1 Samuwɛli 2:34 - ALLALA KUMƐ

³⁴ Nɛbi ya a fɔ Ilayi ye tun ko, “Mari ko ila den filɛ Hɔfini anubɛ Finihasi wa faga tele kelen kɔrɔ tumɛ min, wo si ma i ye tamasere la ko a ya min bɛɛ fɔ i ye, tonyɛ le wonu na.

1 Samuwɛli 2:34 Iomraidhean Croise

1 Mansɛnu 13:3

Wo kɔma, Allata mɔgɛ wo ya a fɔ ko, “Alla si mantili yira wo la. Saraka mintan tinɛ kɛ ra si fara. Saraka-gbangban wo la ni dɛn dugi ma. Wo wa ma tumɛ min, wo si a lɔn worɔ ko Mari nyɛrɛ-nyɛrɛ ya kɛ fɔ n ye.”

1 Mansɛnu 14:12

Nɛbi Ahaya ya a fɔ Mansa Yɛrabowamila musi ye tun ko, “Sɛgi i kɔma. I tenbi donna soe burɔ kawo, ila dan ye fagala.

Luka 2:12

Wo si den-pulan sanɛ taran kolo-fannu de-nyini tinɛ, kurɛ minimininɛ a ma. Tamasere le kɛ la wo ye.”

1 Samuwɛli 10:7

Kɛnu ba ma i la wati min, Alla ya i sɔ ko-wo-ko la, i ni wo ma bawo Alla ye i fɛ.

1 Samuwɛli 2:33

Kɔnɔ anu kelen-kelan minnu bi tola, wonu si to i yakɔrɔ-mamɔla ha i yigi ni tɛgɛ. Anu si to kerila a ma fonikeyɛ rɔ.”

1 Samuwɛli 3:12

Wo wati wa ke, n ya min bɛɛ fɔ Ilayi kebilɛ wara-koe rɔ, n si wo bɛɛsi ma.

1 Samuwɛli 4:11

Min tenbira wo la, Filisitinu ya Allata tɔn-kenkirɛ bi anu bolo. Ilayila den-kemini filɛ, Hɔfini anubɛ Finihasi, wonu kunyɛ tora kɛlɛ wo rɔ.

1 Samuwɛli 4:17

Kei wo ya a fɔ a ye ko, “Isirɛla kɛlɛ-dannu ya anu buri Filisitinu kɔrɔ. Anu ya mɔgɔ-siyaman faga ma rɔ. Min tenbinɛ wo la, ila dannu Hɔfini anubɛ Finihasi, wonu kunyɛ ara to kɛlɛ wo rɔ, ado anu ya Allata tɔn-kenkirɛ bi ma bolo ka ta a la anu barɛ.”

1 Samuwɛli 4:21

A ya dan wo tɔgɔ sa “Gbiliya Sa Tun” bawo a ko, “Allata gbiliyɛ ara bɔ Isirɛla mɔgɛnu bolo bawo anu bara ta Allata tɔn-kenkirɛ la,” ado a benba anubɛ ala kei ara faga.