1 Samuwɛli 2:27 - ALLALA KUMƐ

²⁷ Nɛbi do nara Marila kilayɛ lake Ilayi ma, “I benba Aruna anubɛ ala denbayɛ ye yɔɔnyɛ rɔ Iyipiti mansɛ kɔrɔ tumɛ min, ale Mari ko a ya a nyɛrɛ yira a la nyɔ.

1 Samuwɛli 2:27 Iomraidhean Croise

1 Mansɛnu 13:1

Allata mɔgɛ do bɔra Yuda ka ta Bɛtɛli. Wo ya Mansa Yɛrabowami sɔnɛ taran saraka-mintan-tinɛ dafɛ. A ye sarakɛ mintanna.

1 Mansɛnu 2:27

Woletɔ Mansa Silamɛni ya Abiyatari labɔ saraka-masɔ-wɔlɛ rɔ ka Mari Allala kumɛ wo ni bɔ-a-la a ya min fɔ Saraka-Masɔla Ilai bɔnsɔnla ko la Sailo soe burɔ.

Bɔ-Koe-Iyipiti 12:1

Mari ya a fɔ Musa anubɛ Aruna ye Iyipiti nyamanɛ rɔ ko,

Bɔ-Koe-Iyipiti 12:43

Mari ya a fɔ Musa anubɛ Aruna ye ko Kanan-Ko-Ladiyɛ tɔn le kɛnu na. “Sibolo-gbɛrɛkɛ-mɔgɛ minnu basannɛ wo la, wonu do-wo-do kana Kanan-Ko-Ladiyɛ dɔn-fan wonu dɔn.

Bɔ-Koe-Iyipiti 4:27

Mari ya a fɔ Aruna ye ko, “Ta Musa labɛn wulɛ rɔ.” A tara ka a labɛn Sinayi kɔnkɛ la. Anu ya anu nyɔgɔn kɔndɔn.

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

1 Timoti 6:11

Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.

Kɛlɛ-Kurugbɛnu 13:6

Wo kɔma, musi wo tara a fɔ ala kei ye ko, “Mɔgɛ do ara na ka bɔ Alla wara. A makilannɛ iko Allala melika. N ma a manyinika a bɔ tinɛla ko ma, ado a ma a tɔgɛ fɔ n ye.

Kɛlɛ-Kurugbɛnu 6:8

Isirɛla mɔgɛnuta Mari Alla ya nɛbi do lana anu ma. A ya a fɔ ko, “Mari ko ale le ya wole labɔ yɔɔnyɛ rɔ Iyipiti ka wo lana yan.

1 Samuwɛli 3:12

Wo wati wa ke, n ya min bɛɛ fɔ Ilayi kebilɛ wara-koe rɔ, n si wo bɛɛsi ma.

1 Samuwɛli 9:4

Sɔli anubɛ wɔli-kɛlɛ wo tara sofɛlɛ wonu nyinina Ifɛrɛmta kɔnkɔ-nyamanɛ rɔ. Anu tara furr, fɔɔ Salisa nyamanɛ rɔ kɔnɔ anu ma sofɛlɛ wonu yen. Anu tara anu nyinina fanan furr, fɔ Salim nyamanɛ rɔ kɔnɔ anu ma anu yen nyɔ fanan. Anu tara Bɛnyamɛta nyamanɛ fanan korobo-karaba kɔnɔ anu ma sofɛlɛ kɛnu yen.

1 Samuwɛli 9:6

Wɔli-kɛlɛ wo ya a fɔ ko, “A makɔnɔ fɔlɔn. Nɛbi do ye yan mɔgɛnu bi min gbiliyala bawo a ya kuma-wo-kuma fɔ, wo si bɔ-a-la. Ma ta wo wara. Tumado ale si sofɛlɛ wonu tina yira ma la.”