1 Samuwɛli 2:2 - ALLALA KUMƐ

² “Mɔgɔ-wo-mɔgɔ sɛninyani ma iko Mari, ado a nyɔgɔn sa. Fenfen sa nyɔ min si mɔgɔ matanka iko mata Alla kɛ.

1 Samuwɛli 2:2 Iomraidhean Croise

2 Samuwɛli 22:3

Nta farɛ le Alla la n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

2 Samuwɛli 22:32

Mari kelen pe le Alla la. Yon si ma kumafunfan Alla kɔma?

2 Samuwɛli 7:22

E, n Tigi Mari, i makawara. I nyɔgɔn sa! Ka a dabira fɔlɔ ma ha ka a sigi kaka la, ma ya i kelen pe le lɔn Alla la.

1 Mansɛnu 8:23

A ya Alla matara, a ko, “E, Isirɛlata Mari Alla, i nyɔgɔn sa san-kole anubɛ dugu-kole rɔ! Mɔgɛ minnu bi tagamana ila kilɛ fɛ anu yisi gbɛnɛ la, i ye ila lanyiri latɔnbagayala anu ye ka ila keninteyɛ yira anu na.

Yaburi 111:9

A ya ala mɔgɛnu hɔrɔya ka sarama-kan kiri anu nyɔgɔn tɛma min ti ban mumɛ! Ata sɛninyɛ anubɛ ata sɛnbɛ-dan ti lɔn.

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 18:31

Mari kelen pe le Alla la. Yon si ma kumafunfan Alla kɔma?

Yaburi 71:19

E, Alla, ila telenbagayɛ kenɛ fɔɔ san-kole ma. I wara kabana-ko-siyaman kɛ, ado i nyɔgɔn sa.

Yaburi 71:3

I ni ma nta lakisi-bɔn la min si n tanka n yogenu masibɛ ma. Nta bon-gbɛlɛmɛ anubɛ nna kɛlɛ-kɛlɛ le ile la. N si n buri tala ile wara tuma-wo-tuma.

Yaburi 73:25

Fenfen sa nde bolo Arinyɛni tɔ ile kɔma n dɛnbɛn-koe rɔ. N bi nyinina nfen ma duninya kɛ rɔ ile Alla kɔma?

Yaburi 86:8

E, n tigi, i rakɛn sa, ado i kolo bɛsɛ bɛɛ ko. Ha bi, mɔgɔ ma ko ma wɛ iko ile.

Yaburi 89:6

Mari, i rakɛn fenfen sa Arinyɛni tɔ. I nyɔgɔn-takɛn sa nyɔ nima-fannu tɔ.

Yaburi 89:8

E, Mari Alla Sɛnbɛ-Bɛɛ-Tigi, sɛnbɛ ye yon bolo iko ile? Ile Mari si koe bɛɛ ladan lanayɛ rɔ.

Yaburi 99:3

A bɛnta bɛɛ ni a tɔgɔ-makawanɛ tanto bawo a sɛninyani de!

Yaburi 99:5

Tantolɛ ni di mata Mari Alla ma. Wo ni a bato ala mansaya-waganɛ yakɔrɔ bawo a sɛninyani de!

Yaburi 99:9

Tantolɛ ni di ile, mata Mari Alla ma. Ma ni i bato ita kɔnkɔ-sɛnimɛ kuma. Ile mata Mari Alla sɛnima.

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Aiseya 44:8

A ko ma kana kilan! Ma kana hɔn! Min bi nala mala ma la, a ye wonu fɔla ma ye tolon! A sere le male la kɛnuna ko la. Alla-gbɛrɛ ye nyɔ, wa? Alla-makawani-gbɛrɛ do ye nyɔ, a ma min wara-koe lamɔɛn bɛ?

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Yɛrɛmaya 10:6

Mari, i nyɔgɔn sa. I makawara. I tɔgɛ mankan kolo.

Saraka-Masɔlɛnuta Tɔnnu 11:44

Nde le wota Mari Alla la min bi a fɔla wo ye ko, ‘Wo ni wo nyɛrɛ mara sɛninyɛ rɔ bawo nde sɛnima.

Saraka-Masɔlɛnuta Tɔnnu 11:45

N ya wo labɔ Iyipiti nyamanɛ rɔ alako n ni ma wota Alla la. Wo ni ma mɔgɔ-sɛnimɛnu na iko nde, Mari.’

Romu 15:4

Min bɛɛ sɛbɛnɛ Allala kitabu rɔ kɔrɔma la, wo sɛbɛnɛ alako ka ma karan. Anu si a ma, ma ni ma munyu ka ma sɛnbɛ don alako ma si yigi sɔrɔn nya min.

Romu 4:8

Mɔgɔ-sewanɛ le wo tigi la, Mari ma hakɛ yen min ma!”

Tɔn-Fɔɛ-Fila-Nyɔgɛ 3:24

‘Allatala, n ya a lɔn ko i ye ko-nyimɛ minnu kɛla ma ye yarɔma, i wara a fɔlɔtɛ yira n na ita kabana-koe fɛ kaka. Alla-gbɛrɛkɛ sa san-kole anubɛ dugu-kole ma min si ke kabana-koe ladanna iko ile.

Tɔn-Fɔɛ-Fila-Nyɔgɛ 32:20

A ko a ti wo dɛnbɛ hali! Wole tolo-gberenu anubɛ wole mɔgɔ-murutiyanɛnu, a ni a yen wo ye nala min mala wo kɔma gbɛ!

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Tɔn-Fɔɛ-Fila-Nyɔgɛ 4:35

Mari ya wo bɛɛsi yira wo la ka a ragbɛ wo ye alako wo ni la a la ko a kelan le Alla la. Alla-gbɛrɛkɛ sa duninya rɔ fɔ ale kelen pe.

Tɔn-Fɔɛ-Fila-Nyɔgɛ 4:39

Wo ni wo miri bi ko. Wo kana nyina. Mari le Alla la san-kole rɔ anubɛ dugu-kole kuma. Mari-gbɛrɛkɛ sa nyɔ ale kɔma.

1 Pita 1:16

ado a sɛbɛnɛ Allala kitabu rɔ ko, “Wo ni sɛninya bawo nde sɛnima.”