1 Samuwɛli 2:1 - ALLALA KUMƐ

¹ Hana ya Mari bato. A ko, “Mari ara n yisi lafa sewɛ la. N sewanɛ bawo Mari ara min ma n ye. N si yɛlɛn de n yogenu ma gbɛ! N nyagalennɛ bawo Alla ara n dɛnbɛ.

1 Samuwɛli 2:1 Iomraidhean Croise

2 Ko-Kɔrɔta-Karan 20:27

Wo kɔma, Mansa Yɛhosafati sɔra ala kɛlɛ-dannu yarɔ ka sɛgi Yerusalɛm soe burɔ sewɛ la bawo Mari ara ban anu yogenu fagala anu ye feu!

Nihɛmaya 11:17

Maikala den Matanaya, Sabadi mamanɛ, kɔni, wo nara sigi Yerusalɛm. Sabadi fa tɔgɛ le Esafi. Anu tenbi baraka-bira-bɛti bɔla, Matanaya wo le bɛti-bɔlɛnu ya rɔ. Matanaya kan-kɔrɔ-sigilɛ le Bakibukiya la. Samowala den Abida, Kelali mamanɛ, kɔni, wo nara sigi Yerusalɛm. Kelali fa tɔgɛ le Yɛdutun.

Yobu 16:15

A manɛ iko kasa-kurɛ ara kara n fɛrɛ ma. N yisi-tinyanɛ siginɛ gbangban rɔ.

Yaburi 118:14

Nna sɛnbɛ ye bɔla nta Mari le tɔ. Matɔgɔ-bɛti bɛnta a ma. A ara n nakanan.

Yaburi 13:5

N bara n dun ila keninteya-dannatɛgɛbɛlɛ la. Ni i ya n nakanan, wo si diya n ye kosɛbɛ!

Yaburi 148:14

A ara ata mɔgɛnu tagbɛlɛya gbon! Woletɔ anu bi a tantola, ado ala Isirɛla mɔgɛnu di a ye kati! Bɛɛ ni Mari tanto!

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 20:5

Wo dama wa ma tumɛ min, ma si a lawɔyɔ ka a tɛgɛ ila nɔ-ko-sɔrɔn-koe ma sewɛ bolo. Ma si baraka bira Alla ye bui! Alamɛ Mari ya i makoe bɛɛ nyinya.

Yaburi 21:2

A miriya ye min bɛɛ ma, i wara wo bɛɛ kɛ a ye. A ara i matara min bɛɛ ma, i wara wo bɛɛ di a ma.

Yaburi 35:9

N si sewa ka a tɛgɛ Mari ara min ma n ye. N si nyagalen bawo a ara n nakisi.

Yaburi 51:15

E, n tigi, ni i ya n dɛ fulen, n si i matɔgɔ ka i tanto.

Yaburi 71:8

Tuma-wo-tuma, n bi i tantola ka ila gbiliyɛ rakaran mɔgɛnu ye.

Yaburi 75:10

A si mɔgɔ-yogomɛnuta sɛnbɛ rakerikeri kɔnɔ mɔgɔ-telennɛnuta sɛnbɛ si to koloyala.

Yaburi 89:17

I wara nɔ-ko-sɔrɔn-sɛnbɛ di ma ma. Ita keninteyɛ le ya a ma, ma ara nɔ-ko sɔrɔn.

Yaburi 89:18

E, Mari, ile le ya mansɛ yabɔ ma ye. Ile Isirɛlata Alla-sɛnimɛ le ya mala mansɛ di ma ma.

Yaburi 89:24

I si a keni ka i lanaya a ye. I si a ma, a ni to nɔ-ko sɔrɔnna.

Yaburi 9:14

woletɔ n si ke sɔla mɔgɛ bɛɛ yakɔrɔ Yerusalɛm soe burɔ ka i matɔgɔ-koenu fɔ anu ye. N si sewa bawo i wara n nakisi.

Yaburi 92:10

I wara n tagbɛlɛya gben, iko sigi-turɛ. A ara duwɛ labɔn n ma ka n nasewa.

Bɔ-Koe-Iyipiti 15:1

Nba, Musa anubɛ Isirɛla mɔgɛnu ya bɛti kɛ bɔ Mari ye ko, “Ma si bɛti bɔ Mari ye kamasɔrɔn a ara nɔ-ko sɔrɔn a nyɛrɛta sɛnbɛ la. A ara kɛlɛ-dannu anubɛ anuna soeenu natuntun Kɔgɔ-Yi-Wulan wo rɔ.

Bɔ-Koe-Iyipiti 15:21

Miriyam ya bɛti bɔ Isirɛla mɔgɛnu ye ko, “Ma ni bɛti bɔ Mari ye kamasɔrɔn a ara nɔ-ko sɔrɔn a nyɛrɛta sɛnbɛ la. A ara kɛlɛ-dannu anubɛ anuna soeenu nato kɔgɔ-yi rɔ.”

Habakuku 3:1

Nɛbi Habakukuta mataralɛ le kɛ la.

Habakuku 3:18

kɔnɔ hali wo, n si nyagalen ka sewa bawo Mari Alla le nna kisilɛ la.

Luka 1:69

A ara kisilɛ-sɛnbɛmɛ lawuli ma ye min bɔnɛ Mansa Dawuda bɔnsɔn rɔ.

Romu 5:11

Kɔnɔ a dama ma wo la, ma sewanɛ bawo ma Mari Yisa, Allata-Mɔgɔ-Yabɔnɛ ara ma ma Alla diyana-mɔgɛ la.

Tɔn-Fɔɛ-Fila-Nyɔgɛ 33:17

Fanka ye Yusufu bɔnsɔn-mɔgɛnu na iko turɛ. A bɔnsɔn filɛ, Manasa anubɛ Ifɛrɛm, wonu tagbɛlɛ iko sigi-kere. Manasa bɔnsɔn kɛlɛ-den waga siyamɛnu anubɛ Ifɛrɛm kɛlɛ-den waga tan-tannu, wonu si anu yogenu kɛlɛ ka anu tasɔgɔ-sɔgɔ iko sigi-dalamɛ si mɔgɛ rasɔgɔ nya min. Hali minnu fɛ-yan anu na, anu si ta wonu gbenna ka anu nato dogbe!”

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Filipai 4:4

Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

1 Samuwɛli 1:6

A sena-musi Pɛnina, wo si to Hana lamɔnina alako ka a lamiliya bawo Mari ara a bɛn dan la.

1 Samuwɛli 1:7

San-bo-san, a si to mala wo nya na le. Anu ba ta Mari bato tinɛ, Pɛnina si Hana niyi latinya. Wo si a ma, Hana ni to dila ka a ban dɔn-fan la.