1 Samuwɛli 19:5 - ALLALA KUMƐ

⁵ A ya a niyi fili ka Kolati faga. Mari ya nɔlɛ di Isirɛla mɔgɛnu ma wo wati rɔ. Ile nyɛrɛ ya wo yen tumɛ min, i sewara. Nfenna worɔ, a sɔgɛ ye i la, i ni baga Dawuda ma fufafu, ado ale ma ko tinya i ma?”

1 Samuwɛli 19:5 Iomraidhean Croise

2 Samuwɛli 23:10

Ale sɔra a gbɛ rɔ gben! A ya Filisitinu matɛgɛ furr, ha a bole kankanta ala faan ma. Mari ya a ma, anu ya nɔ-ko sɔrɔn wulɔn tele rɔ. Kɛlɛ kanɛ a la, Isirɛla mɔgɛnu tara ale Ɛliyasa taran alako anu ni furi wonu bolo-fannu bi.

1 Ko-Kɔrɔta-Karan 11:14

Anubɛ Dawuda sɔni tora sɛnɛ wo tɛma ka Filisitinu kɛlɛ. Mari ya a ma, anu ya nɔ-ko sɔrɔn.

1 Ko-Kɔrɔta-Karan 11:18

Kɛlɛ-kurugba sawɛ kɛ min tara Dawuda taran nyɔ, wonu ya anu taya ha anu tenbira Filisitinu tɛma. Anu tara yi bi kɔlɔn wo rɔ Bɛtalehɛm tarɛ dafɛ. Anu sɛgira yi wo la anu bolo Dawuda wara. Kɔnɔ Dawuda ma sɔn yi wo minna fɔ ka yi-kimɛ wo labɔn Mari ye.

Yaburi 109:5

Ha bi, anu bi ko-nyimɛ sarala ko-yoge la ka keninteyɛ sara gboyanayɛ la.

Yaburi 119:109

N mabɛnnɛ n ni-fili-koe la kɔnɔ hali wo, n ti nyina ita sereyanu ko.

Yaburi 25:3

Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 69:4

N sɔgɔ labɔnɛ minnu na, n ma ko ma minnu na, wonu siya n kun-sigi ko. N yogenu bi tɔgɛ sala n na. Anu tagbɛlɛ n ko, ado n faga-sɔgɛ ye anu na. N ma fan minnu bi, anu bi n fɔrɔsɛla ko n ni wonu nasɛgi.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Yɛrɛmaya 26:15

Kɔnɔ wo ni la kɛ la serr! Ni wo ya n faga, wo ara n faga le dɔrɔn, fɛɛ sa n na bawo Mari le nyɛrɛ ya n sɔ wo makawandili-kumɛ kɛ fɔ-tinɛ wo ye.”

Matiyu 27:24

Pailɛti ya a yen tumɛ min ko a ti nɔ-ko sɔrɔn anu ma, ado sɔnkɔ-sɔnkɛ ye nala bɔla-a-rɔ le, a ya yi bi ka a bole laku nyama yala. A ko, “Ndeta sa kei kɛ faga-koe rɔ! Wota kɛwɔli le wo la!”

Matiyu 27:4

A ko, “N bara hakɛ kɛ ka mɔgɔ-magbalanɛ ladon wo bolo tɔ, ado a ye nala fagala!” Anu ya a fɔ a ye ko, “Malela ko sa wo rɔ. Ila koe le wo la!”

Yɔni 15:25

ado fɔ a ni ma wo nya na le alako min sɛbɛnɛ anuta tɔn rɔ, wo ni bɔ-a-la. A sɛbɛnɛ ko, ‘N gboyara anu ye, a kɔrɔ-wo-kɔrɔ sa a la.’

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Filipai 2:30

bawo a ma a nyɛrɛ niyi lɔn fenfen na. A tora doni, a ni faga Kirasitila wɔlɛla ko la. A ya wo ma alako wota dɛnbɛnɛ dasara kan min, a ni wo dafa n ye.

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.

Kɛlɛ-Kurugbɛnu 12:3

N ya a yen min kɛ ko wo sa nala, n ya n niyi fili ka belen Amonnuna nyamani-dan kun na ka anu kɛlɛ, ado Mari ya a ma, n ya anu nɔ. Nfenna gbɛ, wo ye nala n kɛlɛla?”

1 Samuwɛli 11:13

Kɔnɔ Mansa Sɔli ya a fɔ anu ye ko, “Wo kana mɔgɛ faga bi bawo Mari ara Isirɛla mɔgɛnu natanka bi.”

1 Samuwɛli 14:45

Kɔnɔ kɛlɛ-dannu ya a fɔ Mansa Sɔli ye ko, “A kin Yonatan kɛ ni faga min bara male Isirɛla kunka, wa? Ade! Wo fɛ yan! Ma ara ma keli Mari la, hali Yonatan kɛ kun-sigi kelan ti wurun. Yonatan kɛ ya koe min ma male Isirɛla mɔgɛnu ye bi, a ya wo ma le bawo Alla le ya a dɛnbɛ.” Anu ya Yonatan latanka sayɛ ma.

1 Samuwɛli 19:6

Yonatanna kumɛ wo marɛ ya Mansa Sɔli bira. A ya lanyiri kiri ko, “N bara n keli Mari la, n ti Dawuda faga.”

1 Samuwɛli 20:32

Yonatan ya a fɔ a fa ye ko, “A ya nfen ma i la, a ye fagala minna ko la?”

1 Samuwɛli 22:14

Saraka-Masɔla Ahimɛlɛki ya a fɔ a ye ko, “Dawuda telenta ka tenbi ila kun-tigi bɛɛ la, ado i biran-kei le ale la. I makandannɛnuna kun-tigi le ale la. Ila mɔgɛ bɛɛ ye a gbiliyala.”

1 Samuwɛli 28:21

Musi wo tara sɔ a dafɛ. A ya a yen ko a ara kilan kati! Musi wo ya a fɔ a ye ko, “Nde ara n niyi fili ila ko la ka ita kumɛ bira.