Lɛbanan gbɔngbɔn-lafɔsɔnɛ si to. Sarɔn lɛɛ si ma iko wula-da-rakolɔn. Yanba-kunyɛ bɛɛ ye yalanna Basan nyamanɛ anubɛ Kamɛli kɔnkɛ ma.

Aiseya 54:1

Mari ko ile Yerusalɛm soe mani de iko musu-gbandɛ. Kɔnɔ kaka, i ni gbele-gbelen nyagalen-sigi sa tinɛ. I si yiri ka tenbi nyaganɛ la minna kei ma a yili rabɔ tele-kelen-bɛrɛni!

Yɛrɛmaya 15:9

Wo yogenu ba na wo kɛlɛ-tinɛ, ni wole, Yuda kɛ minnu tora wo niyi la, a ko a si wo kunyɛ don fagali-kɛlɛnu bolo. Hali den-kei mɔgɔ wɔrɔnfila le ye musu kelan bolo, a bɛɛ si ta sala a ma nɛnɛrɛ! Anu na wo si to yɛlɛla a ma diyi-kɛ bolo fekufeku! A kɔndɔ si fili yisi-tinya bolo pirikali! Mari ko tele-mansa-di-kɔlibilɛ si yɛlɛma pinpi-mansa-di-kɔlibilɛ la. Nde Mari kan le kɛ la.

Luka 1:53

Alla ara kɔnkɔtoenu nafa fen-nyimɛnu na. A ya fen-tiginu nasɛgi anu bolo takolɔn.

Luka 16:25

“Kɔnɔ Iburayima ko, ‘Nna dan, i miri fɔlɔn. I kɛndɛ tumɛ min, i ye fen-nyimɛ bɛɛ sɔrɔnna kɔnɔ wati wo rɔ, Lasarasi kɛ ye fen-nɔgɔnɛnu gbansan sɔrɔnna. Nba kaka, ale le ye sewɛ la yan, ile ye dumɛ rɔ.

Kalesiya 4:27

A sɛbɛnɛ Allala kitabu rɔ ko, “Musu-gbandɛ, i ni sewa! Kaka, ile min ma den-sɔrɔn-dumɛ lɔn, i ni i kuli mayɛlɛ ka nyagalen-sigi sa. Bawo musu-bolokani-kɔrɛ, wo si yiri ka tenbi musi bɛɛ la.”

Ruti 4:15

A ara i mamanɛ min sɔrɔn kɛ la, i wara yigi-kurɛ sɔrɔn wo fɛ. I fɛ-biralɛ le wo la min si i niyi sa i fɛrɛ rɔ tun.”

1 Samuwɛli 1:20

A ya buyi bi. Wati tenbinɛ, a ya dan sɔrɔn, den-kei. A ya dan wo tɔgɔ sa Samuwɛli bawo tɔgɛ wo kɔrɛ le, “A matarata Mari le ma.”

1 Samuwɛli 1:6

A sena-musi Pɛnina, wo si to Hana lamɔnina alako ka a lamiliya bawo Mari ara a bɛn dan la.