1 Samuwɛli 2:11 - ALLALA KUMƐ

¹¹ Ɛlakena anubɛ ala musi sɛgira anu barɛ Rema soe burɔ kɔnɔ anu ya Samuwɛli wo to Saraka-Masɔla-Kun-Tigi-Wɛ Ilayi bolo Sailo soe burɔ ka Marita wɔlɛ kɛ nyɔ.

1 Samuwɛli 2:11 Iomraidhean Croise

1 Samuwɛli 1:1

Ifɛrɛm bɔnsɔn-mɔgɛ do ye nyɔ min tɔgɛ Ɛlakena. A siginɛ Rema soe burɔ Ifɛrɛmta kɔnkɔ-nyamanɛ rɔ. A fa tɔgɛ le Yɛroham. Yɛroham wo fanan fa tɔgɛ le Ɛlihu. Ɛlihu wo fanan fa tɔgɛ Tohu. Tohu wo fanan fa tɔgɛ le Sufu.

1 Samuwɛli 1:19

Wo wulun sɔgɔma subaga, Ɛlakena anubɛ ala denbayɛnu ya Mari bato, anu nara to sɛgila anu barɛ Rema. Hana tara ki ala kei wara. Mari ya Hanala madiyalɛ yabi.

1 Samuwɛli 1:28

Kaka, n bara na a la ka a dantɛgɛ Mari ma. Fananta a ye a niyi la, Maritɛ le ale la.” Anu dama ya Mari bato nyɔ.

1 Samuwɛli 2:18

Wo wati ya a taran, Samuwɛli dennɛ le nun. A ye wɔlila Mari ye. A si linɛn-fɔlɔnfalan bila a kan na min manɛ iko saraka-masɔlɛnuta fɔlɔnfalan-natankanɛ.

1 Samuwɛli 3:1

Samuwɛli ye Marita wɔlɛ kɛla Ilayi kɔrɔ wati min, Mari sa kuma-siyaman fɔla mɔgɛnu ye wo wati rɔ nun, ado ala ko-rayirɛ fanan ma siya mɔgɛnu ye.

1 Samuwɛli 3:15

Samuwɛli kira sani kudu, ha banda kara. A ya a lasɔ ka Marita Fani-Bɔn bonda-dɛ laka. Kɔnɔ a kilanta ala ko-rayirɛ wo rakaranna Ilayi ye.

1 Samuwɛli 7:17

A wa ban kɛ la, a si sɛgi a kɔma kiti-sa-tinɛ a sɔrɔn-soe burɔ Rema. A ya saraka-mintan-tinɛ sɔ Mari ye nyɔ.