1 Samuwɛli 2:28 - ALLALA KUMƐ

²⁸ A ya Aruna kebilɛ bɛɛsi yabɔ Isirɛla bɔnsɔn-mɔgɛnu tɛma ka anu denu dɔrɔn ma saraka-masɔlɛnu na a nyɛrɛ ye. A ko wo si to wɔlila saraka-mintan-tinɛ anubɛ isɛnti mintan tinɛ. Hali wole si a miriya lɔn saraka-masɔ-fɔlɔnfalan min fɛ, a ara sɔn ko wole ni wo don. Min sanɛ wo kuma, a ko hali wo si wo niyi sɔrɔn saraka-sogo-mintantɛ rɔ yanni a ni mintan.

1 Samuwɛli 2:28 Iomraidhean Croise

2 Samuwɛli 12:7

Netan ya a fɔ Mansa Dawuda ye ko, “Nba, n bara tili min tɛgɛ i ye, ile le fen-tigi wo la, yɔ! Min sanɛ wo kuma, Isirɛlata Mari Alla ko ale le ya i tanka Mansa Sɔli masibɛ ma ka i ma mansɛ la Isirɛla mɔgɛnu kun na.

2 Samuwɛli 6:14

Kila-birɛ anu bolo tun, Mansa Dawuda ya a dɔn a sɛbɛ-kuna-wɛ la ka Mari gbiliya. A ya a gbu makolonya fɔ linɛn-kura-hakikɛ do, a ya wo le ma kufama la.

Bɔ-Koe-Iyipiti 28:1

“Ile Musa ni i kɔrɔ-kei Aruna anubɛ ala den-keinu yabɔ Isirɛla mɔgɛnu tɛma, Nedabu anubɛ Abaihu anubɛ Ɛliyasa, anubɛ Itamarayi, kɔni. I ni anu madon ile Musa la alako anu ni saraka-masɔ-wɔlɛ kɛ nde ye.

Bɔ-Koe-Iyipiti 28:4

Mɔgɛ wonu bi kurɛ minnu nadanna, wo le kɛnu na, kɔgɔ-dala-kurɛ wo, kura-kundi-fugbɛ wo, duruku-ba-wɛ wo, duruku-kɔrɔ-donyɛ min sɔgɔnɛ wo, saraka-masɔla-wɛta fulɛ wo, anubɛ a butɛ-kiri-fan. Anu ni kura-sɛnimɛ wonu kara Aruna anubɛ ala den-keinu ye alako anu ni saraka-masɔ-wɔlɛ kɛ n ye.

Bɔ-Koe-Iyipiti 30:7

“Aruna ni isɛnti mintan a mintan tinɛ kuma. A tenbi lɛnpu ladufenna sɔgɔma, a ni isɛnti mintan wo wati rɔ.

Bɔ-Koe-Iyipiti 30:8

A tenbi lɛnpu lamalanna wurɛ la, a ni isɛnti mintan tun, woletɔ isɛnti si mintan sɔgɔma ani wurɛ la nde, Mari ye ha tumɛ min di nde, Alla ye.

Saraka-Masɔlɛnuta Tɔnnu 2:10

A toe wonu si to saraka-masɔlɛnu bolo. A si sɛninya bawo anu ya a di Mari ma.

Saraka-Masɔlɛnuta Tɔnnu 2:3

A toe wo si to saraka-masɔlɛnu ye. A sɛninyanɛ si to bawo anu ya a di Mari ma.

Saraka-Masɔlɛnuta Tɔnnu 6:16

A toe si to saraka-masɔlɛnu ye. Anu tenbi a toe mala biredi la tumɛ min, anu kana isiti kɛ a rɔ de! Anu ni a dɔn kan-tina-sɛnimɛ rɔ Marita Fani-Bon-kata burɔ.

Saraka-Masɔlɛnuta Tɔnnu 7:32

A bolo-nyimama-wore si ma saraka-masɔlɛ wo niyi la.

Saraka-Masɔlɛnuta Tɔnnu 7:36

Wo tele nyɛrɛ rɔ, Mari ya sarakɛ kan tinɛ kɛnu ma anu nyɛrɛtɛ la. Tɔn le kɛ la Isirɛla mɔgɛnu ye ka a fɔlɔ anu denu ma ha ka a sigi anu kegeyɛnu na. (8) Kuma-Laban Saraka-Bɔ-Nyala Ko La

Yilan-Yilan Koe 16:5

Wo kɔma, a ya a fɔ Kora anubɛ a ta-nyɔgɛ wonu ye ko, “Sina sɔgɔma, Mari si ata mɔgɛ yira ma la bawo Mari ye sɔnna mɔgɛ min na, a si mɔgɛ wo madon ale la.

Yilan-Yilan Koe 18:19

“Isirɛla mɔgɛnu si kɔ-fan minnu di n ma, n bara wonu bɛɛ ma ile anubɛ ila denbayɛnutɛ la. Habadan-lanyiri le kɛ la min ti tinya mumɛ!”

1 Samuwɛli 14:3

(Saraka-masɔlɛ do ye anu tɛma nyɔ min tɔgɛ Ahaya. Ahaya kɛ, saraka-masɔla-wɛla fɔlɔnfalan ye a kan na Alla sako-lɔn-fannu bi min ma. Ahaya wo fanan fa tɔgɛ le Ahituba. Ahituba wo fanan na-kelen-nyɔgɛ tɔgɛ le Gbiliya-Sa. Anu fa tɔgɛ le Finihasi. Anu benba tɔgɛ le Ilayi. Wo ye saraka-masɔ-wɔlɛ kɛla nun Mari ye Sailo.) Mɔgɔ-wo-mɔgɔ ma a lɔn nun ko Yonatan fanan bara ta.

1 Samuwɛli 2:18

Wo wati ya a taran, Samuwɛli dennɛ le nun. A ye wɔlila Mari ye. A si linɛn-fɔlɔnfalan bila a kan na min manɛ iko saraka-masɔlɛnuta fɔlɔnfalan-natankanɛ.