1 Samuwɛli 19:23 - ALLALA KUMƐ

²³ Ale fanan bi gbɛrɛnna Rema soe ma tumɛ min, Allata sɛnbɛ yigira ale fanan kuma. A ya dɔn-kɛ anubɛ wɔlɔyiya-kuma-fɔɛ dabira, ha a tara ke Neyɔti.

1 Samuwɛli 19:23 Iomraidhean Croise

Hɛnkilimaya-Kumɛnu 16:9

Mɔgɔni-gbuyi si ke a mirila koe ma a burɔ kɔnɔ Mari wo ye a latɛgɛla le.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Yilan-Yilan Koe 23:5

Mari ya kuman-kan don Belam bolo a si ta min fɔ Mansa Balaki ye.

Yilan-Yilan Koe 24:2

ka Isirɛla mɔgɛnu daga-makɛnɛ yen. Anuna bɔnsɔn faranɛ iko anu siginɛ nya min. Marita Sɛnbɛ donta a sɔndɔmɛ rɔ

Matiyu 7:22

Tele-laban-lunyɛ, mɔgɔ siyaman si a fɔ ko ata Mari le nde la ko a ya wɔlɔyiya-kumɛnu fɔ n tɔgɛ rɔ. A si a fɔ fanan ko a ya nyina siyaman gben n tɔgɛ rɔ ka kabana-ko siyaman kɛ n tɔgɛ rɔ!

Yɔni 11:51

A ma kɛ fɔ a nyɛrɛta miriya ma kɔnɔ ale le ye saraka-masɔla-kun-tigi-wɛ la wo san la min kɛ, a ye wɔlɔyiyɛ kɛla Yisala sayɛ ma Yahudiyanuna ko la,

1 Kɔrɛnti 13:2

Hali kawandili-bɔ-sɛnbɛ dira n ma ka lɔnnɛ bɛɛ sɔrɔn ka gbundu-koe bɛɛ lɔn, ni wo ma, dɛnkɛninyɛ ni wara n bolo ha ka kɔnkɛnu bɔ anu gbɛ rɔ, ni keninteya sa n yisi rɔ, fenfen ma n na.

1 Samuwɛli 10:10

Sɔli anubɛ ala wɔli-kɛlɛ wo kera Allata kɔnkɛ wo ma tumɛ min Kibiya soe burɔ, nɛbi-kurɔn wonu ya anu taran. Tiriyante wo rɔ, Allata Sɛnbɛ yigira Sɔli kuma. Ale fanan kofura nɛbi wonu ma dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 10:12

Kei do siginɛ nyɔ nun. Wo ya nyinikalɛ kɛ ko, “N bɔnu, nɛbi doi kɛnu fa ye yon na?” Kumɛ wo mara sarandɛ la anu bolo ka a fɔ ko, “Sɔli kɛ fanan bi nɛbiyɛ le la gbɛ, wa?”

1 Samuwɛli 10:6

Tiriyante wo rɔ, Marita Sɛnbɛ si yigi i kuma. I fanan si kofu anu ma dɔn-kɛ anubɛ wɔlɔyiya-kuma-fɔɛ rɔ iko anu denu. Ila ko-ladan-nya bɛɛ si yɛlɛma. Wo le ye a yirala i la ko Mari le wara i yabɔ ka i ma mansɛ la.

1 Samuwɛli 18:10

Wo wulun sɔgɔma, Alla ya nyinɛ lawuli ale Mansa Sɔli la tun. A donta wɔrɔnde rɔ a nyɛrɛ warɛ bɔn la iko yuwɛ. Wo wati ya a taran, Dawuda ye ala sɔrɔn-fɔɛ la iko a duruta a mala nya min. Wo ya a taran, tanbɛ ye Mansa Sɔli bole tɔ.

1 Samuwɛli 19:18

Dawuda ya a buri ka ta Samuwɛli taran Rema soe burɔ. Mansa Sɔli ya min bɛɛsi sigi a la, a ya wonu takaran a ye. A ban wo fɔla, Samuwɛli tara nɛbinuna karan tinɛ Rema soe tɔnkɔn do rɔ min tɔgɛ Neyɔti. Anu tora sigini nyɔ.

1 Samuwɛli 19:20

a ya mɔgɛ donu boloka ko wonu ni ta Dawuda bira nyɔ. Wonu bi kela nyɔ tumɛ min, anu ya a taran, Samuwɛli anubɛ ala karan-dannu bi dɔn-kɛ anubɛ wɔlɔyiya-kuma-fɔɛ kun na. Tiriyante wo rɔ, Marita sɛnbɛ yigira Mansa Sɔlita mɔgɛ wonu kuma, anu fanan donta dɔn-kɛ anubɛ wɔlɔyiya-kuma-fɔɛ rɔ.

1 Samuwɛli 19:22

Wo kɔma, ale Mansa Sɔli nyɛrɛ wulita Dawuda bira kan ma. A ke kɔlon-wɛ do ma min bi Seko soe burɔ, a ya Samuwɛli anubɛ Dawuda manyinika mɔgɛnu na nyɔ. Seko so-burɔ-mɔgɛnu ya a fɔ a ye ko anu bi Rema soe tɔnkɔn do rɔ min tɔgɛ Neyɔti.