1 Samuwɛli 2:20 - ALLALA KUMƐ

²⁰ Saraka-Masɔla-Kun-Tigi-Wɛ Ilayi si duwa Ɛlakena anubɛ ala musi, Hana ye wo wati le tɔ. A si a fɔ Ɛlakena ye ko, “Alamɛ Mari ya den di ila musi kɛ ma ila den Samuwɛli kɛ gbɛ rɔ bawo i wara kɛ dantɛgɛ Mari ma.” Wo kɔma, anu si sɛgi anu barɛ.

1 Samuwɛli 2:20 Iomraidhean Croise

Ko-Dabirɛnu 14:19

A duwara Burama ye, a ko, “Alla Min Bi Fan Bɛɛ Kun Na, min ya san-kole anubɛ dugu-kole dan, alamɛ wota duwɛ yigira i kuma.

Malakayi 2:15

Alla ma wobɛ wola musinu ma fen kelen de la, wa? Nfenna Alla ya kɛ ma? A ya kɛ ma le alako wo ye dan minnu sɔrɔnna, wonu ni ma ale Alla-halalɛ la. Wo do-wo-do kana lanyiri kɛ tinya wola musinu bara la.

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Ruti 2:12

Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”

Ruti 4:11

Mɔgɔ-ba wonu ya a fɔ ko, “Male ara ma i sereyɛ la.” Mɔgɔ-ba wonu ya duwɛ dabira Bowasi ye, anu ko, “Alamɛ ila musi Ruti yirita iko ma benba Yakobata musinu Resɛli anubɛ Liya yirita nya min. Alamɛ ile mara bana la Ɛfarati kebilɛ la ka ma tɔgɔ-tigi la Bɛtalehɛm soe kɛ rɔ.

1 Samuwɛli 1:11

Hana ya a dakan don, a ko, “Mari Sɛnbɛ-Bɛɛ-Tigi, n bi kɔndɔfili min tɔ, i kolan lana ka nde, ila wɔli-kɛlɛ mafɛlɛn yan. I kana nyina n ko. Ni i ya dan di n ma min si ma den-kei la, n si a dantɛgɛ i ma a siyi-tele-bɛɛ kɔrɔ. Hali lilan, a ti sɔ a kunyɛ ma. Wo si ma tamasere la ko a dantɛgɛnɛ ile le ma.”