1 Samuwɛli 2:10 - ALLALA KUMƐ

¹⁰ Mari yogenu si kasara. A si tɔrɔyɛ layigi anu kuma iko san-gbalamɛ. Mari si duninya-mɔgɛ bɛɛ kiti tɛgɛ. Ale le si sɛnbɛ di ata mansɛ ma. Ata mansa-yabɔnɛ si nɔ-ko sɔrɔn.”

1 Samuwɛli 2:10 Iomraidhean Croise

2 Samuwɛli 22:14

“Mari Min Bi Fan Bɛɛ Kuma, a kan ye bɔla san-kole rɔ iko san gbalamɛ.

2 Samuwɛli 7:13

Wo le ye n bato-bɔn sɔla. N si a ma, mansayɛ ti bɔ ala bɔn la mumɛ!

2 Samuwɛli 7:8

“Woletɔ a fɔ Dawuda ye ko nde, Mari Sɛnbɛ-Bɛɛ-Tigi kan le kɛ la. N ko n ya ale bi sagɛnu denu fɛ ka a ma mansɛ la nta mɔgɛnu kun na Isirɛla nyamanɛ, kɔni.

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yaburi 132:17

A ko Mansa Dawuda kegeyɛ do si ma mansa-makawanɛ la, ado ata mansa-yabɔnɛ si to bɔla ala bɔn la tolon!

Yaburi 148:14

A ara ata mɔgɛnu tagbɛlɛya gbon! Woletɔ anu bi a tantola, ado ala Isirɛla mɔgɛnu di a ye kati! Bɛɛ ni Mari tanto!

Yaburi 2:2

Nfenna anuna mansɛnu kɛnɛna sɔla Mari la? Nfenna anuna mɔgɔ-banu bi kɛwuyɛ sigila Marita mansa-yabɔnɛ la?

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 2:9

A ko n si nɛgɛ-gbelekɛ bi ka anu kunyɛ lasɛgi a rɔ. N si anu kasara iko mɔgɔ wa bɔnku-dagɛ ratii.

Yaburi 20:6

N bara ban a lɔnna ko Mari si a ma, ata mansa-yabɔnɛ ni nɔ-ko sɔrɔn a yogenu ma. A si a yabi Arinyɛni tɔ. Ata sɛnbɛ-makawanɛ si a ma, mansɛ wo ni nɔ-ko sɔrɔn.

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Yaburi 21:1

E, Mari, mata mansɛ ara sewa bawo i wara ila sɛnbɛ di a ma. A ara nyagalen bawo i wara a ma, a ara a yogenu nɔ.

Yaburi 28:8

Ile Mari si ila mɔgɛnu nakanan. I si ita mansa-yabɔnɛ kumafunfan ka a lakisi.

Yaburi 45:7

Ko-latelennɛ di i ye. Ko-radunɛ gbo i ye. Woletɔ ita Alla ara ile mansɛ yabɔ. A ara i lasewa mansɛ bɛɛ ko.

Yaburi 89:17

I wara nɔ-ko-sɔrɔn-sɛnbɛ di ma ma. Ita keninteyɛ le ya a ma, ma ara nɔ-ko sɔrɔn.

Yaburi 89:24

I si a keni ka i lanaya a ye. I si a ma, a ni to nɔ-ko sɔrɔnna.

Yaburi 89:25

I si a ma, ata mansayɛ ni dabira Mɛdetereniyan kɔgɔ-yi ma ha ka ke Yufereti bɛ ma.

Yaburi 96:13

Mari wa na kiti tɛgɛ tinɛ lunyɛ min, kɔni. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Yaburi 98:9

bawo a nara duninya mumɛ bɛɛ le mara tinɛ. A si duninya-mɔgɛ bɛɛ mara telenbagayɛ anubɛ lafisayabɛlitayɛ la.

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Makawandili Kumɛnu 11:9

Wole fonikenu! Wo ni wo nyɛrɛ ladiya. Fananta i pose, i ni i tele kɛ. Ko-wo-ko di i ye, wo ma fasai! Kɔnɔ i miri de, lunyɛ do, i wara koe min bɛɛsi ma, fɔ Alla wa i kiti wonuna ko la.

Makawandili Kumɛnu 12:14

Ma ya ko-wo-ko ma, Alla si ma kiti wola ko la. A yogoma wo, a nyima wo, hali a dogonta koenu, a si ma kiti wo bɛɛla ko la.

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 32:1

Wati do ye nala, mansɛ si taran min si mɔgɛnu namara telenbagayɛ rɔ. Ata mɔgɔ-banu si to ko-telennɛ mala.

Aiseya 45:24

Minnu ba na, wonu si a fɔ ko nɔlɛ anubɛ sɛnbɛ ye ale Mari kelen pe le bolo. A ko ale Mari wa gboya minnu ye, wonu si tɔrɔ yarabiyi bolo.

Isikiyɛli 29:21

“Wo wa ma tumɛ min, n si Isirɛla mɔgɛnu tagbɛlɛya gbon! Ile Isikiyɛli nyɛrɛ si kuma alako bɛɛ ni a lɔn ko Mari le nde la.”

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Luka 1:69

A ara kisilɛ-sɛnbɛmɛ lawuli ma ye min bɔnɛ Mansa Dawuda bɔnsɔn rɔ.

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

Kɛlɛ-Kurugbɛnu 5:31

“E, Mari, alamɛ i yoge bɛɛ halakira iko Sisara mara nya min. Kɔnɔ minnu bara i keni, alamɛ wonu malanta iko tele.” Wo kɔma, san bi-nani, anu bi yisi-kimɛ rɔ Dɛbora anubɛ Bɛraki bolo.

1 Samuwɛli 12:13

Samuwɛli ya a fɔ anu ye tun ko, “Wo ma wola mansa-siginɛ yen? Wo ara a wara-koe manyinika, ado Mari ara a di wo ma.

1 Samuwɛli 12:17

Telemɛ le kɛ la kaka. Kɔnɔ hali wo, n si Mari madiya. Wo si bandɛ anubɛ san-gbalamɛ yen wo nyɛrɛ yɛ la kaka. Wo wa ma tumɛ min, wo ni a lɔn worɔ yati, ko wo ara hakɛ-belebele kɛ Mari la bawo wo ara a manyinika mansaya-koe la.”

1 Samuwɛli 12:18

Samuwɛli ya madiyali kɛ. Tele wo nyɛrɛ rɔ, Mari ya bandɛ anubɛ san-gbalamɛ layigi. Wo ya a ma, Isirɛla mɔgɛ damasi kilanta Mari anubɛ Samuwɛli la.

1 Samuwɛli 12:3

Wo ma n sɔnɛ yen kɛ la? Ni n bara ko-yogomɛ ma min na wo tɛma, wo tigi ni a sɔ n tɔ Mari anubɛ ala mansa-yabɔnɛ yakɔrɔ yan tɔ. Ni n bara mɔgɛ minna ninki bi a bolo, ni wo ma, ala sofɛlɛ, wo tigi ni a sɔ n tɔ yan tɔ. Ni n bara min kensunya, ni n bara min tɔrɔ ka a kɔndɔfili, ni n bara dogonta-fan bira min bolo, ni n bara kɛ sufa ma mɔgɔ-wo-mɔgɔ la wo tɛma, wo tigi ni a sɔ n tɔ. Ni n ya min bi wo tigi bolo, n si a lasɛgi wo ma tun.”

1 Samuwɛli 15:28

Wo manɛ, Samuwɛli ya a fɔ a ye ko, “Mari fanan bara Isirɛla mɔgɛnuna mansayɛ rafara i ma bi wo nya na. A si a di mɔgɛ do ma min tenbira ile la.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 7:10

Wulɔn-tele kelan, Samuwɛli ye sarakɛ wo bɔla, Filisitinu nara kɛ Isirɛla mɔgɛnu ma. Wati kelan wo rɔ, Mari ya san-gbalamɛ layigi Filisiti wonu ma ka anu kumakɔ. Anu tanyɛnsɛnta.