1 Samuwɛli 19:9 - ALLALA KUMƐ

⁹ Lunyɛ do, Mansa Sɔli siginɛ ala bɔn la, Mari ya nyinɛ lawuli a la tun. Tanbɛ ye a bole tɔ. Dawuda fanan bi sɔrɔn fɔla a ye nyɔ.

1 Samuwɛli 19:9 Iomraidhean Croise

1 Mansɛnu 22:22

Mari ya wo manyinika, a ko, ‘Ile si ke a yanfala kama?’ Melika wo ya a fɔ Mari ye ko, ‘Nde si ta a ma, Mansa Ehabula nɛbi bɛɛsi ni ma foninya-fɔlɛ la.’ Mari ya a fɔ a ye ko, ‘Awa, nba, ta! I ni yanfɛ sigi a la bawo n bara la a la ko ile si a nɔ le.’ ”

1 Samuwɛli 16:14

Marita sɛnbɛ bɔra Mansa Sɔli fɛ. Mari ya nyinɛ lawuli Mansa Sɔli la, a tɔrɔ-koe la.

1 Samuwɛli 16:15

Mansa Sɔlila wɔli-kɛlɛnu ya a fɔ a ye ko, “Ma ya a lɔn ko Alla ara nyinɛ lawuli i la min si i tɔrɔ.

1 Samuwɛli 16:16

A sɔgɛ ye ma la, ma ni sɔrɔn-fɔlɛ do nyini i ye. Woletɔ ni nyinɛ wo wulita i la tuma-wo-tuma, wo si sɔrɔn fɔ i ye. Nyinɛ si i boloka. Min bi ile ma tun ka a fɔ ma ye ko, ‘Wo ta sɔrɔn-fɔlɛ nyini.’ ”

1 Samuwɛli 19:8

Kɛlɛ buira Isirɛla mɔgɛnu anubɛ Filisitinu tɛma tun. Dawuda tara bui anu ma fugbu, ka anu nɔ! Filisitinu ya anu buri.

1 Samuwɛli 22:6

Mansa Sɔli siginɛ kɔlɔma-kuri do kɔrɔ Kibiya kɔnkɛ do kuma. Ala tanbɛ ye a bole la. Ala mɔgɔ-banu sɔnɛ ala foolɛ rɔ. Mɔgɛ do tara a fɔ Mansa Sɔli ye ko anu ya Dawuda anubɛ ala keminɛnu yen.