1 Samuwɛli 2:36 - ALLALA KUMƐ

³⁶ A ko ni wo ya a taran, ile kegeyɛ min bi a niyi la wo wati rɔ, wonu si ta saraka-masɔlɛ wo tara dɔn-fan anubɛ wodi ma. Anu si to saraka-masɔlɛ wo madiyala alako wo si wɔlɔni di anu ma nya min, anu si anu beli-fan sɔrɔn min tɔ.”

1 Samuwɛli 2:36 Iomraidhean Croise

1 Mansɛnu 2:27

Woletɔ Mansa Silamɛni ya Abiyatari labɔ saraka-masɔ-wɔlɛ rɔ ka Mari Allala kumɛ wo ni bɔ-a-la a ya min fɔ Saraka-Masɔla Ilai bɔnsɔnla ko la Sailo soe burɔ.

2 Mansɛnu 23:9

A ma sɔn saraka-masɔlɛ wonu ni wɔli Mari Bato-Bɔn burɔ kɔnɔ a sɔnta ko saraka-masɔlɛ wonu ni saraka-masɔlɛnuta biredi-yɛlɛbɛlɛ dɔn anu ta-nyɔgɔ-saraka-masɔlɛnu fɛ.

Hɛnkilimaya-Kumɛnu 14:19

Tɔ-a-la, karagbɛlɛnu si to anu madula mɔgɔ-latelennɛnu ye. Mɔgɔ-yogomɛnu si na anu madu mɔgɔ-nyimɛnu ye.

Malakayi 1:13

Wole le gbunyara, wo ko wo ara bandan. Wo ya wo sunyɛnu sigi san ma a kɔrɔ. Wo ye tola nala kankanya-kolo-fan anubɛ kolo-fen-kirɛ anubɛ kolo-fen-namarɛnu na. Alla ko wole miri ko ale si sɔn wo la wo bolo?

Kɛlɛ-Kurugbɛnu 17:10

Maika ko, “Nba, to nde fɛ yan. Ile si ma n hɛnkili-kɔlɛ la ka saraka-masɔ-wɔlɛ kɛ n ye. San-bo-san, n si wodi-gbɛ-gbu tan di i ma anubɛ i fɛrɛya-bɔɛ anubɛ i beli-fan.”

1 Samuwɛli 2:35

Mari ko a si ata saraka-masɔlɛ yabɔ min latelennɛ a ye. Wo si to a sako kɛla iko a ye nyinina a ma nya min. A ko a si to wo bɔnsɔn siyayala. Wonu si to ata wɔli kɛla ata mansa-yabɔnɛta wati rɔ.

1 Samuwɛli 3:1

Samuwɛli ye Marita wɔlɛ kɛla Ilayi kɔrɔ wati min, Mari sa kuma-siyaman fɔla mɔgɛnu ye wo wati rɔ nun, ado ala ko-rayirɛ fanan ma siya mɔgɛnu ye.